يوميات الكورونا

الجزء السابع

يوميات الكورونا

الجزء السابع

توقفنا ان نبيل نام بعد ان علم بمشاعر هدير ناحيه ادم ونصحها ان تكون غاليه وكرمتها يجب ان تصان وانه هو من يجب ان يزحف وراءها .

وشبه هدير برقتها بسناء زوجته وحبه الوحيد.

صباح يوم جديد انه يوم الجمعه يوم العائله سناء في المطبخ ومعاها نبيل بيساعدها .

سناء ونبيل في غايه الانسجام نبيل يلبس ترنج سوت باللون الرمادي وتحت الترنج تيشرت باللون اللبني السماوي وايضا سناء كانت تردي نفس الالوان بترنج سوت حريمي وتضع على شعرها الناعم الي يمتزج باللون البني وبعض شعرات بيضاء من الزمن طرحه باللون السماوي .

سناء بنفس نظره الحب الي قاربت من الاربعين عام تنظر لنبيل السند والرجوله ما تعني الكلمه .

سناء :ربنا يخليك ليه يا بلبل ،واقف بتساعدني نعمل الفطار ،وستات البيت نايمين .

نبيل :حبيبتي انت عارفه اننا بنصحي بدري انا وانت وبعدين انا عايز الولاد كلهم يفطروا معانا ولو استنانيا الستات مش هنفطر هنتغدي وده حال كل جمعه حتى قبل الكورونا .

سناء : ده حتي بنتك كانت بتصحي بدري بقت بتقلدهم .

نبيل :سيبي بنتك في حالها ،ده بنتك قلبها وجعها علي جوزها .

سناء :ربنا يحميه ليها ولولدهم ،عارف عمر حسه انه ابني الثالث بدل بيحبها ومريحها .

نبيل :عمر ابن ناس وبيخاف علي ولاده ومراته وكمان علينا ،انا اتكلمت معاه وهديته انه لازم يطلع شقته وربنا الي رايده هيكون .

سناء :ربنا يحفظه ويحفظ كل ولادي واحفادي .

نبيل بيرفع حاجبه :وانا منعتي عني دعوتك .

سناء :انا قلبي بيدعي لك قبل ل**ني انا من غيرك بكون مش انا بحس اني ناقصه انت يا حبيبي الي تكملني.

نبيل : باس دماغها ده انت كل حاجه ليه نص التاني ومراتي وحبيبتي وبنتي ربنا يخليكي ليه يا قلبي

انا كل يوم بحمد ربنا انك معايا عارفه زمان اما كنت ارجع من الكليه كأني غريق كنت بقعد سرحان في التمرين علشان مش عارف اشوفك وخصوصا بعد الخطوبه كنت هتجنن اني اشوفك كل يوم حتى التليفونات كانت صعبه مش زي اليومين دول كل واحد في ايده تليفون بيكلم حبيبه وباس دماغها بقول ايه كفايه غزل وحب نأجله كملي بقه الفطار و انا هطلع اوضب القاعده في الجنينه .

سناء :ببتسامه حب كل يوم بحبك اكتر من اليوم الي كان قبله عارف ديه اغنيه الولاد بيشغلوها بحس انها لينا .

نبيل ببتسامه وهو خارج :ابقي اسمعها .

نبيل طالع لقي هاله ولبنه وميار داخلين عليهم .

نبيل :كويس انكوا صحيتوا ساعدوا سناء وانا هوضب القاعده ،فين رجالتكم والولاد ؟

ميار :الرجاله في الجنينه مع الولاد .

نبيل طلع الجنينه نادي الشباب وفرشوا التربيزات والستات جابت الاكل ،وعمر كان في الملحق بيبص على عائلته يوم الجمعه من الايام المميزه عنده مفيش شغل كله يقضيه مع اولاده وهاله وباقي العائله .

نبيل بص علي الملحق ولمح عمر واقف في الشباك اتجه ناحيته وخبط علي الباب

فتح عمر :اهلا يا عمي .

نبيل :يلا علشان تفطر معانا .

عمر :خليني هنا احسن .

نبيل :هو مش احنا اتكلمنا امبارح خلاص يا عمر يا ابني ما تتعبش قلبي والنبي واخده من ايده وخرجه .

مي ومحمد كانوا قاعدين عينهم متعلقه بالملحق علشان نفسهم عمر يكون معاهم واول ما شافوا عمر طالع من الملحق جريت مي عليه واتعلقت في رقبته ومحمد حضنه هو كمان الكل قعد وعمر قاعد في طرف التربيزه قلق علي قرب ولاده واحضانهم وعلى وجوده مع الكل .

نبيل :عمر تعالي اقعد جنب مراتك .

عمر :يا عمي .

نبيل :كلامي مش هيتغير ،تعالي جنب مراتك .

هاله كانت مبسوطه ان باباها اقنع عمر انه يخرج وانه في وسطيهم بس عمر القلق واضح عليه وهي فاهمه جوزها كويس علشان كده مش راضيه تضغط عليه و هي اتكلمت مع اولادها ان والدهم من حرصه عليهم بيبعد عنهم وهيقعد في الملحق والاحسن مفيش تقارب بينهم.

فطار عائله الصفواني يوم الجمعه مقدس محدش يقدر ما يحضر ويوم الجمعه بيبقى في الجنينه الفطار لكن لو الجو ممطر بيبقى جوه شقه نبيل والجو ربيعي ممتع والكل مستمتع ورائحه الزهور واشجار الفاكهه المزروعه بيد نبيل تفوح منها روائح تجعل الجو في فرحه وامل ان الغمه هتتحل ان شاء الله بنظره علي سفره اللواء نبيل الي كل واحد عارف مكانه فيها .

مهند جانبه لبنه على يسار نبيل فهو الابن الاكبر ،وعلى يمينه تجلس سناء وبجانبها هاله وزوجها عمر وفي الجانب الايسر بجانب مهند يجلس ماجد ومعه ميار وبجانبهم هدير ودليله ومي وديما وامامهم الثلاث شباب هادي وادم ومحمد

.

الولاد بيخ*فوا الاكل وهزار وضحك ونبيل مبسوط باللمه جدا .

كان نبيل عينه كالصقر لاحظ نظرات هدير التي تسرقها لادم الي بيهزر مع الكل لكن عند هدير الهزار بيتوقف رغم هزاره مع مي وده خلى نبيل يفكر اكيد ادم حاسس بمشاعر هدير ولكنه بيصدها ليفهمها انها بعيد عن تفكيره وده جعل نبيل حزين على هدير .

سناء :نبيل انت منعت الناس الي بتساعدنا يجيوا هنعمل ايه .

نبيل :رجع من تفكيره كلنا هنضف مش هتتعبي يا قلبي .

مهند :مين ينضف يا بابا ؟

نبيل :كلنا ،ومش عايز نقاش ولا انت عايز الستات بس الي تشتغل واحنا تنبله .

ادم والاكل في فمه :انا عندي مذاكره يا جدو .

نبيل :حبيبي المجتهد مش الكلام ده على جدو انا حافظك يا حبيبي ،هاه وسبق قلت لك مبروم علي مبروم ما يلولش ،النهارده الجمعه والكل هيساعد محدش هيقعد .

سناء :ايوه كلنا مع بعض الشغله الجامده بتخف .

نبيل :هنمسك من فوق لتحت ،الستات تروح تطبخ انتوا مش معانا ،الباقي ورايا .

عمر انت اطلع ارتاح في شقتك يا حبيبي ،عايز نخلص بسرعه علشان نصلي مع بعض.

عمر اخد نفسه وطلع فعلا .

مهند وماجد :يا بابا ده يوم اجازتنا وتشغلنا فيه ايه الظلم ده .

نبيل بنظره واحده جانبيه لولاده سكتوا شاوروا له انه هيتم التنفيذ .

طبعا الاحفاد كانوا هيعترضوا لكن اما شافوا مهند وماجد وسكوتهم استسلموا للامر الواقع وكلهم ورا بعض .

هادي بضحك :بس ايه يا بابا انت ايه الاعتراض الجامد لجدو ده ؟

ماجد بنظره تحذير :انت عايز اقف لجدك انا بحترم كلام ابويا يا ولد شوف الطاعه العمياء من الابن للاب .

مهند بضحك :فعلا الطاعه العمياء اسكت بقه خلينا نشوف سياده اللواء ناوي لينا على ايه تمر سنين وايام والحال هو الحال .

ماجد :واه يا زمن .

نبيل :على فكره ده واجب انكوا تساعدوا زوجاتكم ،الرسول عليه الصلاه والسلام كان بيساعد زوجاته وانت اما تساعد ده بيخلي في تقارب وحب بيزيد فاهمين وبص علي احفاده الولاد وانتوا اما تتجوزوا لازم تبقى في مشاركه هترفع من قيمتك عند مراتك .

وصل نبيل والرجاله واحفاده الدور الاخير الروف .

نبيل القائد بيوزع المهام .

نبيل :الروف سهل بنات ادخلو لمعوا العفش واكنسوا،

واه يا مي المرسم بتاعك انت ومامتك عليكي وخلي دليله وهدير للتلميع الباقي

مي :حاضر يا جدو .

نبيل :والولاد هاتوا المساحات كل واحد في ايده مساحه ،واعرفوا يد الله مع يد ا****عه ،

شاف هادي بيبص في الموبيل قرب منه بهدوء .

نبيل :الموبيل يتقفل وينحط علي الترابيزه ،وعالي صوته ، بحزم الموبيلات كلها تتقفل ،وتتحط علي التربيزه ،يلا شغل .

نبيل بص ناحيه مهند وماجد عايز تنظموا الاسلاك بتاعه الرسيفر وتنزل القنوات الجديده يا مهند .

وانت يا ماجد في كذا لمبه محروقه في النجف وكمان فوانيس المدخل ولمبات السلم خد خلي حد من البنات معاك علشان تساعدك .

مهند :حاضر يا بابا و بيكلم نفسه الحمد لله شغله خفيفه .

ماجد :بيكلم نفسه هشيل السلم واتحرك في البيت كله الروف والادوار،انا حاسس اني اكيد لاقوني علي باب جامع .

نبيل :ماجد السلم هناك اهو بتفكر في ايه .

ماجد:علي طول اهو مش بفكر خالص .

هادي ميل على باباه: انت مظلوم يا بابا .

ماجد بشموخ : ابدا ده جدو بيحب يعتمد عليا علشان عارف اني سداد مش زي عمك .

هادي :اه كده فهمت .

البنات بتلمع وتكنس والولاد بتمسح وضحك وتهريح مع التظيف نزلوا فرقه التنظيف زي ما سماها نبيل علي السلم وبالخرطوم بدأ يرش وجاب كلور وبيدلق وغرق تيشرت ادم .

ادم بيصرخ :التيشرت باظ يا جدو،حرام كده انا بحبه .

نبيل :هبقي اجبلك تيشرت تاني كمل تنظيف .

ادم :لا هروح اغير الكلو هياكل جلدي .

نبيل :حبيب جدو جلدك هيحمر ومسك ادم بالخرطوم غسله من شعره لرجله .

ادم بيصرخ و ينط :بس يا جدو ....كفايه انا اتعقمت ونظفت لسنه قدام والكل واقف بيضحك عليه ،والله انا هعيا وهبقي زنبي في رقبتك يا جدو .

نبيل :انا خايف علي جلدك يا دومي ،وبيغمز لهدير ،وهدير ابتسمت له وحدفت بوسه لجدها .

نبيل عمل كده من غيظه من ادم لعدم شعوره بالحساسه هدير كيف لا يشعر بكل الحب الي في عينها ناحيته ،وحتى لو حاسس ويتهرب لازم يتعاقب .

ونبيل يفكر بنات عائله نبيل يتمناهم احسن الناس ،وهما من يجرون وراهم مش الع** .

نبيل كل ما كان يراقب العمل يشوف هدير وعينها على ادم نظره حب تهد قلب بس لو ادم رأى هذه النظره .

هدير كان احسسها متناقض مبسوطه بوجود ادم قدمها لكن متغاظه منه انه لايشعر بها وتخاف ان يشعر بحبها حد من العائله ترفع عينها عليه لتملي عينها منه وترفعها بسرعه عنه لكن مش على اللواء نبيل .

في المطبخ عند سناء والستات

لبنه انا عملت عصير برتقال نزود المناعه لينا كلنا .

سناء :كويس يا لبنه اما يخلصوا تنظيف هيبقوا محتاجين العصير ده .

سناء بحنيه وصيغه اعتذار :معلش يا بنات طلعت هاله لجوزها يكون محتاج حاجه وهي قالت هتنزل على طول .

ميار :طبعا يا طنط هو عمر بيشوف هاله قد ايه علشان تقعد معانا وهو لوحده دايما نبطشيه ومن مستشفى لمستشفى الله يكون في عونه وعونها لانها تقريبا متحمله مسئوليه الولاد لوحدها.

سناء : كويس انكوا فاهمين ..طيب نبدا نوضب الغدا انا بقترح مكرونه بالشامل وبفتيك ،حلو .

لبنه :جميل يا طنط اطلع العصير لمحمد وديما هما بيذاكروا بره اديهم طاقه .

في الاسفل عند محمد وديما في الجنينه بيذاكروا

محمد :اهو شوفتي الدرس ومنمتيش .

ديما:علشان انت جنبي .

محمد :لا علشان مسكتي ورقه وقلم وركزتي انك تكتبي المهم .

ديما :يمكن .

محمد :احنا مع بعض من صغرنا وانا مش هتنازل عن انا وانت في الطب ..فاهمه؟

ديما :بعد الحال ده يمكن ندخل معهد سنتين ، ما تقلقش مع بعض كمان ،ههههههه.

محمد :فال الله ولا فالك يا ساتر علي الكلام زفت .

لبنه جايب عصير ليهم .

لبنه :زفت ايه .

محمد :بنتك بتقول اننا هندخل معهد سنتين ،بتحدف طوب .

لبنه :بعد الشر طب انتوا الاتنين ان شاء الله ،اشربوا العصير .

محمد :بصي يا ديما إن الله لا يضيع اجر من احسن عملا ،واحنا نعمل الي علينا وربنا ان شاء الله ينولنا الي في بالنا .

لبنه :ربنا معاكوا يا ولاد سنه وتعدي ان شاء الله .

ديما :يمكن لو مفيش كورونا ولخبطه الدنيا وقفل السناتر كان الواحد يكون مطمن .

لبنه :يمكن ربنا رحمكوا من المشوار والدخول والخروج ركزي انت بس .

في شقه عمر وهاله

عمر طلع بعد ما اخد شاور ونايم على السرير .

هاله دخلت عليه .

هاله :ارحم مخك من التفكير يا عمر ارحم نفسك من القلق .

عمر :الي انا بعمله غلط انا لازم اقعد في المستشفى هناك اقدر اتحكم في نفسي كأني مسافر لكن هنا انت وعمي والولاد وسيله ضغط جامده عليه .

هاله:هو كل الدكاتره بتعمل كده عايزه تبعد عن اهلها .

عمر :معظمنا ايوه لاننا عارفين المرض ومحدش عايز يبقى مسئول عن عيا واحد في عائلته .

هاله :ربنا الحامي .

عمر بهدوء :طبعا ممكن تنزلي عند عمو تحت وتسيبني انام .

هاله :ماما الي قالت ليه اطلع اشوفك تكون محتاج حاجه .

عمر :حبيبتي انا محتاج انام انزلي يلا .

عمر بيفكر في حل مسك التليفون وكلم مكالمه …..

واخير مهمه التنظيف خلصت بعد ساعات قليله.

الولاد خلصوا وقاعدين علي ارض الجنينه والبنات واقفين ساندين علي بعض .

نبيل بضحك :انا بفكر اوفر فلوس النضافه انتوا بتنظفوا احسن .

ليكوا مني كل واحد ١٠٠جنيه .

ادم :١٠٠جنيه بس يا جدو طيب قول ٢٠٠ جنبه وانا عندي استعداد اعمل كده كل اسبوع .

هادي بيبص على ادم باشمئزاز :مادي حقير انا مش اقل من ٥٠٠ جنبه واتنازل عن برستيجي .

نبيل : اه يا ولاد الك…مش عايز اكمل عايزين فلوس من جدكوا .

.مهند وماجد بيضحكوا علي اشكال ولادهم

مهند في ودن ماجد :ابوك بيربي الولاد .

ماجد :واخد بالي وشكلنا معاهم في التربيه ديه.

مهند :كان قدر علينا من زمان .

ماجد :ايوه كنا زي الزئبق .

مهند :لا هو كان لسه قي الخدمه ومشغول لكن دلوقتي فاضي واحنا والولاد بقنا الكتيبه الي تحت ايده على رائ ادم .

ماجد :وانت تعبت علشان الرسيفر وانا طالع نازل بالسلم زي الكهربائي ومعايا لمبات للبيت كله وقلت لهدير تمسك السلم ليه الجبانه هربت مني .

مهند بضحك:انت متخيل اني متعبتش المجهود الذهني يا ابني .

ماجد :اه ما انا واخد بالي .

ماجد لاحظ ان هدير واخده جنب بترتعش وطلعت شقتهم .

هدير دخلت جري علي غرفتها علشان تبعد عن الموجودين .

غيرت هدومها والرعشه مستمره وصداع جامد .

اقتباس من البارت القادم

انا قلت لماما وكلمت عمو عمر ،وعمو عمر كمان كلمني وقلت له الاعراض وعمو عمر قالي خليكي قاعده في الاوضه وابعدي عن الكل وطمني علشان معنديش حراره والكحه فيها بلغم ،بس قالي احتياطي يومين كده في البيت ،وزمان ماما قالت للكل دلوقتي .

عائله الصفواني هل هي بدايه دخول الفيرس البيت؟