Chapter 30
1116 Words
Sienna Crisiente’s Pov (Diamond Kingdom’s Queen)
“Nakasisiguro ka ba sa iyong nalaman?” paniniguro ko sa impormasyong inihayag sa akin ni Luigi na ngayon ay nakaluhod sa aking harapan.
“Opo, mahal na reyna.” sabi niya. “Ako mismo ang nakakita sa kanya na nagpapagala-gala sa ating kaharian at hindi iyon nalalayo sa kinalalagyan ng prinsesa ngayon.”
Nagsimula akong kabahan habang iniisip ang mga posibleng mangyari. Hindi ako maaaring magpadalos-dalos dahil posibleng humarap sa isang nakahihindik na digmaan ang aming kaharian kapag ako ay nagkamali ng kahit kaunti lamang.
At hindi ko iyon maaatim dahil panibagong pasanin na naman iyon para sa aking mag-ama.
“Bumalik ka na lamang muna doon at siguraduhin mong mababantayan nyong mabuti ang aking anak.”
Tumayo siya at yumuko. “Masusunod, mahal na reyna.” At tuluyan na siyang naglaho sa aking harapan.
Ako naman ay hindi mapakali at nagpapaikot-ikot ng lakad sa kabuuan ng aking silid-aklatan.
Kailangan kong may gawin ngunit kailangan kong mag-ingat dahil sigurado akong hindi nagpunta sa kahariang ito ang babaeng iyon upang mamasyal lamang.
Nasisiguro kong may plano siyang gawin at natatakot ako na baka madamay ang aking anak sa kung ano ang kanyang kalokohan.
“Mahal na reyna.”
Natigil ako sa paglalakad at bumaling sa pinto kung saan nakadungaw si Sage, ang anak ng hari sa ikatlo niyang asawa.
Mabait ang batang ito at bakas sa kanya ang kawalang interes sa pagmamana ng trono kahit pa siya ang maaaring maging hari kapag may nangyaring masama kay Sina.
Kaya naman ganoon nalang ang panggigigil ng kanyang ina at mga kapatid nitong babae na pilit gumagawa ng paraan upang pahirapan ang buhay ng aking anak.
“Ahm, may gusto lang po sana akong ihingi ng permiso.”
Sinenyasan ko siyang pumasok na agad naman niyang ginagwa pagkuwa’y lumapit siya sa akin. “Ano ang iyong nais gawin?”
“Gusto ko po sanang tulad ni Sina ay maging isang adventurer.” matapang niyang sab habang diretsong nakatingin sa akin mga mata. “Alam kong hindi papayag ang aking ina sa aking hinihingi at ang paghingi ko ng tulong sa inyo ay posibleng mag-ugat ng higit pang hidwaan sa pagitan nyong dalawa pero wala na akong iba pang malalapitan para sa bagay na nais kong gawin.”
Tinitigan ko siya. “Sabihin mo nga, Sage. Wala ka ba talagang planong agawin ang pagiging tagapagmana ni Sina?”
Mabilis siyang umiling. “Wala po akong interes na maging tagapagmana. Hindi dahil takot ako sa responsibilidad kundi dahil alam kong higit na karapat-dapat si Sina kaysa sa akin.”
“Kahit na ikaw ang lalaki at isa lamang siyang babae?”
“Hindi nababase sa kasarian ang pagiging isang mabuti at magaling na pinuno ng kaharian.” sagot niya. “At kahit sabihing babae si Sina, nasa kanya naman ang lahat ng katangiang kakailanganin ng kahariang ito upang magpatuloy ito sa pag-unlad.”
Ngumiti ako at ginulo ang kanyang buhok. “Maraming salamat sa iyong naging sagot. At para sa iyong hinihingi, maaari tayong humingi ng tulong sa inang reyna upang masiguro na hindi mahaharang ng iyong ina ang nais mong gawin.”
I saw a genuine happiness in his eyes after what I said. “Talaga po?”
Tumango ako. “But I have a favor to ask if you don’t mind.”
“Kahit ano po, mahal na reyna,” aniya. “Nakahanda akong gawin.”
“If you want to become an adventurer, maaari bang sa Ruwan Rai ka na lamang mag-register?” tanong ko. Sa mga sagot niya kanina ay nasisiguro kong malaki ang maitutulong sa niya kay Sina.
At nasisiguro ko din na gagawin niya ang lahat upang protektahan ito.
Ngumiti siya. “Kahit hindi nyo na po hilingin ay ang Ruwan Rai po talaga ang napili kong guild na salihan.”
Kumunot ang aking noo. “Maaari ko bang malaman kung bakit?”
Nag-iwas siya ng tingin at nagkamot ng ulo pagkuwa’y sinabi niya ang kanyang dahilan na ikinangiti ko na lamang.
“Huwag kang mag-alala, hindi ko ipagsasabi ang lihim mong iyon.”
Nag-bow siya. “Maraming salamat po uli.” At agad na siyang lumabas ng silid-aklatan.
Habang ako ay nakatitig lang sa pintong kanyang dinaanan.
Alam kong hindi madali para kay Sina ang mapalapit sa mga kapatid niya sa ama lalo na kay Sage dahil mula nang mamatay ang aking panganay ay itinatak sa kanilang isipan na magkalaban sila sa trono.
Ngunit sana ay makita ng aking anak ang anumang nakita ko kay Sage ngayon. Alam kong malaki ang maitutulong nito sa kanya sa anumang maging desisyon niya sa hinaharap.
Dahil naniniwala akong hindi lamang si Sina ang kailangan ng kahariang ito upang magpatuloy sa pag-unlad at pagyabong. Kakailanganin din nito ang tulad ni Sage. Ang magkapatid na iyon ang pag-asa ng kahariang ito sa hinaharap.
**********
Sina Crisiente’s Pov (Diamond Kingdom's First Princess)
“Handa na kayo?” tanong ni Saila matapos kaming dalhin sa test room.
“Kinakabahan pero handang-handa na.” sabay naming sabi ni Alicia.
“This room is where you will enter.” Itinuro ni Saila ang pinto sa kanan na siyang papasukan ni Alicia para sa kanyang pagsusulit. “At ito naman ang sa iyo, Luna.” Itinuro niya ang pinto na nasa kaliwa. “You just have to give your all. Don’t hold back at kung kinakailagang pilayan o lumpuhin nyo ang makakalaban nyo ay gawin niyo. Mercy is not applicable in this kind of test.”
“Why?” tanong ko.
“Dahil higit pa sa mga monster ang posible nyong makaharap kapag nasa labas na kayo ng kaharian.” aniya. “Maraming kriminal at bandido ang nagpapakalat-kalat na hindi marunong maawa at ang mga iyon ang higit na magpapahirap sa mga quest na inyong matatanggap sa hinaharap.”
“Okay.” sagot namin.
“Ihanda nyo na ang mga weapon nyo.” sabi niya.
Inilabas na ni Alicia ang staff na ipinahiram sa kanya ng guild. Habang ang sakin naman ay dalawa pirasong dagger, isang crossbow na may dalawampung pana at isang bracelet na maaari kong gamitin sa mabilis na pag-cast ng heal.
“Good luck, novice.” Tinapik ni Saila ang aming likod at iyon na ang tanda ng pagbukas namin sa pinto pagkuwa’y pumasok doon.
At napapikit nalang ako dahil isang malakas na liwanag ang bumungad sa akin. Kasunod ng malakas na sigawan at palakpakan kaya agad akong dumilat at nanlaki na lamang ang aking mga mata nang igala ito sa paligid.
Shit!
Anong ibig sabihin nito? Bakit nasa gitna ako ng isang arena at napapalibutan ng mga manonood?
- Writer
