Clyde
Kinabukasan ay tinawagan ko sina Jethro at Earl tungkol sa sinabi ni Jane sa akin. Kaya naman nandito ako ngayon sa bahay ni Jethro dahil mas safe raw kung dito kami mag-uusap. Nakaupo ako ngayon sa salas nila habang pinapanuod ko si Cherry na linalaro ang kanyang anak na si Ethan.
“Hello beautiful people of the world!” sigaw ni Earl nang pumasok siya sa bahay ni Jethro.
Pumalahaw naman ng iyak ang anak nilang si Ethan dahil mukhang nagulat ito sa pagsigaw ni Earl. Pinatahan naman siya ni Cherry at umiiling akong napatingin kay Earl.
“Ayan sumigaw ka pa. Sisigaw-sigaw kasi parang nasa bundok lang,” sabi ko at pinakita ni Earl ang gitnang daliri niya sa akin.
Maya-maya ay pumasok si Jax sa salas na nakasuot ng coveralls na parang may hinukay ito sa lupa sa sobrang d
