Maaga pa lang ay nasa silid na ni Tiffa si Karen. Naroon ito para maglinis ng kaniyang kuwarto. Nasanay na kasi siya na ito ang pinaglilinis niya ng kaniyang silid.
"Karen!" tawag niya rito, kasalukuyan itong nagba-vacuum ng sahig.
"Ano 'yon, miss?" tanong ni Karen
"May dumi pa sa banda roon." Itinuro niya ang gilid ng carpet na may mga nahulog na piraso ng chichirya na kinain niya kahapon.
"Okay, miss."
"Huh! Maganda lang pero salaula," pabulong na sabi ni Karen, habang pinahihigop sa vacuum ang mga itinuro nitong dumi. Ang dami na kasi niyang nakuhang mga kalat pati sa ilalim ng kama nito ay may mga balat ng mga pinagkainan nitong chocolate.
Mahilig kasi si Tiffa na kumain ng kung ano-anong makukutkot kapag nanunuod ng movie. Malinis ito sa katawan pero pagdating sa kuwarto ay wa
