LAMPAS oras nang tulog si Mama Betty, pero hindi pa rin inaantok si Marissa. Kanina pa siya nakatitig sa credit card na bigay sa kanya ng ginang. Iyon din ang kaparehong credit card na inabot sa kanya ni Lance kanina. Sinubukan niya iyong isauli sa ginang pero nagpumilit itong gamitin niya iyon. Kahit ano pang sabihin ay hindi talaga ito pumapayag na isauli niya ang credit card. Kung nais daw niyang huwag itong magtampo ay dapat niyang tanggapin iyon at gamitin. Para raw kahit papano ay may pambili siya ng mga sariling pangangailangan.
“Byuda ka ni Vince. May karapatan ka sa naiwan niyang pera.”
Iyon ang sinabi sa kanya ni Mama Betty bago siya umalis sa kwarto nito. Kaya naman mas lalo siyang nakokonsensya. Ngayon kasi ay pinipilit nitong gamitin niya ang pe
