يوميات الكورونا

الجزء التاسع عشر حب و وجع

يوميات الكورونا

الجزءالتاسع عشر

في الجزء السابق بدا بقلق نبيل على احفاده خصوصا محمد وديما لصغر سنهم وتفكيرهم في الحب في هذا الوقت الخطر في تموين مستقبلهم ،وقلقه ايضا على الخلافات التي ممكن ان تحدث بين ابناءه نتيجه هذه الارتباطات ،ولكن طمأنته سناء ان تربيه ابناءها على الحب والتفاهم وانه بأذن الله لن يحدث خلافات وتذكروا معا اول مره يعترف نبيل بالحب لسناء .

وفي بيت عمر وهاله نجد ان هاله في غايه الخوف على عمر لكن وجود ابناءها طلعوها من هذا الخوف .

وادم مازال يحاول التقرب من هدير وتوقفنا علي مكالمه عمر لمحمد يطلب منه ان يركز في المذاكره ويؤجل طلبه لديما حتى تنتهى الامتحانات ولاحظ محمد ان والده مريض وطلب منه ان يستشير دكتور وعمر قال له انه هيدخل للدكتور ولكن عليه ان لا يخبر هاله بمرض عمر .

في شقه ماجد ،

هادي بياكل معاه ادم وميار وهدير .

هادي :جدك عايز ينفخنا ،تلقيه هيقول نحفر بير ونطلع بترول .

ادم بضحك :يعملها سياده اللواء علي فكره .

ميار :خليكوا تشتغلوا بدل القاعده ديه .

هادي :بس يا ماما ديه اشغال شاقه .

ادم بسرحان في هدير :ده جدو عسل هو يؤمر بس .

هدير ببتسامه :طيب انزلوا علشان جدو بينادي عليكوا من الجنينه .

الاثنين بيجروا

ادم :جدك هيتسلي علينا ،يا بختك يا محمد الثانويه العامه انقذته .

هادي :ابن المحظوظه .

ميار :هقول لعمتكوا ،

ادم وهادي نزلوا خلاص وميار وبتلف لهدير الي شكلها مرهق .

ميار :ادخلي نامي وهجيب الدوا .

هدير :طيب استني شويه يا ماما مش عايزه انام دلوقتي والدوا بنام منه هبص علي جدو بيعمل ايه في الولاد .

ميار :جدو ولا ادم ؟

هدير :الاثنين بحب اسوف جدو بيطلب منهم ايه .

ميار :طيب ايه الواد بيموت .

هدير : مش قلتي التقل صنعه وان لازم اكون صعبه واني اعذبه شويه .

ميار :الصراحه هو بيفكر بره الصندوق ويعلنها قدام الكل ومش خايف المهم يوصل ليكي .

هدير :الصراحه انا مش مصدقه لغايه دلوقتي الي بيعمله ،وانه ولا همه جدو ولا بابا

ميار :ماجد هيموت منه والأكثر انه حاسس بمساعده عمو نبيل ليه وخايف علي بنوته او يمكن مش عايز يسيب بنته .

هدير :ماجد ده الحب الاول انا بموت فيه .

ميار :ما انا عارفه انك ضرتي .

هدير واقفت وراحت في اتجاه البلكونه علشان تشوف هيحصل ايه تحت .

في الجنينه واقف نبيل وبيوصل حاجات كهربا

هادي :ايوه احنا جنا .

ادم :اومر اللورد ؟

نبيل بضحك :لورد غصب عن عينك يا ولد .،بصوا احنا هنجهز الجنينه علشان رمضان عايز اجيب الشاشه احطها هنا ،وتربيزه كبيره بالكراسي ،جبوها من الجراچ،وكمان نفرد الخيمه ديه ونحط فيها طقم الجنينه .

ادم :لسه بدري ،وبعدين الشاشه هتبوظ من الرطوبه .

نبيل :مش بدري ،والشاشه هنطلعها عند الفطار وندخلها بليل .

هادي:ايه الشغلانه ديه .

نبيل :يلا يا وحوش .

ادم :يا جدو احنا مش كتيبه معاك في الجيش احنا يدوبك اتنين بص وبيشاور علي هادي وعلي نفسه عد ،واحد اتنين .

نبيل :عارف مممم فاكر حلو يا عسل صح ؟

ادم بضحك :خلاص بقه يا جدو .

هادي :طيب هو الي قال انا زنبي ايه ؟

نبيل :مش كنت قاعد جنبه ومركب الاريل ؟

هادي :مش انت الي قلت اركبه.

نبيل :مش عليه يا روح بابا انت وهو يلا .

ادم وهادي ابتدوا الشغل وهما بينفخوا .

وكانت هدير بتضحك عليهم من البلكونه .

نبيل بيغمز ليها .

علي الجانب الاخر ،ركن المذاكره

محمد :والنبي ركزي يا ديما يعني مفهمتيش من المدرس واليوتيوب وانا شرحتها خمسين مره ،ايه الغباء المترصد ده.

ديما :غباء ايه انا بس منمتش كويس ومش بعرف اركز وانا مش نايمه .

محمد:ومنمتيش ليه ؟

ديما بتبص عليه بتعجب وسكتت .

محمد بضحكه صافيه :يا سلام كنت بتفكري فيه ،انا مش موافق انك تتعبي نفسك علشان تفكري فيه ،نتفق اتفاق ،انا وانت مش هنتكلم في موضوعنا تاني غير بعد الامتحانات ،ها موافقه ،علشان مستقبلنا اهم وانا عايزك معايا في الكليه فمش عايز سرحان .

ديما :حلو اتفقنا ريحتني .

محمد :طيب متيحي نشوف جدو والولاد بيعملوا ايه ونرجع نذاكر راحه نص ساعه .

ديما قامت هي ومحمد في اتجاه نبيل والولاد.

محمد :خلي عنه يا رجاله .

هادي :وحياه امك الي هي عمتي ما ناقصك .

ادم:طيب تعالي خد احفر للخيمه .

نبيل :لا يتعور علشان المذاكره .

هادي :ده ظلم ده .

ديما بتسمع اغنيه ووحطه السماعات .

محمد :بتسمعي ايه .

ديما :مهرجان فظيع .

ادم :وصلي تليفونك بالبلوتوث خلينا نهيص .

ديما وصلت تليفونها وشغلت الاغنيه من الاول

https://youtu.be/9HbgGc7YBqo

(شفتك قمر طالع..وأحمر خدود فاقع

عود البنات عالى..شقلب لى انا حالى

يرخص ليك الغالى..يالى سحرتنى)

الاغنيه اشتغلت والولاد رقصوا مع ديما وهدير واقفه في البلكون بترقص ودليله ومي نزلوا معاهم يرقصوا ، ومسكت دليله ايد جدها والكل كان بيضحك وفرحان .

حتي سناء وقفه مسكه ايد ديما بترقصها .

وادم بيشاور علي هدير كأنه بيغني الاغنيه ديه ليها .

وبصوت عالي

(محبش غير هيا..وعايزها تعيش ليا

يا شاغلة افكارى..حسى با بناري )

هدير بتضحك علي ادم الي صوته عالي والكل بيضحك عليه ومندمج في الاغنيه الي غيرت مود البيت وخلت فيه فرحه وكأن في فرح في البيت .

هادي ماسك المقشه ونازل رقص ومي ودليله كمان الكل بيرقص .

ميار طلعت مع هدير البلكونه.

ميار :والله انت مجانين .،و ادم ده خلاص فلتت منه .

هدير بضحك:شوفتي بيعمل ايه والله عسل .

ميار :مممم عسل طيب ما تريحيه .

هدير :لا لسه

نبيل وسناء سعداء بفرحه احفادهم ونبيل بيدعي انها تدوم .

هاله بتبص عليهم من بلكونتها وبتضحك عليهم وتليفونها رن

راحت ترد عليه .

هاله :ايوه يا عمر .

شخص :انا دكتور احمد زميل دكتور عمر ،هو دكتور عمر للاسف اصيب بالكورونا ،ونتيجه التحليل طلعت ايجابيه ،وهو قالي اقول لحضرتك.

هاله :انتوا متاكدين؟

دكتور احمد :طبعا يا فندم ودكتور عمر قالي اقول لحضرتك انكم كلكم تاخدوا بالكوا واي حد ظهرت عليه الاعراض لازم يتصل ،وبيقولك بنت اخو حضرتك لازم تعيد المسحه من تاني لان كده ممكن تكون عندها والمسحه غلط وممكن كمان تكون اتعديت منه شخصيا لانها مناعتها ضعيفه .

هاله بتسمع وابتديت تركز .

هاله :طيب هو فين مش بيكلمني ليه ،يعني هتاخد منه التليفون عمر فين اتكلم ؟

دكتور احمد :لا هو اداني التليفون علشان هو بيعملوا ليه تحاليل تانيه واشعه على الص*ر وخايف عليكوا وهيكلمكوا لما يخلص .

هاله :طيب هو كويس طمني سخن عنده كحه جامده طيب نفسه عامل ايه ارجوك طمني .

دكتور احمد :يا مدام هاله عمر الحمد لله لحق نفسه في الاول ما عندوش اعراض غير الكحه ومش سخن والنفس كويس وهو اما يخلص هيكلمك بنفسه .

هاله :طيب لو اتاخر انا هتكلم خلي معاك التليفون وانا هنبه العائله .

هاله المكالمه خلصت واقفه مكانها و دموعها نازله بدون توقف وسامعه صدي الاغنيه وان العائله مبسوطه ومش عارفه تعمل ايه ، راحت تبص على صوره زفافها هي وعمر وبتكلم عمر في الصوره

هاله :عمر اجمد كده اوعى تسبني اوعى تتعب قلبى عليك انت عارف انك الهوا الي بتنفسه و ولادك مش هيعرفوا يعملوا حاجه من غيرك يا رب قدره وقويه واحفظه ويشفيه ويعافيه ويرده لينا سالم غانم يا رحمان يا رحيم .

مسحت هاله دموعها و مسكت تليفونها وكلمت باباها .

هاله :بابا ممكن تطلع ليا من غير ما حد .ياخد باله .

نبيل بخضه : ثواني حبيبتي .

طلع نبيل علي طول لابنته كان صوتها واضح انها معيطه وان في مصيبه .

هاله فتحت الباب واول ما شافت باباها ارتمت في حضنه ودموعها نازله ،وصوت عياطها بيوجع القلب .

نبيل :في ايه قولي من غير عياط يا هاله ،افهم وبعدين عيطي .

هاله بتمسح دموعها وبصوت باكي

هاله :عمر اتصاب بالكورونا يا بابا الي كنت خايفه منه حصل وأتأكد خلاص وعايزنا نعمل لينا حجر في البيت .

نبيل :ان شاء الله يقوم بالسلامه ،اهدي علشان ولادك لازم تبقى اقوي من كده .

هاله :وكمان عايز نعيد المسحه لهدير .

نبيل :ليه ؟

هاله :مش عارفه بيقول ممكن تكون المسحه غل او هي اتعديت لانه كلن معاهاوهي مناعتها ضعيفه .

نبيل :سكت خالص ،انت لازم تهدي ودلوقتي ننزل ونعمل اجتماع ولو علي العزل احنا في عزل مفيش بيخرج غير مهند وماجد

وانا هكلمهم يرجعوا علشان يكونوا موجودين في الاجتماع

وبالنسبه لهدير انا شايفها بتتحسن وربنا يستر عليها ،سامع الاغنيه وضحك الاحفاد ،خليهم بتبسطوا شويه ادخلي اغسلي وشك وانا هكلم اخواتك .

في الجنينه وادم عمال يرقص وقف تحت بلكونه هدير ومسك تليفونه

ادم :ها يا فرولة الحته يا بونبنتي

هدير بضحك :انت بتغنيها في التليفون ما انت كنت واقف بتمثلها وتغنيها كمان .

ادم :انا كنت نازل هشغلك اغنيه لشرين بس الاغنيه ديه اشد الصراحه تحسي انه بيوصفني .

هدير :والنبي .

ادم :وحياتك يا قمر ،انت قاعده فوق ليه انزلي اقعدي معانا .

هدير :الدوا مهمدني خالص كل ما افوق انام تاني حاجه فله .

ادم :طيب يا فله انزلي خلي الجنينه ازهارها تفتح .

هدير :هههه معلش يا ادم حساك مش شاعر خالص.

ادم :انا مش شاعر بس اتعلم علشانك يا قمر .

وبعدين الحب يخليني اقولك يا فروله الي حسه بيكي يخليني احب كل الي بتحبيه و اكره كل الي تكرهيه عرفه يا دودو انا ببقى مجهز كلام كتير جدا لكن اول ما اشوف عينك الحلوه دي ما اعرفش ايه الي بيحصلي ونفسي افهم حتى تركيزي بيروح مني كل الي عارفه اني بحبك .

هدير ساكته مستمتعه بكلامه الي لمس قلبها .

وادم بيكمل كلامه علشان يوصل احساسه لهدير الي اخيرا بتسمعه .

ادم :كل الي عشته مختلف عن الي عايشه دلوقتي افكاري مشاعري جديده معرفتهاش قبل كده انا حاسس وانا بكلمك اني طاير كأني نسمه خفيفه عايزه توصل عند وشك تطبطب عليه مش عايز اقول تبوسه علشان ما ينفعش دلوقتي ،نبض قلبي عالي حاسس انه كل الناس سمعاه كل دقه بتقول هدير دودو فروله هههه دودو انت بقيت الحياه الي اتمنى اعيشها .

هدير ببتسامه من كم كلمات الحب واقفه وشايفه ادم عينه عليها قفلت السكه وخبت وشها من ال**وف وشاورت ليه بايدها ودخلت شقتها .

دخلت وهي سرحانه في كلام ادم .

ميار كانت قاعده شافت هدير داخله وسها احمر جدا .

ميار :مش هسال طبعا التليفون ده من ادم .

هدير بتهوي وشها حسه بسخونه طالعه منه .

ميار :الواد استوي على الاخر .

هدير :والله يا ماما مش عارفه ارد انا مش مصدقه .

ميار :وهستني كتير علي حالات ديه ؟

هدير :مش عارفه حاجه ممكن تسيبني اخد وقتي .

ميار :معاكي كل الوقت بس مش كتير علشان

ادم ممكن يزهق .

هدير :ما اظنش

ونجد اسفل البلكونه ادم مبتسم ان هدير سمعته وحاسس انها بدأت تلين .

وكانت عين هادي عليه وعلي اخته .

هادي :ها ايه الاخبار ؟

ادم بهيام :كويسه الاخبار فل وهتبقى اجمل ان شاء الله .

هادي :طيب استمر واطرق الحديد وهو ساخن .

ادم :ده تكتيك يا اهبل مواضيع الحب والجواز لازم تتاخد على نار هاديه مش انا اصغر منك بس انا خبرتي اكبر .

هادي :ماشي يا خبره قول كده لغايه ما انزل الاريل واستخدم سلطتي كأخ كبير واقطع العلاقات خليك مؤدب معايا واشتريني .

ادم بضحك بيغني اغنيه ورده .

اشتروني اشتروني هههههه.

هادي جري وراه ،وهما بيضحكوا ودما قفلت الاغنيه واتجهت هي ومحمد لركن المذاكره مره تانيه بعد الشحن الي تم .

اقتباس من الجزء القادم

علي نزلت نبيل وهاله بعد ما هاله هديت نبيل شاف فريال وولدها وانهم قاعدوا.،قال في نفسه يا نهار اسود يا عيني هاربانين من الكورونا هناك جاين ياخدوها هنا .

هاله :بابا دول قاعدوا وشكلهم باقلهم فتره .

نبيل :خلاص مش عايز ولا كلمه الي حصل حصل هيتحبسوا معانا وربنا يستر .

نبيل :حمد لله علي السلامه .