GUIA:
UMAGA na at wala si Fabian sa tabi ko. Amoy ko pa ang pabango nito sa unan niya na kulay abo. Itinali ko papusod ang aking buhok pagkatapos mag-unat saka tumayo. Inayos ang malaking kama saka dumiretso sa banyo para makapaghilamos at sipilyo.
Pagkatapos nito ay nagsuot na ako ng bathrobe at lumabas.
"Fabian?" Hindi ito sumasagot sa tawag ko kaya naman, bumaba na ako. Doon ay natagpuan ko ito mula sa labas na may kasamang lalaki na mukhang mas matanda sa kaniya. Nag-uusap lamang silang dalawa nang mapansin niya ang presensiya ko.
"Sino siya Fabian? Anak na ba ito ni Fernandino?" tanong ng lalaki.
Tumingin sa akin si Fabian at tumango sa lalaki.
"Anak nga siya ni Fernan." Malaki naman ang pagkakangiti sa akin ng lalaki. Pinatuloy ko sila sa loob dahil umiinit na ang sikat ng araw
