NAGPUMIGLAS si Kana kaya binitawan siya ni John. Pero muli din siyang kinabig nito dahil kamuntik na siyang mawalan nang balanse.
“Pwede bang itigil mo na ang pag-iinom? Kagabi ka pa. Malapit mo na akong masagad, Kana.” May pagbabanta na sa mata ni John.
Oh, yes. Naalala niya ang sunod-sunod na rant nito nang sunduin siya nito kila Mera. Walang bago, tinakasan na naman niya ito. Pero wala siyang pakialam dito. Hindi naman niya ito boyfriend, kaya wala itong pakialam sa mga ginagawa niya.
Pinilig niya ang ulo pagkuwa’y nilakihan ng mata. Ramdam na niya ang kalasingan talaga kasi. “H-hindi kita boyfriend para pagbawalan ako. Si Grant lang ang may karapatan. U-understand?”
Nagsalubong ang kilay ni John pero hindi niya ito pinansin. Kumuha siya nang suporta sa pader at humakbang papunta sa
