Mabilis na tumayo si Maia at tinungo ang sofa. Nakasunod ang binata sa kanya. Nakita niya ang pinaghubaran nito na nakatupi ng maayos. Napataas-kilay siya. Di niya inexpect na ganito ka organized ang binata. Kahit yung pagkakaayos ng mga pinggan at baso niya kanina inayos pa nito.
Kinuha niya ang damit nito at inilahad dito.
"What?" takang tanong nito sa kanya.
"Makakauwi ka na. I want some privacy. Kailangan ko ng matulog ng maaga dahil marami akong gagawin bukas," sabi niya at idinuldol pa ang mga damit nito sa dibdib nito.
Matagal bago ito nagsalita. Malalim pa ang buntong hiningang pinakawalan nito. Saka inabot ang mga damit.
"Okay, " anito.
Pagkabigay ay tumalikod na siya papasok ng kuwarto. Hindi na niya ito nilingon. Inorasan niya ang sarili. Wala pang tatlong minuto ay l
