"Miss, hindi pa ba tayo uuwi?"
Alas onse na ng gabi, matapos maghapunan ay namasyal pa sila at pagkatapos ay pumunta sa bar. Kahit pigilan ni Archer ay ayaw paawat ni Tiffa sa pag inom. Masaya siyang nakikisabay sa pagkanta ng live band.
"Nag-eenjoy pa 'ko, bukas na tayo umuwi," balewalang sabi ng dalaga at patuloy sa pag-inom habang sumasayaw ng nakaupo na ang ulo lang ang pinagagalaw.
"Miss, pwede ba huwag kang masyadong malikot, lalo kang malalasing niyan eh," saway ni Archer sa dalaga.
"Okay lang na malasing ako, nandiyan ka naman, alam ko namang hindi mo 'ko pababayaan."
"Trabaho ko naman talaga ang maghintay sa 'yo at asikasuhin ka, kaya lang wala tayo sa Maynila ngayon. Kailangan na nating umuwi baka hinahanap ka na ng Daddy mo," may pag-aalalang sabi ni Archer.
"Hmm... Ano p
