الجزء السادس
2046 Words
يوميات الكورونا
الجزءالسادس
توقفنا ان اليوم ده لم يكن به شقى ولا عمل كان لعب وتقرب بين الكل كأنهم بيتعرفوا على بعض من اول وجديد .
في الاسفل في شقته جلس نبيل وهو سعيد باليوم الجميل الي قربه من احفاده اكتر ولكن نبيل زعلان علي عمر ،خايف عليه راح عند الملحق ،وفتح الباب علي عمر لقاه نايم علي كنبه الليفنج .
نبيل :عمر قوم يا حبيبي نام علي السرير جوه .
عمر بيفتح عينه ورجع. لورا ،وبخضه .
عمر :حضرتك دخلت ازاي ؟
نبيل :انا عندي نسخ لكل ابواب الشقق والاوض للطوارئ واكيد طبعا للملحق .
عمر :يا عمي انا خايف عليك ،ممكن تطلع .
نبيل :اولا انا بعيد عنك وانت مش سخن ولا بتعطس ،قلقان ليه بقه .؟
عمر :لان ممكن اكون حامل للمرض بس اعراضه مش ظاهره عليه ،وبعدين حضرتك معلش كبير في السن واحنا دايما بنخاف عليكم .
نبيل :اهو انت قلت كبير السن وبعدين انا شوفت اصعب من كده في الجيش والحمد لله محصليش حاجه ،والي ربنا كتبه هشوفه ،ومش معني كده اني هرمي نفسي للتهلكه ،انا لابس كمامه وانا دخل عندك و انت عقمت نفسك وهدومك قلعتها بعد ما عقمتها ودخلتها الغساله ،والاهم ربنا موجود .
ربنا هيسترها معاك علشان احساسك الحلو ده وخوفك علينا .
عمر :عمي صدقني انا فكرت اني اكمل في المستشفي علشان مجيش البيت باي ميكروب .
نبيل :انسي الكلام ده انا طوعتك النهارده بس تنام هنا لكن بعد كده تطلع بيتك فاهم ؟
عمر : يا عمي انا خايف ..
نبيل قاطعه :مفيش خوف طول ما انت واخد حذرك بره البيت والي بتعمله دلوقتي ،بياكد انك واخد حذرك جامد ،وانا مش قلقان خالص ،يلا ادخل نام علشان تقوم فايق وهتفطر معانا .
عمر :انا متشكر يا عمي .في وجودك عمري ما حسيت انا ابويا متوفي
نبيل :انت ابني يا عمر ،وربنا يحفظك لنفسك ولبيتك انا سبتك برحتك النهارده لكن كلامي يتنفذ والله خيرا حافظا ًوهو ارحم الراحمين .
عمر لنفسه كده ما ينفعش …
في شقه عمر وهاله
هاله قاعده مشغله التليفزيون مجرد صوره ودماغها شغاله قلقه على عمر هي على طول قلقانه عليه لكن مع الكورونا قلقها زاد وخصوصا ان الاخبار غير مبشره وان الكادر الطبي هو اكتر افراد معرضين له .
هاله دعت ربها ان يحفظ زوجها واولادها وعائلتها كلهم .
كان محمد طالع من عند مذاكرته شاف هاله وهي سرحانه وحتى لم تشعر بع غمض عينه وتذكر مكالمه والده له .
فلاش باك
عمر :محمد انت راجل البيت انا عارف انك في سنه مهمه واني احملك هم مش وقته لكن ان مخلف راجل .
محمد:يا بابا قول عايز ايه من غير مقدمات .
عمر :انا مش عارف ممكن يحصل ايه في الايام الي جيه لكن انا لو حصلي حاجه عايزك راجل وتخلى بالك من مامتك واختك ومذكراتك اوعى تتأثر فاهم يا محمد .
محمد :فاهم يابابا وبعد الشر عنك .
عوده للواقع
محمد بيغمض عينه وقوي نفسه وراح عند مامته .
محمد :ايه يا هلول قاعده كده ليه ومشغله ايه بص علي التليفزيون وشافها مشغله الاخبار .
كمل كلامه وهو بيقلب قنوات التليفزيون.
عارفه يا ماما الاخبار ديه تجيب اكتئاب والله شاغلي افلام كوميدي مسلسلات تركي الي فيها حب ديه عارفها الي البنات بتحبها ديه .
هاله :بضحكه خلاص يعني انت شايف ان ده الحل الي احنا فيه كده .
محمد :بدل مش في ايدنا حاجه نعملها يبقى نتعامل على الي موجود .
هاله :يعني ايه ؟
محمد :احنا مش هنقدر نغير ظروفنا ولا شغل بابا ولا نقدر نبعده عن ظروف عمله الي كلها خطر صح ؟
هاله :صح .
محمد :يبقى ندعى انه يرجع بالسلامه ونعيش يومنا وما نكدش على نفسنا لان بابا محارب واحنا لازم نبقى داعم ليه ..قومي صلي وادعي له وادعي لينا كلنا .
هاله باست دماغه :انت فعلا حته من عمر حاضر يا حبيبي .
انت رايح فين دلوقتي ؟
محمد :طالع العب شويه رياضه فوق علي المشايه واشيل حديد .
هاله :طيب يا حبيبي بس براحه على نفسك .
محمد :حاضر يا ست الكل .
في شقه مهند
ادم بيكلم اميره حبيبته من الجامعه نايم علي السرير ومشغل موسيقى هاديه جو رومانسي .
ادم :هتجنن واشوفك بجد .
اميره :وانا يا ادم ،انا مش عارفه اخرت الحبس ايه .
ادم : ولا انا مش عارف اخرج تخيلي ده جدو طالع مراقب موقع الجامعه علشان النزول .
اميره :جدك جدك كل شويه تقولي جدك كنت مش بترد عليا الصبح ليه تقولي مع جدو ،مردتش على الواتس اب ليه مع جدو ،ايه حكايه جدو ده هيق*فنا ؟
ادم اتنرفز من طريقه كلام اميره علي جدو .
ادم :اميره تتكلمي عن جدو كويس وهو يعمل الي عايزه ،وبعدين انا موافق يق*فني .
اميره :يا سلام يعني عجبك حبستك في البيت ،.
واننا مش عارفين نشوف بعض ،ده انا اسمي بنت مامي مش حبساني كده .
ادم :جدو عامل علي مصلحتنا كلنا ،وبعدين شكل مامتك مش خايفه عليكي .
اميره :لا طبعا خايفه ايه الكلام ده .
ادم :اه ما انا ملاحظ بدليل انك كل يوم خارجه عادي ،هي ماما فين يا اميره دلوقتي ؟
اميره بلخبطه :ماما خرجت عند واحده صاحبتها .
ادم بتريقه :اذا كان رب البيت بالدف ضاربآ فشيمه اهل البيت كلهم الرقص .
اميره :مش فاهمه قصدك ايه ؟
ادم :يعني هي بتخرج وعايشه حياتها سيباكي وبعدين مش في حظر ،بره ازاي يعني هترجع دلوقتي ازاي؟
اميره :ما هي هتبات عند صاحبتها .
ادم :اه قولتي كده ،بصي وكلامي مش هعيده اترزعي في البيت يا اميره ومش عايز خروج .
اميره :انا لوحدي يا ادم بتخنق من قاعده البيت انت معاك اخواتك وقرايبك انا لوحدي .
ادم :مليش فيه كلمي اصحابك شوفي افلام ،المهم مفيش خروج .
اميره :اوف بقه .
ادم :مع السلامه ومش عايز اعيد كلامي وقفل الخط .
كانت هدير عند بنات عمها وهي خارجه سمعت مكالمه ادم لاميره في الاول اما كان بيحب فيها وبيقولها انها وحشته الدموع مليت عينها ونزلت جري الجنينه علشان محدش يشوفها
نزلت ودموعها مغرقه وشها ازاي ادم مش حاسس بيها معقول كل الحب ده مش حاسس به اما البنات اتكلموا عن انها بتحب ادم علشان في شبه من جدهم كانت عارفه ان الكلام غلط لانها بتحبه من صغرهم هو مكنش لسه في شبه من جدهم كان ادم وبس الجرئ المبتسم دايما ،والحنين كمان هي كانت ملاحظه وكانت فاكره انه حب مراهقه لكن اما دخلت الجامعه عمر عينها ما اعجبت بحد رغم ان الكثير بيقرب منها فهي جمالها راقي عينين عسلي وشعر **تنائي ناعم واصل عند كتفها وكانت بتعتذر لاي حد يلمح بإعجابه بها لان حبها لادم مختلف عندما تراه قلبها بيدق جامد لدرجه انها كانت تحس ان اي حد ممكن ان يسمع هذا الدق فعلمت انه من ملك قلبها .
وكانت تسمع مغامرته مع البنات كان قلبها يتمزق ويدمع ولكن لماذا لم يشعر بها ؟
هل احساسه بها كاخته دليله واخته ديما ،طيب لماذا هي لم تشعر به أخوها مثل هادي وعندما سمعته وهو يقول لاخري حبيبته توقف قلبها وكأن سكين مزقت القلب هل لازم ان تسمع وتقتل بكلماته لاخري ودموعها نازله وكانت لا تري احد كانت تشعر بالحزن فقط .
كان جدها نبيل بيطمن علي البوابه شافها وهي بتجري وقفت علشان تبكي تركها قليل من الوقت وعينه عليها ثم ،راح ناحيتها .
نبيل :حبيبتي الرقه كلها بتعيط لها مين زعل قلب جدها .
هدير والدموع مغرقه وشها رمت نفسها في حضنه : مفيش حاجه يا جدو .
نبيل :اومال ليه العياط ده كله ممكن افهم ؟قولي وسرك في بير .
هدير انا هقولك يا جدو بس مش عايزه لوم او عتاب .
نبيل مستمع رائع وخصوصا لاحفاده وهو بيحب يدلع البنات جدا زي ما قلنا .
نبيل :لا لوم ولا عتاب يا حبيبتي قولي ايه بقه ؟
هدير :بدأت تحكي مشاعرها لجدها وكيف انها حاولت تكذب احساسها لكن لم تستطيع ان تبعد عن احساسها به.،وانه ملك قلبها فعلا .
نبيل كان بيسمعها وهو زعلان عليها علشان ادم مش حاسس بيها .
نبيل :بقي الدموع دي كلها علشان الواد ادم ،والله انت خساره فيه ،ده واد ميستهلش دمعه واحده من اللولي الي نازل ده .
هدير :يا جدو ،انا بقولك علشان تقولي خساره فيكي .
نبيل اخد ايدها وباسهم ولفها قدامه ومسح دموعها بأيده .
نبيل :لازم تعرفي ان انت غاليه وان الولد الي تحبيه اذا محسش بيكي ترميه ورا ظهرك ،مش هو حفيدي وانا اتمني انكوا تبقوا مع بعض لكن بدل مش حاسس بيكي يبقي تشليه من دماغك خصوصا وانت بتقولي انه بيحب واحده ،كرمتك اهم حاجه عندك انت غاليه وبعدين كمان انت حفيده اللوا نبيل الصفواني يعني غاليه قوي قوي كمان ،ولازم تبقي واثقه في نفسك ،وسيبي الدنيا نشوف هتعمل ايه في الواد ده ،هو كل يوم مع واحده يعني لسه قلبه بعيد ولا واحده لسه ملت قلبه .. لكن انت بس متعلقيش نفسك بيه ،ومتقفليش قلبك عليه لو حد نغبش في القلب غير الواد ادم ممكن نشوفه لان لو ادم مش شايف حبك يبقى خساره يا قلب جدو .
هدير :حبيبي يا جدو ،وقامت بسته .
نبيل : على فكره انا ممكن اص*ر قرار ان يتجوزك بس انا عايز هو الي يحفي علشانك فاهمه يا هبله .
هدير :فهمت يا روح الهبله .
نبيل خبطها علي دماغها :ادخلي عندي واغسلي وشك واعرفي ان جدو حافظ لسرك .
مشيت هدير لجوه الفيلا وملامح نبيل اتغيرت بضيقه وبيكلم نفسه ،والله يا ادم لخليك تزحف وراها .
قاعد تلف من بنت لبنت ومش شايف البسكوته الي في بيتك صحيح اعمي .
خرجت هدير من شقه جدها وراحت باست خده .
هدير :على فكره انت احلي جد في الدنيا .
نبيل :وانت ارق واجمل حفيده يادودو .
هدير :طبعا مش أوصيك يا جدو .
نبيل :سرك في بير يا حبيبي .
هدير :وانا هعمل ايه يا جدو ؟
نبيل :انت مش هتعملي حاجه اتعملي عادي وبعدين ما انت عارفه انه بيكلم بنات ايه الجديد .؟
هدير :الجديد اني اني ..ودمعه نزلت
نبيل :يا دودو من غير عياط انك ايه ؟
هدير :اني اول مره اسمعه بنفسي وهو بيحب بنت حسيت انه بعيد عني واني مش في باله .
نبيل :حبيبت جدها تنسى خالص الي سمعته واكيد تتحل بس واحنا بكرامتنا فاهمه ؟
هدير :فاهمه يا حبيبي ،انا طالعه .
نبيل اطمن انها هديت وسابته وبيشوف بيته و عينه على كل دور كأنه بيطمن على الكل .
هدير طلعت شقتها ونبيل دخل لسناء لقاها نايمه وتذكر دموع هدير الي شبه دموع سناء .
فلاش باك
في يوم نبيل قاعد لابس ميري وخلاص راجع الكليه .
سناء منهاره في العياط .
نبيل :ليه كده بس يا حبيبي ايه كل الدموع ديه ؟
سناء :علشان مش هشوفك لمده اسبوع .
نبيل :ما انا كنت بروح قبل كده ايه الاختلاف ؟
سناء:كنت بعيط لنفسي لاني ما كنتش اقدر ابين لكن خلاص احنا أتقرا الفاتحه بتعتنا وقربنا من بعض يعني ممكن اقولك .
سناء بعيون كلها دموع نبيل ارجوك خلي بالك من نفسك ولو تقدر تكلمني يا ريت .
نبيل ببتسامه صافيه وعيون كلها حب
نبيل :انا الدموع ديه كلها علشاني ده كتير قوي وبيقرب ايده علشان يمسح دموعها بس هي بعدت علشان ما يلمسهاش .
نبيل :بضحكه ماشي عارف م***ع اللمس علشان ربنا يبارك لينا بس علشان خطري عايز اخر حاجه قبل ما امشي تكون ضحكتك .
سناء : بتمسح دموعها ….انت ماشي خلاص .
نبيل :ايوه هرجع البيت اخد الشنطه واسلم على الي في البيت وامشي .
سناء :ترجع بالسلامه لا اله الا الله .
نبيل :محمد رسول الله .
عوده للواقع
نبيل بيكلم نفسه هدير زيك يا سناء رقتها من رقتك بس خايف عليها من حبها لادم ي**رها يا ريت تحس بيها يا ادم عمرك ما تلاقي زيها .
الحب من طرف واحد متعب وخصوصا اما تشوف الي بتحبه بيحب حد تاني .
اعمل ايه يا رب اقرب بينهم ازاي ولو قربته وهو مش بيحبها اكون بظلمها واظلمه هو كمان بس ربنا رب قلوب واكيد ادم يمكن يحس في يوم بقلب العصفوره الي بتحبه .
امنيتي ان احفادي يرتبطوا ببعض وعن حب ممكن تتحقق يا رب حقق مرادي وقرب احفادي لبعض .
غير هدومه وسمع اذان الفجر صحى سناء علشان يصلوا مع بعض ويقروا قران واخدها بين احضانه وناموا .
اقتباس من البارت القادم
هاله :ارحم مخك من التفكير يا عمر ارحم نفسك من القلق .
عمر :الي انا بعمله غلط انا لازم اقعد في المستشفى هناك اقدر اتحكم في نفسي كأني مسافر لكن هنا انت وعمي والولاد وسيله ضغط جامده عليه .
هاله:هو كل الدكاتره بتعمل كده عايزه تبعد عن اهلها .
عمر :معظمنا ايوه لاننا عارفين المرض ومحدش عايز يبقى مسئول عن عيا واحد في عائلته .
هاله :ربنا الحامي .
عمر بهدوء :طبعا ربنا الحامي بس ما نرميش نفسنا في التهلكه … ممكن تنزلي عند عمو تحت وتسيبني انام .
هاله :ماما الي قالت ليه اطلع اشوفك تكون محتاج حاجه .
عمر :حبيبتي انا محتاج انام انزلي يلا .
عمر بيفكر في حل مسك التليفون وكلم مكالمه …..
يا تري عمر كلم مين ؟ويحلها ازاي .
- Writer
