ISANG LINGGO matapos magpa-interview kami ni Daren. Dumagsa ang mga reporters na gusto kaming ma-interview hindi lang pumayag si Daren dahil ayaw niyang madamay ako. Naging busy na rin si Daren sa mga sunod-sunod na shooting niya. Mula nang sabihin niyang pakakasalan niya ako. Hindi na ako pinagtrabaho sa bahay niya. Ang trabaho ko na lang ay asikasuhin siya sa tuwing dumarating siya galing shooting niya.
"Ang ganda niya Aling Selma." sabi ko kay Aling Selma habang nanonood kami ng palabas sa korean drama. Mahilig kasi silang manood ng korean drama.
Nasa sala kaming apat kasama ang dalawang katulong habang kumakain kami ng cake. Kapag kasi hapon na nag-uumpukan na kami sa sala upang manood ng inaabangan naming korean drama. Masarap kasing manood dito sa sala dahil para kang nanonood sa s
