"Puwede ba, Dwight? Bakit ka ba sumusunod?" naiinis na sita ni Donessa kay Dwight. Nasa rancho sila ngayon at gusto niya sanang mamasyal sa malawak na bahagi ng property nila.
"Sabi ko naman sa 'yo na delikado mag-isa. Baka mamaya ay lumayo ka pa sa property n'yo at mapahamak. Saka 'di ba inlove sa 'yo ang tao kapag sumusunod siya sa 'yo?" anitong nanatiling nakasunod sa kanya habang naglalakad.
'D*mbass! Ang tanga naman ng lalaking 'to!' Nababanas na talaga siya sa kabubuntot sa kanya ni Dwight.
"So mahal mo ako?" Huminto siya at hinarap ito. Medyo naiilang siya dahil sa tanong nito kaya sinisiguro niya lang kung hindi ba ito nangti-trip lang.
'Ba't 'di niya alam kung ano ang nararamdaman niya? Parang ewan. Pinagtitripan niya ba ako?'
"Mahal? Ah, oo! Mahal kita!" anito na may mala
