"Oh shocks! Ako na naman! Teka lang, nakakahalata na ako ah, baka dinadaya niyo na 'ko!" reklamo ni Liby, apat na sunod-sunod na kasi siyang natuturo ng nguso ng bote. Sa truth or dare nilang laro ay laging truth ang pinipili nito.
"Ano ka ba? Walang daya 'yan, paano ka naman namin madadaya, may isip ba 'yung baso na pwede naming utusan na sa'yo lagi tumapat?" sabi ni Mitch.
"Eh, bakit ako lagi?" hindi pa rin kumbinsidong tanong ni Liby.
"Aba, malay namin, siguro sadyang malas ka lang ngayong araw," sabi naman ni Ritz, natatawa na ito ngunit pinipigilan lang ang sarili na huwag ipakita kay Liby.
"Ah, basta! Last na 'to ha, kapag sa akin ulit natapat, ayoko na, hindi na ako sasali," may himig pagtatampo na sabi ni Liby.
"Okay sige, payag ako, para maniwala ka rin na hindi ka namin dina
