Tahimik ang hapunan nina Dwight at Donessa. Para silang kumakain sa karinderya ni aling Maria na hindi nagpapansinan at hindi magkakilala. Panay ang inom ng tubig ni Donessa dahil pakiramdam niya ay kay bigat ng awra sa paligid.
Kanina pa nakaalis si Geoffrey at mukhang wala pang balak umuwi kaya pinaalis niya na. Nag-aalala rin siyang baka magalit na si Dwight dahil napapansin niya ang madalas na pangangalit ng panga nito kapag nakikita sila ni Geoffrey na magkalapit.
Ngayon naman ay hindi man lang siya nito tinatapunan ng tingin at nagmamadali pa sa pagsubo kaya mabilis itong natapos sa pagkain. Napatingin siya rito nang tumayo na sa mesa. Saka lang siya sinulyapan ni Dwight nang palabas na ito sa kusina.
"I'm done. Mauna na ako," malamig na wika ni Dwight. Tinanguan niya na lamang it
