Napasinghap ako sa gulat at biglang nagising dahil sa tubig na tumapon sa mukha ko. Pero hindi ko pa tuluyang naimumulat ang mga mata ko ng maayos nang bigla na lang may dalawang magkasunod na sampal ang malakas na tumama sa magkabila kong pisngi, halos namingi ang mga tainga ko sa lakas.
“Ano? Masarap bang masampal, ha?” tanong ng boses babae at marahas na hinila ang buhok ko pababa, kaya naman napatingala ako bigla.
Hindi ko inaasahan na bubungad sa akin ang nakangising pagmumukha ni Faye, kasama ang tatlo pang babae na nakatayo sa likuran nito at nakangisi rin sa akin.
“Bruha ka! Ikaw pala ang nagpakidnap sa akin, pakawalan mo ako rito!” sigaw ko at nagpumiglas na, pero napangiwi lang ako sa sakit dahil sa higpit ng pagkakatali ng mga kamay ko na nakalagay sa aking likuran; Nakatali
