الجزء الثامن عشر ذكريات
2151 Words
يوميات الكورونا
الجزءالثامن عشر
في الجزء السابق عائله نبيل جمعها عنده علي العشاء وكان نبيل معترض علي كميه الاكل المقدم لان في ناس كتير بسب الكورونا لا يوجد عندهم نوع واحد من الاكل وقرر مع سناء ان تقتصد في الاكل وتقدم نوعان فقط وبعد الاكل جمع باقي السندوتشات ليقدمها لعمال اليوميه في ظل ظروف الكورونا الصعبه في العمل خصوصا لعمال اليوميه واثناء جلوسهم الكل دعى بعوده عمر وتم نقاش بين الجد و الاحفاد علي اسباب الكورونا وكل اجمع على ان ربنا بيعاقب البشر علي استهتارهم بأمور دينهم وبعدهم عن ربنا وكمان ليبين قدرته انه رغم التقدم العلمي في العالم واقفين عاجزين من مخلوق لا يري بالعين المجرده .
في شقه نبيل وفي وقت الفجر
ليله عدت ونبيل قام يصلي الفجر وصحي سناء بيقروا الورد بتاعهم ،وبعد ما خلصوا ،لاحظت سناء ان نبيل باله مشغول وحامل الهم .
سناء :انت ما نمتش طول الليل ،كنت حاسه بيك ،مالك ؟
نبيل بضيق :احفادك هيطيروا النوم من عيني .
سناء :ماهو ادم قاعد يحاول مع دودو وبيشغلها اغاني ،مسائله وقت وهتلين .
نبيل بزهق :مش ادم وهدير .
سناء بتعجب وحيره :اومال مين يا نبيل ؟
نبيل :محمد وديما .
سناءض*بت علي ص*رها ، من هول المفاجاءه وبتحرك راسها بالرفض لالا دول صغيرين علي الكلام ده ،وانت عرفت ازاي .
نبيل :من محمد نفسه انت عارفه مش بيخبي عني حاجه انا او ابوه .
سناء :هما بس علشان وشهم في وش بعض ،ومفيش خروج ولا حياه بره ،ايوه ايوه هو كده ،لما الوضع هيرجع هتبقي المشاعر ديه مش موجوده معقول محمد وديما دول اصغر احفاد لا لا طيب ايه الحل ؟
نبيل بضحك :وانت خايفه ليه ؟علي فكره محمد ارجل واحد في احفادك وهو بيحبها من قبل موضوع الكورونا ،بس المشكله انه قالها ،مع اني كنت فاكر انه عاقل .
سناء :وهي رديت بايه ؟
نبيل :مردتش عليه وانا قلت تاخد وقتها ،وانها لسه صغيره .،وقلت لمحمد يقفل الموضوع لغايه بس ما يدخلوا الجامعه علشان مستقبلهم ،انا خايف من الكلام ده يأثر على مذاكرتهم .
سناء:الحمد لله طيب انت اتصرفت ورجعت الولاد ل*قلهم انت قلقان ليه ؟
نبيل :خايف من الحب الي بين الاحفاد يعمل خلاف بين الاولاد .
سناء بتهز دمغها بالرفض
سناء :لا ولدنا بيحبو بعض .
نبيل:وقلقان علي عمر ؟
سناء :ربنا يحفظه يا رب .
نبيل :هاله روحها فيه وولاده مي النهارده كانت هتجنن لما سمعت بنسبه الاطباء الي اصيبوا من الكورونا .
سناء :مي بتعشق باباها ،وكل بنت بتكون متعلقه بباباها قوم صلي وادعي للكل وربنا بيغير حال الي حال .
نبيل قام يصلي ،وسناء بتفكر في كلامه معقول الي عملوه طول عمرهم ممكن الاحفاد تهده معقول القرب والحب بينهم يعمل خلافات بين ولدها وبتكلم نفسها انا ربيت صح ومحدش من ولادي هيزعل اخوه او يزعل منه سناء :ان شاء الله الحب ده يجمعهم اكتر .
وان شاء الله يرد عمر لبيته وميوجعش قلبنا عليه .
نبيل :ايوه. يا رب يا سناء بس شوفتي محمد وديما ابتدوا بدري زينا .
سناء :بس انت غير يا نبيل وانا كنت قفله مياه ونور .
نبيل : اه فاكره ..هو انت كنتي بتديني فرصه اشوفك او المحك حتى علشان اقولك لازقه دايما في خالتي تيجي معاها وتروحي معاها .
سناء :الله كنت بت**ف وبعدين انت ناسي اما وقف*ني وقلت ليه انك بتحبني على السلم .
نبيل اخدها في حضنه من الذكري
نبيل :كنت رايح الكليه وخلاص مش هشوفك غير يوم في الاسبوع خفت اي حاجه تحصل وانا مش موجود قلت لازم اقولك .
فلاش باك
نبيل واقف في البلكونه شاف سناء نازله من باب بيتهم نزل نبيل جري من شقته علشان يحصلها لكن شافها داخله تاني المنزل جري ورها ودخل البيت.
نبيل :سناء
هنا توقفت سناء على صوته التي تحفظه لفت له ورأت الحب في عينه قبل ما ينطق به ل**نه و ببتسامه حلوه .
سناء :نبيل
نبيل ارد ان يحفظ ملامحها بهذه الابتسامه داخله اول مره تبتسم له هذه الابتسامه كانت له مش موزعه على الكل فاق نبيل
نبيل:كنت عايز اكلمك .
سناء:ايوه عايز حاجه وهنا عينها نزلت من ال**وف هي لا تستطيع ان ترفع عينها عليه **وفها وحياءها يمنعوها .
نبيل :طيب ممكن اعزمك علي حاجه بره .
سناء بتتلفت حوالها بقلق .
سناء:لا طبعا ما ينفعش الي عايزه قوله دلوقتي وبسرعه ماما تزعق لو اتاخرت.
نبيل بياخد نفس طويل
نبيل :طيب بصي ليه وانا بكلمك .
سناء ترفع عينها وتنزلها بسرعه .
سناء :مش عارفه عايز تقول ايه
نبيل : الله ما طولك يا روح هقولك كده وامري لله عايز اعترف اني بحبك انا حاسس اني مجنون بيكي عقلي كل افكاره حولك قلبي كل مشاعره علشانك عيني مش شايفه غيرك سناء انا مش بحبك بس انا متيم بيكي ،يا تري حسه بحبي ده ولا لأ وبعدين عايز اعرف انت حسه بيه ازاي ؟
هنا الدماء تدفقت الي وجهه سناء الذي اصبح لونه احمر جدا بل احست كان الدم يشك في جسدها كلها يعلن انها ايضا تحبه ولكن ل**نها لم ينطق .
سناء :انا انا …وابتسمت وطلعت شقتها جري لدرجه انها كانت هتقع ورجلها تخونها اكتر من مره ونبيل حط ايده في جيبه وعينه عليها اخيرا اعترف وعرف الاجابه من الابتسامه وحس بالنش*ه لانه مسيطر علي قلبها وجعلها في حاله ارتباك ولخبطه حس انه راجل في حياه محبوبته .
عوده للواقع
نبيل بيبتسم فاكره كنت رايح الكليه وقلت لازم اقولك .
هنا سناء بتكمل كلامه ماما قالت ليه انزل اشتري حاجه من البقال لبست ونزلت وانا طالعه اما نادتني كانت فرحه الدنيا كلها عارفه انك هتروح الكليه ومش هشوفك لمده اسبوع وانا كنت بشوفك كل يوم كنت زعلانه ان الوقت بيعدي ولسه مجتش تسلم وبعدين اما جت وكلمتني قلت جي تسلم لكن كان اهم من السلام اما قلت ليه انك بتحبني قلبي كان هيقف من الفرحه كنت حسه بالدم كانه دبابيس بتشك في جسمي في عروقي كل حته فيه بتعترف بحبك بس ل**ني مقدرش يقولها طلعت من قدامك جري واكتفيت بالابتسامه وكنت من ارتباكي كل شويه اقع علي السلم .
نبيل :اهو شوفتي كنا قد محمد وديما تقريبا.
سناء :بس احنا اتخطبنا على طول علشان انت كنت في الكليه .
نبيل :وانا هعمل كده يدخلوا الكليه وهما مخطوبين بدل في حب احنا معاه ونراعيه .
سناء :حبيبي الرومانسي ننام شويه النهار هيطلع .
في بيت عمر وهاله
هاله واقفه في المطبخ مشغوله البال على عمر وبتحضر الفطار ومحمد جه وباس خدها
محمد :صباح الفل علي هلوله .
هاله بضحك :هلوله يا ولد .
محمد :ايه يعني هي حكر علي دكتور عمر ،وبعدين انت واقفه وعمله ديل حصان وشكلك اصغر من مي ،واحلي منها .
مي خبطته علي دماغه : مين الي احلي مني ؟
محمد :ماما ايه رايك وبيلف مامته علشان مي تشوف .
مي :الصراحه اه ،ايه يا موزه الجمال ده اتاري الدكتور وقع علي بوزه .
هاله بضحك :موزه ….وبعدين انت احلي مني بكتير ،الواد ده بيضايقك وبعدين ايه بوزه و وقع ديه اخر المدارس الاجنبيه .
محمد :هههه يا ماما وصف الواقع مش محتاج مدارس محتاج عنين ونقول الحق صح يا مي ؟
مي بضحك :هههه ايوه الحق يقول انك لو ماشيه جنبي بمنظرك ده هيقولوا اختي .
محمد :البنت قالت الحقيقه وهي عارفه انك احلي منها .
هاله :لا مي دي قمر بتاعي وبتبوسها
مي :بصي يا ماما انا عارفه اني حلوه بس انت احلي .
هاله مسكت كتفها وباست خدها مين بس الي حلو جنبك يا قمر .
محمد :اه عايزين نخلص عندي حصه اون لاين .
مي متشغلها وانت قاعد يعني هو شايفك .
محمد:اهو ده الغلط ،لازم ابقي قاعد ومعايا ورقه وقلم واكتب ملاحظت الي المستر بيقولها علشان استفيد .
مي :شاطر فعلا كده انا اتأكدت انك ناوي علي طب .
هاله :ومحاضرات الهانم ؟
مي :انا بحضر وبرسم هي فنون جميله محتاجه غير فرشه ولوحه واللوان .
محمد :الصراحه لا .
مي مسكت ساندوتش وخبطت محمد :اهو عندك فالح واحد ،وفي الاخر انا طالعه ليكي بحب الرسم . والمذاكره نركنها شويه .
هاله :طيب هبقي اقول لبابا اما يتكلم .
مي :هو عارف علي فكره ،انا نازله عند دليله .
محمد :ابقي شوفي ديما وقولي لها اني مستنيها في الجنينه .
مي:حاضر.
في الروف
بعد قضاء سهره بين ادم وهادي على البلاي ستشين ادم واقف في الروف مستني يشوف هدير طالعه في البلكونه .
هادي خضه :ادم .
ادم خبطه :الله يخرب بيتك قطعت خلف .
هادي :انا كنت بنادي عليك ،وانت ودنك مسدوده ،وبيمسك ويشد ودنه .
ادم :ابعد يا غتيت ،مسدوده ليه هي بلاعه .
هادي :طيب انا نازل افطر ماهو مش اعتقال يعني وانا مش عارف نمنا ليه هنا .
ادم :احنا مش مرتبين كده احنا خلصنا لعبنا ما قدرناش ننزل .
ادم بمكر :خدني فطرني معاك .
هادي رفع حاجب :روح كل عند امك .،انا امي مالها تاكلك .
ادم :كده يا هادي ،ايه يا عم البخل ده .
هادي :ماهو مبروم علي مبروم ما يلفش سامع ،قولي انا عايز انزل معاك علشان هدير .
ادم بيكرر وراه :طيب انا عايز انزل معاك علشان هدير .
هادي :نعم يا خويا وانت مفكرني ايه اريل .
ادم بضحك :ماهو جدو قالك انك اريل ايه الجديد ؟
هادي :تخيل صح ،طيب فين اغنيه الصباح يا رميو .
ادم بيشده لما ننزل وافطر اعرف امخخ اسمعها ايه خصوصا ان امبارح عدي من غير اغنيه .
هادي بيفتح باب الشقه وادم واقف وراه بمسافه علشان ميجرحش اهل البيت .
هادي :انا جيت ومعايا ادم .
ميار :ازيك يا دوما .
ادم :ازي حضرتك يا طنط ،ما بلاش دوما ديه .
ميار :ماهو ل**ني واخد عليها متزعلش يا حبيبي ،وبعدين ماهو مفيش حد غريب الهد واقف وهو عارف .
هادي :انا عارف كنت بتفكرو ازاي وانتوا بتجيبوا اسماء دلع لينا ايه الهد ديه .
ميار :يعني الدماغ بالانجلش اصلك كنت دماغ وانت صغير مكبر علي طول .
ادم :فعلا هههههه
هدير :ايه ده صباح الخير .
ادم ببتسامه وحب :ايه ده صباح النور .
ميار بضحك :هعمل الفطار ودخلت.
هادي :مسك ريموت وبيقلب ،اخبار الكورونا ايه .
ادم بيقعد بيسبل بعنيه :الكورونا عسل وقمر .
هادي :عسل وقمر اقعد يلا .
هدير :ههههههه
تليفون ادم بيرن
ادم :ده جدو ،ايوه يا حبيبي .بيبص علي هدير .
نبيل في الجنينة وقرر شئ فمسك تليفونه يكلم احفاده الرجاله .
نبيل :ايه ده متخشن كده ،هو انا بكلم دليله .
ادم :اصلك وحشني .
نبيل :في ايه انت وخدني كوبري يا واد ،طيب انزل وهات هادي معاك عندنا شغل جامد ،وهوريك انا يعني قد ايه انك واحش جدك ، انزلوا يلا ما تتاخرش يا قلبي ههههه .
ادم :هنفطر وننزل علي طول .
نبيل قفل وبيضحك وبيكلم سناء الي كانت جنبه
نبيل بيضحك ؛الواد وخدني كوبري .
سناء :مين ؟
نبيل :ادم قاعد عند ماجد وشكله مش عارف يتكلم مع هدير علشان حد معاهم و واخدني كوبري وبيوصل الكلام على قفايا ،والله اما ينزل هربيه من اول وجديد .
سناء بتضحك .
سناء : سيبه يقول خليه يوصل لقلبها .
نبيل :حاضر يا حبيبتي حاضر حتى لو علي حسابي .
في شقه عمر وهاله
محمد بينظم الكتب لقى تليفونه بيرن وكان عمر .
محمد :الو ازيك يا بابا .
عمر بيكح شويه .
عمر :انا الحمد لله .
محمد :بس انت عندك كحه .
عمر :من التكيف ولبس العزل بكون عرقان جدا واما اخرج اقلع لبس العزل بيكون مليان عرق بيكون كتير جدا .
محمد :ربنا معاك يا حبيبي ايوه .
عمر :بص يا محمد لازم موضوع ديما ترتبه النهارده لازم تحط النقط فاهم اجل الكلام وقول لها كده بعد ما تدخلوا الجامعه هتتكلموا كتير فاهم علشان الوقت ده حرج يا محمد ده وقت مذاكره ومستقبل يا حبيبي مش بحجر على مشاعرك ولا على كلامك انا بس باجلها للوقت الصح .
محمد وهو ملاحظ ان صوت والده مش كويس .
محمد :حاضر يا بابا هعمل الي قلت عليه وانا بعت مي لديما علشان نذاكر عادي وهقول كل الي انت قلت عليه ليها متقلقش انت ، بس انت روح اكشف علشان صوتك تعبان وعندك كحه جامده .
عمر :حاضر يا محمد بس اوعي تقول لماما اني تعبان هبعت ليها رساله علشان ما تحسش بصوتي التعبان .
محمد :بس طمني يا بابا الدكتور قالك ايه ؟
عمر :حاضر يا محمد بس ما تعملش قلق هنام شويه وهروح اما اصحى للدكتور .
في شقه مهند
دليله فتحت الباب لمي وبتسلم بتهريج كالعاده .
مي :صباح الفل .
دليله :صلاح العسل غريبه نازله بدري ؟
مي :عندي كمان ساعه محاضره اون لاين قلت اقعدهم معاكي بدل ما انا قاعده لوحدي ،بس اوعي يكون عندك انت محاضره .
دليله :لا انا الدكتور قرر ان المحاضره تكون سبعه بليل ما الكل في البيت .
مي :ايه ده يعني ممكن يخلي المحاضره في الفجر ايه الي يمنع .
دليله :هو سالنا واحنا وفقنا .
مي :اه ماشي فين ديما ؟
دليله :جوه بتذاكر .
دخلت مي على ديما .
مي :صباح المذاكره
ديما :صباح النور يا مي .
مي :محمد بيقولك انه يسبقك على تحت يلا .
ديما بارتباك :حاضر هشوف انزل بكتب ايه ونازله .
مي قفلت الياب وخرجت لدليله وديما رجعت راسها لورا ونفخت بزهق انا مش عارفه اركز وانا لوحدي اومال اما هبقى معاه ،يعني اعمل ايه ،بترد على نفسها رد جدو هو الصح .
جدو قالي اقول لماما ،ومفيش وقت اقولها هي مشغوله وانا كمان .
لازم اقولها في اول فرصه ،يلا يا ديما اجمدي كده .
اقتباس من الجزء القادم
هاله :بابا ممكن تطلع ليا من غير ما حد .ياخد باله .
نبيل :ثواني حبيبتي .
طلع نبيل علي طول لابنته
هاله فتحت الباب واول ما شافت بابها ارتمت في حضنه ودموعها نازله ،وصوت عياطها بيوجع القلب .
- Writer
