Hindi mapakali si Maia hanggang sa matapos ang tugtog. Hindi na siya nagsalita matapos sabihin ni Eli iyon.
Napatingin siya kay Alliah na ang lapad ng ngiti. Mga ngiting mapang-asar. Maging ang mag-asawang Davis ay nakangiti din. Pabalik na sila sa mesa nila. Nauna na sila kila Elise at William.
Panay ang kiliti ni Alliah sa kanya kaya pinanlakihan niya ito ng mata.
"Akitin mo na kasi si Kuya! Para maging kapatid na kita," bulong pa nito. Napalakas ang kurot niya kaya napa-aray ang kaibigan.
Napatingin ang mga kasama sa kanila. Si Elise ay nakabusangot. Panay pa ang bulong nito kay Eli, puro tango naman ang binata. Hindi niya maintindihan bakit kailangan pang sabihin yun sa kanya ni Eli samantalang nandyan naman ang nobya nito.
Si William ay tahimik lang din sa tabi niya ng tingn
