Sa tagal ng paghihintay ay sa wakas nakatulog na rin si Sonia. Agad na bumaba si Tiffa sa papag. Maingat ang mga naging pagkilos niya para hindi magising ang ginang. Matagumpay siyang nakalabas ng silid ng hindi nito namamalayan. May bukas namang ilaw sa kusina kaya may liwanag pa rin siyang nakikita. Kumapit siya sa kawayang hawakan at bumaba sa tatlong baitang na hagdan.
Hinanap niya si Archer sa ibaba. Nakita niya ang binata na nakahiga sa sahig na nasasapinan lamang ng banig sa may munti nilang sala. Sa tingin niya ay tulog na ito. Dahan-dahan ang naging paghakbang niya, nang makalapit siya sa puwesto ng binata ay gumapang siya patungo sa higaan nito at nahiga sa tabi nito. Nakatalikod ang posisyon ni Archer, yumakap siya sa likod nito.
Matigas ang higaan dahil walang kutson pero a
