Nakasanayan ko na yatang bumangon ng maaga. Pero dahil alas nuebe pa naman ang interview ay nagkape muna ako sa rooftop habang pinapanuod ang sunrise. Kahit hindi ako nagagandahan sa dikit-dikit na bahay doon ay masarap pa rin pagmasdan ang pagkalat ng liwanag sa buong lugar. Ng tuluyan ng uminit ay bumaba na rin ako para maligo.
Alas otso pa lang ng umaga at kaliligo ko lang pero pakiramdam ko ay naliligo nanaman ako ng pawis. Ito ang unang beses na tanghali na ako aalis kaya medyo hindi ako sanay.
Kakaiba talaga ang init ng araw dito sa Pilipinas.
Kanina pa ako naghihintay ng taxi pero wala akong matanaw kahit bumper man lang ng sasakyan. Luminga ako sa paligid, parami na ng parami ang mga tao. Gaya ko ay nag-aabang rin marahil ng masasakyan.
Sa labis na pagka-inip ay muli kong sini
