CHAPTER 28
Bago pa man ako masuntok ni Tatang sa mukha ay mabilis nang pumagitna si Bryan.
“Tito, ano hong ginagawa ninyo? Bakit ninyo sinasaktan si Kashmine.”
“Oh, nandito ka pala. Hindi ko napansin ah. Ikaw ang kasama ng anak ko?” biglang parang bumait ang boses ni Tatang. Yung dating mala-demonyong hitsura niya kanina ay biglang bumalik sa dati.
“Ano hong ginagawa ninyo? Bakit ninyo sinaktan si Kashmine.”
“Wala, nabigla lang ako. Nagalit lang ako kasi hindi siya umuwi siya kagabi, e ikaw naman pala ang kasama kaya ayos lang. Sasakyan mo ‘yan?”
Tumingin sa akin si Bryan. Inakbayan niya ako. Inilayo kay tatang. “Okey ka lang?”
“Okey lang ako.”
“Wala bang masakit sa’yo? Hindi ka ba nabalian?”
Umiling ako.
“Walang nangyari diyan. Nahulog lang.” ngumisi pa si Tatang. “Pahingi ng
