Tila hindi namamalayan ni Donessa ang bilis ng mga araw. Namalayan niya na lang na naging magkasundo ang mga damdamin nila ni Dwight kahit na wala silang sinasabi.
"Hindi mo ba namimiss ang pagrampa?" biglang untag sa kanya ni Dwight. Kasalukuyan silang nagkakape sa terasa sa pangalawang palapag ng bahay sa villa. Ipinatikim nito sa kanya ang ipinagmamalaki nitong special coffee. Wala naman palang kakaiba sa kape nito. Sinabi lang nito iyon para pumayag siyang magkape kasama ito.
"Namimiss naman pero nagpapahinga pa lang ako. At saka nagpaalam ako sa media," saad niya na tinanguan lang nito. Mataman lang itong nakatitig sa kanya at nang mahuli niyang nakatingin si Dwight ay pilyo siya nitong nginisihan.
Mayamaya ay may namataan silang sasakyan na huminto sa harap ng villa. Kilala niya
