UNTI-UNTING napaangat ang tingin ni Janicah sa itaas ng green house nang wala ng tubig na pumapatak mula sa water mister. Napakurap-kurap siya. Pagkuwan ay mabilis na pinalis ang luha at tubig na naghalo sa kaniyang pisngi.
Nakaramdam siya ng lamig kaya naman nayakap niya ang kaniyang sarili.
Saka lang niya mas na-realize ang kaniyang ginawang pagpapakabasa sa tubig. Basang-basa ang buong katawan niya. Wala pa naman siyang dalang pamalit. Napabuntong-hininga siya.
Dahil sa pagpapadalus-dalos niya, heto ang inabot niya ngayon.
Uuwi ba siya sa kanila na basang-basa? Pasasakayin ba siya ng jeepney driver gayong basa siya? Baka magreklamo sa kaniya ang makakatabi niya. Kalimitan pa naman ay punuan ang mga jeep na nadaan doon. Kung aarkila naman siya ng tricycle, mahal ang singil mula sa fl
