"Oh, my gosh, Miss Tiffa, ang ganda-ganda mo talaga!" bulalas ng make up artist na si Giselle nang lumabas ang dalaga sa kaniyang silid suot ang kaniyang damit na gawa ng sikat na fashion designer na si Marky.
"Oo nga, para siyang diyosa," dadag papuri ng stylist na si Monti.
"I know right!" tuwang sabi ni Tiffa na nag flip pa ng buhok. Satisfied siya sa hair and make up na ginawa sa kaniya ng mga ito. Lalong nakadagdag iyon sa kagandahan niya.
"I need to go, late na 'ko sa party," sabi niya.
"Kung gusto mong makuha ang atensiyon ng lahat ng tao sa party dapat naman talaga na magpa-late ka 'di ba?" sabi ni Monti.
"Correct, hindi mo kailangang magmadali, Miss Tiffa," sang ayon ni Giselle.
"Kaya gustong-gusto ko kayong dalawa, kuhang-kuha niyo ang nasa isip ko," tuwang sabi ng dalaga.
