CHAPTER 21
Tinignan ko siya. Sinagot ko ng matamis na ngiti ang kaniyang sinabi. Bigla akong parang maluha sa mga naririnig ko sa kaniya at sa kaniyang ginagawa kahit noon pa. Siya… siya palang ang kauna-unahang gumawa niyon sa akin. Ngunit saan ako dadalhin ng relasyong ito kay JC? Siya na ba ang tuluyang magpapalimot sa mapait kong nakaraan o lalo lang guguho ang mundo ko?
“Puwede ba tayong magdinner uli, kung okey lang at hindi ka busy?” masuyo niyang pag-aanyaya sa akin.
“Ngayon na ba?” tanong ko. Hindi ko kasi alam kung sasama ako kasi naalangan ako sa suot kong jogging pants, rubber shoes, sandong puti na pinatungan ko ng varsity jacket lang. Hindi pa nga ako nakakapag-shower. Mabuti na lang at hindi naman ako amoy pawis.
“Naalangan ka ba dahil sa suot mo at hindi ka nakapagh
