Sabado nang gabi, nag-aya si Robert na kumain sila sa labas. Ayaw sana ni Tiffa dahil hindi niya gusto na kasama nila ang kaniyang Tita Regina. Labing limang taon na itong asawa ng kaniyang ama at labin limang taon na rin nila itong kasama sa bahay ngunit hanggang ngayon ay hindi pa rin sila nagkakasundo at naiilang siya rito. Hindi niya mabasa ang tunay na pagkatao nito at ang motibo nito sa pagpapakasal sa kaniyang ama.
Wala namang problema kay Regina, ginagawa naman niya ang lahat para mapalapit sa kaniyang stepdaughter. Si Tiffa lang ang sadyang mailap sa kaniya. Pakiramdam niya ay nagharang ito ng malaking pader sa pagitan nila para hindi niya ito maabot.
"Miss, nakabihis na ang Daddy at Tita Regina mo, ikaw na lang ang hinihintay nila," bungad na sabi ni Karen nang makapasok ito s
