"Kumusta mama ang trabaho nyo po sa araw na ito?" tanong ko sa aking pinakamamahal na ina habang kumakain kami ng haponan.
Nauna akong nakauwi at nagluto agad ng hapunan namin.Ang niluto ko lang naman ay tinolang-manok para naman may sustansya ang kinakain namin ni mama. May dahon pa yung malunggay sa likod ng bakuran namin kaya yun na ang kinuha ko na pangsahog,wala naman kaming papaya kaya itong sayote na lang,binili ito ni nanay nung isang linggo,ginamit ko na kaysa masira pa,mahal pa naman lahat ng paninda ngayon kahit mga gulay,tumataas na ang mga presyo.
"Ayos naman anak,medyo sumasakit lang itong aking likod,dahil may nilabhan ako na kumot,massage mo na lang ito ng kaunti mamaya para mawala anak," sabi ni mama habang humihigop ng sabaw.
Tumatango ako habang nilalapit ang bibig sa
