MALAKI ang mga hakbang ni Isabel patungo sa manggahan. Nagkukumpolan kasi ang mga tao kabilang na ang lola Delyn niya. Hindi niya makita kung sino at ano ang nangyayari dahil natatabunan ng mga likod ng mga taga baryo.
“Paraan po, paraan ako!” Nagpumilit siyang sumingit at hinawi niya ang iilang mga senior. Napamaang siya nang makita ang guwapong lalaki. May hawak itong sobre at pinapamigay isa-isa sa mga tao.
“I—isabel? what… what are you doing here?” hindi makapaniwala ang binata nang makita siya.
“Ah, ano po si lola—”
“Isabel kilala mo si sir pogi?” bulalas ng isang Nanay. Napalingon si Isabel sa ale hindi ito makapaniwala na kilala siya ng Binatang nagbibigay ng sobre.
Sino nga ba ito? Naitanong ni Isabel sa sarile.
“Isabel, natatandaan mo ba ako?” tanong muli ng lalaki. Nag
