الجزء السابع عشر تجمع عائلي
2197 Words
يوميات الكورونا
الجزء السابع عشر
في احداث الجزء السابق ادم القي بكل مشاعره في وجهه هدير نعم القاها من كم الرومانسيه واعتراف بالحب كان اكثر من ما تصدقه هدير وكان نبيل يتابع هذا الحب لكن الصدمه كانت في صغار احفاده محمد وديما واعتراف محمد بحبه لديما والتوقيت الغلط كما قال نبيل لكن الكلمه طلعت ومحمد اعترف ولخبط ديما فهي صغيره على ان تاخد قرار ونبيل كان واقف معاها ذهب لها ساندها ونصحها كالعاده مع اخبارها ان تقول لامها لبنه وفي نفس الوقت قلق هاله على عمر من انه يتنقل له المرض من المستشفى ولكن هي لم تظهر هذا القلق ودعت له ان تمر هذه المحنه علي خير .
ونقف ان نبيل قلق من سهم كيوبيد الذي اصاب العائله وهل سيصيب حد اخر وهو ماشي يلطش كده زي ما هو قال .
في شقه نبيل قرر ان يجمع الكل عنده يعمل سهره عائليه يتعشوا مع بعض وفي الداخل ليست السهره في الجنينة علشان هدير.
بليل الكل قاعد في الرسبشن الكبير عند نبيل والضحك والهزار وتجمع عائلي لا يخلوا من تلميحات علي موضوع ادم وهدير ولا على اختيار الاغاني والكل بيكلم ادم انه يشغل اغاني من ذكرياته هو الكبار يطالبوا بام كلثوم وعبد الحليم وفيروز وسناء قالت لادم يشعل ورده لكن ادم كان في عالم اخر الحقيقه ان في ثلاث اشخاص كانهم مش موجودين .
ادم سرحان في الي ممكن يقدر يقربه من هدير بيسمع لطلبات الاغاني ساكت .
محمد عينه علي ديما ولما العيون بتتقابل بتقول كتير .
ديما بتهزر بس عينها بتروح كل شويه ناحيه محمد لكن لو حصا انها التقت تبعد بها بعيد .
ونجد بعد فتره من وحود الستات داخل المطبخ مع سناء .
هاله داخله بصنيه كبيره مليانه مسليات لب وفشار خروب سوداني ....
وميار دخله بصنيه فاكهه موز تفاح برتقال ...
لبنه داخله بصنيه فيها بطاطا وحمص شام
الجده سناء كانت داخله بصنيه ساندوتشات مثل كريمه مختار في الحفيد كل قام ياكل .
نبيل زعق :محدش يمد ايده .
بتزمر كل الولاد:ليه يا جدو حرام كده احنا جاعنين .
نبيل :انا قلت محدش يمد ايده ،وده وشه ناحيه الستات ،عايز افهم ايه ده كله ؟
سناء :عشا وتسالي يا نبيل لزوم القاعده .
نبيل :طيب ماشي ساندوتشات نتعشي فاكهه وتسالي لب ...وبطاطا ...حرام في ناس بره مش لقيه اللؤمه كده كتير جدا ،ما يحصلش تاني هو عشا ونوع واحد تسالي مفهوم .
سناء :حاضر حاضر ..بس .سيبهم ياكلوا بقه .
نبيل :ازاي ياكلوا وحد ناقص ،يتعلموا ان الكل ياكل مع بعضه .
ميار :ماجد نازل يا عمي ومعاه هدير .
لبنه :ومهند نايم جوه في اوضته هصحيه .
هاله :وانا هطلب عمر اون لاين احسره علي قاعدته لوحده ههههههه.
نبيل بضحك :سيبي عمر كفايه عليه الي هو فيه ربنا يرجعه بالسلامه ،الباب خبط .
نبيل :افتح الباب يا ادم اكيد ده ماجد وهدير غمز له .
ادم قام فتح لعمه ماجد وابتسامه علي وشه لان جده معاه علي الخط ،ادم واقف وسادد الباب وسرحان في هدير .
ماجد : ايه يا بني حاسب كده خلينا ندخل ،انت واقف ليه زي اسد قصر النيل كده ؟ماجد بيضحك لانه شايف ادم عينه مش معاه عينه علي هدير وهو سرحان فيها .
ادم خد جنب ودخل ماجد وهو ماسك هدير ،وهدير حطه علي كتفها شال ولبسه ايس كاب .
ادم بيبص بره الباب :هو الدنيا بتمطر بره ؟
نبيل قام خد ايد هدير وباس دماغها
نبيل :يا اذكي اخواتك هدير كانت تعبانه ولسه لازم تحافظ علي نفسها ،خد ايدها ونايمها علي كنبه الليفنج وحط مخده ورا ظهرها وغطاها كمان حنيه الدنيا نجدها عند نبيل .
ادم بهيام :اه صح يا جدو .
دليله و مي و ديما بيضحكوا على منظر ادم وهو كأنه مش معاهم وبيتغمزوا و وماسكين ودان بعض ترقيه .
ماجد قعد : انا كويس اني نزلتها اصلا انا خايف عليها منعتها وحشه ولسه هاله محذره وقالت ان عمر خايف عليها علشان مناعتها .
سناء :ربنا يستر عليها ،وبتديها ساندوتش ،عامله ايه يا دودو ؟حبيبت ناناه
هدير بسوط نايمان :كويسه يا ناناه ،بس الدوا اكيد بينم علشان مش عارفه اصحي كل ما اصحي انام تاني اكل ونوم .
هادي :احلى حاجه ديه .
ماجد :اه ما انت خم نوم زي عمك .
مهند كان خرج من غرفته القديمه وجلس معاهم .
مهند وهو بيتاوب :ادويه البرد والحراره بتنيم يا دودو وبعدين خبط ماجد على دماغه وكمل كلامه وبعدين انا خم نوم ؟
ماجد بيضحك : لا انت من غير ادويه برد قولي يا هندسه انت نازل علشان تنام هنا عند ابوك ليه معندكش سرير في بيتكوا .
سناء :جرى ايه يا ماجد ماهنا بيته وسريره موجود .
ماجد:اه طبعا مهند حبيب القلب البكري وكالعاده الست سناء امي لازم تدافع .
مهند يخبطه : وانت كالعاده غيران وقام باس سناء النوم عنا غير يا بنى .
الكل بيضحك علي هزار مهند وماجد وهاله بمشا**ة لاخوتها قامت وقفت وتبوس سناء ونبيل
هاله :لا انا حبيبت ماما وبابا .
مهند :لا يختي انت الحته الشمال بتاعه الحج نبيل ،صح يا بابا ؟
نبيل بضحك :كلكم غلاوه واحده ،بس هاله ليها مكان اكبر .
مهند :اهو اعترف شاهدين الحج اعترف وجون وجون وجون .
ماجد :ايوه انا عارف اني واقع من قعر القفه مهند ماما وهاله بابا وانا لاقوني على باب الجامع .
مهند بضحك: يا ابني بطل عقدك ديه وبعدين عم عطيه بيحبك.
نبيل : عايزين الحقيقه دلوقتي مفيش اعز من احفادي حبايب قلبي انا مش عايز الخناشبر دول وبيشاور عليهم الثلاثه .
محمد :يعني احنا ركناهم على الرف .
هادي :شكلهم وحش قوي .
ادم بيحط ايديه على اكتاف محمد وهادي ،وبيضحك اتلموا علشان تعرفوا تروحوا شققكم .
ماجد :عم عطيه يا مهند اكتفي به .
سناء :على فكره انت يا ماجد دايما الي بيريحني في الكلام يا قلبي .
ماجد يبوس دماغها :ست الكل .
ادم :القعده بقى فيها قلق وشكلنا كلنا هنام عند جدو .
نبيل :خلاص يا ادم مفيش قلق عندي مكان للنوم لو حد فيهم اتكلم .
هاله : ماشي يا بابا شمت الولاد فينا.
سناء : انا بقه مقدرش اتصور حد مكان حد في قلبي كل واحد واخد حته من قلبي .
نبيل :كل واحد مش كنتي بتقولي اني قلبك بتوزيعه عليهم كده .
سناء :ما انت القلب وهما جواه يا حبيبي .
الاحفاد بتصفر على كلام سناء .
نبيل :بس كل واحد فيكم يتلم سامعين .
الكل :حاضر حاضر .
سناء :ناكل بقه يا سياده اللواء .
نبيل : ناكل يا حبيبتي .
الكل قاعد وبياكل ،وبيشيلوا الاكل .
نبيل :سناء ممكن الطباق الفوم الي جايبهم لرمضان بتوع الدليفري .
سناء :حاضر .
راحت سناء جابت الاطباق الفوم
نبيل :يلا يا شباب بو**ي الاكل بنظافه ونظام تتحط في الاطباق ،والمقطوم منه على جنب مش في الاطباق ديه .
اتعمل اطباق كتير ونبيل جاب ايس بو** حطهم فيه .
مهند :بابا هتعمل بيهم ايه ؟
نبيل :هاخدهم بكره عند منطقه العمل الي العمال الي بيوميه واقفين فيها هديهم الاكل،وربنا يسهلم في باقي اليوم .
دليله ميلت علي جدها وباسته ،احلي جده ده ولا ايه ،الشباب اتجمع حواليه ،دليله جدو نبيل يا ..ياعيش ...يا ..ياعيش وباقي الشباب بيردد ورها .
نبيل :انا مش عايز هتاف شخصي عايزه عام .
ادم :حلاوتك يا كورونا يا مجمعنا .
الكل ههههههه
سناء :ربنا يبعدها عن البيت والي فيه بقى ده هتاف .
نبيل :هاه يلا الكل يتوضي وونصلي صلاه شكر علي صحتنا ،وان ربنا يزيح الغمه ،والوباء .
فعلا الكل اتوضي وصلوا ،ودعوا دعوه مخصوصه ان عمر يرجع بالسلامه لان القاعده كانت ناقصه فعلا نبيل لاحظ ان مي اخدت جنب وسكته قعد جنبها .
نبيل :ميوشه قلبي سكته ليه ؟
مي :خايفه علي بابا يا جدو،بص الاخبار بتشاور علي الموبيل بتقول ان في نسبه كبيره من الفرق الطبيه اتصابت من المرضي .
نبيل مسك الموبيل وقفله :مش في ايدنا غير الدعوه ان ربنا ينجيه هو وكل الناس الي معاه ويبعد الفيرس عن مصر .
نبيل اخد ايدها وقعدوا كلهم .
مهند :شوفت يا بابا الصين بتقول ان الفيرس اصلا كانت لعبه من امريكا ومعرفوش يتحكموا فيها .
ماجد :ماهو طبعا بعد البلاد كلها اتهمتهم انهم السبب في الفيرس ده بسبب عادتهم في الاكل .
ادم :اين كان الدوله السبب فيه ،كل الدول اتأذت .
نبيل :انا بقول ان ربنا بيوري دول العالم المتقدم قدرته ،بيقول لهم مش انت طلعتوا الفضاء واخترعتوا احدث الاشياء وعملتوا استنساخ وتقدم علمي رهيب لكن اهو مش قادرين علي فيرس محدش شايفه وخلا شعوب العالم في بيوتها وض*ب الدول المتقدمه علميا اكتر دول متأثره امريكا وانجلترا .
مهند :الي مستغربه ان تأثير المرض عندنا اقل من الدول ديه ولا في تعتيم .
نبيل لف وشه لمهند بضيقه .
نبيل : وليه الدوله تخبي مثلا هي الوحيده الي عندها زي ما بيقولوا ان العدد المذكور الي جه المستشفيات وعمل مسحه تبع الدوله لكن انا بقول في كتير جالهم وفاكرينه دور انفلونزا عادي ،يمكن نسبه الجهل مخليه الناس تخبي كمان واحد خايف يقول علشان شغله ميقدرش يقعد منه واحده خايفه انها تتعامل وحش اصل المصريين دماغ الصراحه .
ماجد :انا عارف السبب زمان كان الولاد الي اهاليهم خايفين عليهم وكل حاجه بتتعمل صح نظافه اكل شرب دول اكتر عيال. كانوا دايما عيانين لكن العيال العاديه زي الولاد الي في شارع مناعتهم اعلي واحنا عندنا الفيروسات بتعامل معاها عادي جلنا مناعه ههههه.
سناء :ولا علشان السعوديه دخلت الحفلات بلادها ؟
نبيل : ما تعرفيش يا سناء الاسباب كتير كله اختبار من ربنا ،كان بيوت ربنا مفتوحه ومش بنرضي ندخلها نصلي غير في رمضان او يوم الجمعه ،كأن ربنا مش موجود غير في رمضان والجمعه بس ،اهو اتقفل بيت ربنا ده منظر الكعبه يحزن وهي فاضيه ورمضان دخل علينا والكعبه كانت بتكون مليانه سبحانه الله والناس بتقول هنصلي التراويح ازاي .؟
هادي :صحيح يا جدو ازاي ؟
نبيل :في البيت يا حبيبي ،علي فكره التراويح الرسول عليه الصلاه والسلام كان بيصليها في بيته مع اهل بيته وفرصه ان الصلاه جماعه في البيت نصليها كلنا ،بس نصلي يا فالح.
هادي ضحك
الكل نصليها مع بعض يا جدو .
نبيل ابتسم لاحفاده وابناءه :ان شاء الله يا حبايبي.
السهر خلصت وكل واحد طلع شقته يحمل افكار ولكن الاغلب انهم فارحين انهم مع بعض عزوه وسند .
لكن يبقى ادم يريد ان يعرف اخبار هدير ايه بعد كلامه معاها وخصوصا انها تجنبت ان تنظر له طول السهره حتى انه كان يوجه لها كلام كانت ترد عليه بكلمه او اثنين تفي الغرض .
ادم كان هيتصل لكن غير رائيه وقرر ان يبعت لها رساله
رساله ادم
هدير طبعا انا هعدي ليكي التجاهل الي حضرتك مص*ره ليه النهارده علشان تعبانه لكن انا مراتي اكلمها ترد وتبقى في غايه الانتباه كمان بس على العموم انت حبيبي وتعبان كمان تدلع برحتك بس هقولك يا دودو وفكري في حال المسكين الي هيموت عليكي واعرفي انك هتوافقي هتوافقي مفيش عندك اختيار تاني لان انت عارفه حبيبك انا مش غريب وعارفه جناني والله هنزل اقعد نحت الشباك ومش هنيم العائله كلها انا بقول اهو فكري وعايز الرد .
طلع ادم لهادي الروف هما متفقين علي سهره بلاي سيتشن بس دخل شقته الاول ليجمع نفسه ويكلم هدير علشان مش هيعرف يتكلم طبعا قدام هادي وبعت الرساله اما غير رئيه .
هدير مسكه الموبيل وبتضحك على رساله ادم و دخل ماجد يطمن عليها شافها بتضحك وهي ماسكه الموبيل ابتسم لان حس ان سبب ضحكها ادم .
ماجد :حبيبي الصغير ربنا ما يحرمني من ضحكته .
هدير رفعت عينها و ب**وف واضح علي وجهها في الاخر ده باباها .
هدير :بابا ايوه حبيبي .
ماجد كان الاب الهادي والصديق .
ماجد :على فكره انا موافق انك تطلعي عينه مش ابن اخويا بس طلعى عينه .
هدير ببتسامه :ده رايك يا بوب .
ماجد :بصي الخبره بتقول الي بيجي سهل بيروح سهل والي بيجي صعب عمره ما يروح .
خليه يحس بقيمتك .
هدير باست خده وانا معاك وهطلع عينه .
خرج ماجد من الاوضه وهو بيضحك ودخل عند ميار ،كانت ماسكه الموبيل .
ماجد اخد الموبيل منها وحطه على الكمودينو ماجد :عارفه الواد ادم صحى جوه الواحد مشاعر قديمه وذكريات حلوه فاكره عذبتيني ازاي .؟
ميار حطت دماغها على ص*ره
ميار :طبعا ولسه كنت بحكي لهدير ازاي اتعرفنا وعملت ايه معاك .
ماجد :انا عايزك خطوه بخطوه معاها مش مراقبه نصيحه فاهمني.
ميار :ايوه وانا بعمل كده متقلقش .
في شقه هاله وعمر ولاول مره محمد يبقى مش عايز يذاكر ودماغه انه غلط وانه تعدى باباه .
مسك التليفون وقرر يكلمه .
عمر بنعاس :ايوه يا محمد .
محمد :بابا معلش صحيتك .
عمر بيفوق نفسه :لا با حبيبي مفيش مشكله ايوه .
محمد :بابا انا هقولك انا عملت ايه بس علشان خطري ما تزعلش مني .
عمر بانتباه : ايوه عملت ايه ؟
محمد حكي لعمر كل الي حصل ورأي جده وانا عارف انه غلط بس مش عارف يعمل ايه .
عمر سمع بهدوء ابنه لغايه الاخر .
عمر :خلصت كده ؟
محمد ب**وف :ايوه يا بابا .
عمر:طبعا انا مقدر انك عارف انك غلطان ومقدر ان المشاعر ممكن الواحد ما يتحمكش فيها بس الي هقوله لازم يبقى حلقه في ودنك
الراجل الي يقدر يمسك نفسه يوزن الامور هو يتحكم في عاطفته مش العاطفه الي تتحكم فيه الي حصل حصل وجدك عنده حق والبنت غير الولد وجايز انت تكون السبب في لخبطه ديما في المذاكره الكلام لازم يقف عند كده ومفيش اي تطور تاني لازم تعرف تسيطر على عواطفك مش عايز زعل باي طريقه تحاول تصلح التوقيت الغلط للكلام لان العاطفه مش غلط وسبق قلت لك ده لكن الوقت غلط صلح وقولي النتيجه.
محمد :حاضر يا بابا وانا اسف .
عمر : واهم حاجه مستقبلك ومستقبلها حطوا رجيلكم في الكليه وانا هروح بنفسي لمهند اخطبها ليك .
محمد :خلاص يا بابا ربنا يخليك ليه .
اقتباس من الجزء القادم
ميار :هعمل الفطار ودخلت.
هادي :مسك ريموت وبيقلب ،اخبار الكورونا ايه .
ادم بيقعد بيسبل بعنيه :الكورونا عسل وقمر .
هادي :عسل وقمر اقعد يلا .
هدير :ههههههه.
- Writer
