MALALIM AKONG nakatitig sa labas ng bintana habang pinagmamasdan ang mga nadaraanan namin hanggang sa tumigil ang sasakyan sa isang tabi.
“Ito na ba ‘yon?” tanong sa akin ni Jared habang tinitingala ang apartment villa.
Tumango ako nang lingunin ko siya. “Oo. Salamat sa paghatid, Jared, at pasensya na sa abala,” sabi ko at pilit na ngumiti sa kaniya.
Nag-offer siya na ihatid na ako kahit na tinanggihan ko naman ‘yon. Sabi niya ay delikado na raw kung uuwi akong mag-isa nang ganitong oras lalo na’t wala nang masiyadong bus na masasakyan.
Hindi na lang ako tumutol at ibinigay ko sa kaniya ang address kahit na medyo nag-aalangan ako.
Ngumiti si Jared at nilingon ako. “No problem. Tawagan mo ako kung may problema. Sige na, magpahinga ka na…”
Maliit akong ngumiti at akmang bababa na
