NATINAG mula sa pagsusulat sa notebook si Raven nang may bola na bumunggo sa kaniyang paanan. Hindi naman iyon malakas. Pero naging dahilan pa rin iyon para mawala ang focus niya sa kaniyang sinusulat.
Nang mga sandaling iyon ay nakaupo siya sa bleacher sa loob ng campus gym. Wala roong katao-tao kaya doon niya piniling mamalagi matapos niyang kumain ng lunch at habang hinihintay rin ang kaniyang second subject para sa hapon na iyon. Vacant kasi siya sa first period sa hapon nang araw na iyon.
Sa sobrang engross niya sa kaniyang ginagawa kaya hindi niya halos napansin na may ibang tao na sa loob ng gym.
Nang mag-angat siya ng tingin ay nagtama pa ang tingin nila ni Lhorde na kasalukuyang palapit sa kaniyang kinaroroonan para kunin ang bola. Nakasuot ito ng jersey uniform ng Ellison Univ
