Panay ang tingin sa relong pambisig ni Eva ngunit wala pa rin talaga ang kanyang asawa mag aalas nuebe na nang gabi pero wala pa rin ito. Minabuti niya na kumain na lamang mag-isa kaysa hintayin pa ito dahil mukhang wala naman itong balak umuwi. Pero hindi sanay ang kanyang asawa na matulog sa ibang bahay kaya sigurado na uuwi pa rin ito kaya naman matapos niyang kumain ay nagtungo siya sa terrace para doon na lamang hintayin ang kanyang asawa.
Kapag umuwi na ito parang gusto niyang magwala at sumbatan ito sa mga pagkukulang nito sa kanya at sa mga kasalanang ginagawa nito. Pero kapag kasi gano'n kadalasan ay umuurong ang kanyang dila kapag kaharap na niya ito.
Maya-maya ay may tumigil na taxi sa tapat ng gate ng kanilang bahay. Napakunot noo siya dahil imposibleng ang asawa niya ito d
