CHAPTER 15
Napayuko ako. Parang binigyan niya ako ng dahilan upang ipaglaban siya. Ngunit paano? Sa anong dahilan? Kaya ko bang higitan o kahit man lang sana pantayan ang kayang ibigay ni Glenda sa kaniya? Paano si Glenda? Paano ang pinagbubuntis niya? Ano ang sasabihin ng pamilya nilang dalawa kung itutuloy ko ito?
“Sigurado ka na ba sa desisyon mo? Sa tingin mob a, tama itong ginagawa natin? Kasi sa’yo ako ngayong dumidepende. Alam kong mas matalino ka sa akin. Alam kong mas nakikita mo kung ano ba talaga ang dapat nating gawin. At kung ano man ang sasabihin mo, iyon ang gagawin ko, Khaye. Tama ba ‘to?” muli niyang tanong. Nag-aanyaya ito. Parang isang tuksong ang hirap kong hindi sunggaban.
Masakit sa akin na sagutin siya ng “Oo” na nakaharap ako sa kanya. Tumalikod ako at naglakad p
