Malayang pinagmamasdan ni Dwight si Donessa habang pabalik-balik sa paglangoy at pagsisid ang dalaga. Nakakatuwang pagmasdan na magaling pala ito. Hindi na siya mag-aalala na sagipin pa kung sakali dahil mukhang mas magaling pa ito kaysa sa kanya sa paglangoy. May kaunting lungkot lang siya dahil hindi siya magiging hero ngayon sa ganu'ng paraan. Paano niya kaya ito masasagip nang magkaroon naman ng utang na loob sa kanya si Donessa? That way ay advantage sa kanya para magkalapit silang muli.
Nang umahon si Donessa mula sa pagsisid ay nasa harapan niya mismo natuon ito. Bagamat inabangan niya na talaga si Donessa ay nagulat pa rin siya dahil sobrang lapit nila. Ang bilis kasing lumangoy nito. Gulat na gulat naman si Donessa nang makita si Dwight sa harap nito at napatulala pa. Pilyong ngu
