Kahit na kinumpirma ni Tiffa na totoo ang nararamdaman nito para sa kaniya ay hindi pa rin mapigilan ni Archer ang hindi mag-alala. Hindi nawawala ang pagdududa sa isip niya. Hindi rin naman siya sigurado kung ano ba talaga ang damdamin niya para kay Tiffa. Masyadong mabilis ang pangyayari para sa kanila at hindi iyon ang alam niya sa pakikipagrelasyon. Inisip na lamang niya na modernong babae si Tiffa, lumaki ito sa siyudad kaya iba ang nakasanayan nito.
Siguro nga talagang mabibilis ang mga lalaki sa siyudad, hindi kailangan ng puspusang panliligaw, basta gusto nila ang isa't-isa at nagkakaunawaan sila ay ayos na.
Namalayan na lamang niya na nakalapit na pala sa kaniya si Tiffa, tumabi ito sa bangkong kahoy na kinuupuan niya. Kinuha nito ang kamay niya at ipinatong sa balikat nito. Ini
