-=Naya's Point of View=-
Labis na takot ang naramdaman ko nang makita ko ang galit sa mukha ni Hadley habang patuloy ito sa walang awang pag-atake kay Dash.
Hindi ako makapaniwala na ang isang champion martial artist ay walang panama sa isang tulad ni Hadley, ang laking tao ni Dash kumpara kay Hadley, pero wala itong magawa kung hindi ang piliting sumalag mula sa pag-atake ni Hadley.
Natatakot ako hindi dahil sa inaalala kong masasaktan si Hadley, natatakot akong baka mapatay nito ang binata, kaya naman bago pa mangyari iyon ay agad na akong napahawak kay Seven.
Agad itong napatingin sa akin at kahit hindi ako nagsalita ay mukhang nakuha naman nito ang gusto kong sabihin.
Agad nitong sinenyasan si Aziel at sabay silang lumapit kay Hadley para hawakan si Hadley sa magkabila nitong mga
