" Alam mo naman na ang Arconia ay ang pinakamalaking Kaharian dito sa Jevum, Prinsesa Reann, hindi ba? " panmunang sambit ni Ana kay Reann.
" Pasensya ka na pero lahat ng bagay dito ay nakalimutan ko, Ana. Pwede mo bang sabihin at ipaliwanag sa akin ang lahat? " pagsisinungaling ni Reann sa kanya.
Napailing si Ana dahil sa sinabi ni Reann. Alam niya kung ano ang nangyari sa totoong Prinsesa kaya naiintindihan niya ang sinabi ni Reann.
Napabunting hininga siya at tumitig kay Reann, " Sa Arconia o ang kabisera ng buong Jevum, doon ang sentro ng lahat. Mula sa negosyo, sa trabaho, at sa lahat. Sa Arconia rin nanggagaling ang batas sa ibang Kaharian mula sa Edukasyon, sa kaayusan ng lahat ng Kaharian, sa medikal na aspeto, at kung ano-ano pa , " panimula ni Ana sa kanya.
" Ang ibig sab
