Nang ma i-discharge na ako sa hospital ay sa bahay na muna ako nina Lorren tumuloy. Gustuhin ko mang umuwi na sa condo ko ay hindi rin ako pinayagan ni Lorren dahil nga wala akong kasama at kasalukuyan pang nagpapagaling.
Pero sa halip na mapanatag ay mas lalo akong binabalot ng takot at kaba. Hindi lang para sa sarili ko, kundi maging sa mga taong kasama ko dito sa bahay.
''What are you thinking?''
Nagulat man sa biglaang pagtabi ni Zack ay inihinga ko na lang iyon ng malalim upang kumalma ako. Nandito kasi ako sa garden at nakatanaw sa bilog na bilog na buwan.
Simula nang lumabas ako ng hospital ay halos araw araw yata ang pagdalaw ni Zack sa akin. Wala ring sessions sa therapist ko na hindi ko siya kasama.
Hindi naman niya kailangang gawin ang mga bagay na iyon pero aaminin kong ma
