Nakatanggap ng tawag si Archer galing sa kaibigang si Binggo. Sinabi nito na isinugod daw sa ospital ang kaniyang ina makaraang dumaing ito ng pananakip ng dibdib. Maayos naman na raw ang kalagayan nito ngayon at nailabas na sa ospital ngunit nag-aalala pa rin ang binata. Hindi siya mapakali hangga't hindi niya nakikita ang kaniyang ina at nasisigurado na talagang ayos na nga ito. Napagdesisyunan niyang magpaalam kay Mr. Valencia para makauwi siya sa kanilang probinsiya para makita ang kalagayan ng kaniyang ina.
Nang hapon din na 'yon ng makauwi galing sa business trip ang ginoo ay inabangan niya ito para makapagpaalam ng maayos. Sinalubong niya ang sasakyan nito ng makaparada sa harap ng mansiyon.
"Magandang hapon po, Sir Robert," agad na bati niya sa ginoo.
"O, Archer, magandang hapon
