HINDI lang mga balahibo ko sa mukha ang nagtataasan kundi damay na rin sa buo kong katawan. Kiniliti ako ng mainit n’yang hiningang dumampi sa balat ko roon. Bumalik naman kaagad ako sa katinuan. Bahagya kong tinulak ang matigas n’yang dibdib. “Lumayo ka,” mariing usal ko.
Tumayo ulit s’ya ng tuwid habang sinusubukan kong hindi ako mahuli ng malisyoso n’yang mga mata.
“Trust me, maaakit ang soldier na iyon sa lingerie na aking kinuha, Mirabella. You can seduce any man with that piece of covering,” marahang usal n’ya sa ‘kin.
Napa-titig naman ako sa cart kung saan naroroon ang panty at bra. Ang dami talagang alam nitong halimaw na ‘to. Pati ako nadadamay sa kalokohan n’ya. Kung sa bagay, parang gusto kong i-try ‘yon. Baka nga hindi lang try dahil susuotin ko talaga sa first night ko.
