البارت الرابع
2034 Words
يوميات الكورونا
البارت الرابع
بعد السهره العائليه الجميله كل طلع لشقته حتى ينام ،إلا هاله فكيف ينام القلب والفكر مشغول علي حبيب عمرها والقلق مسيطر عليها .
جلست في جنينه الفيلا تحمل الهم وقلبها يحترق خوفا على حبيبها عمر ،فبعد السهره طلعت مع ابناءها الي شقتها وفتحت التليفزيون لتشاهد الاخبار كانت الاخبار مقلقه جدا وخصوصا ناحيه الكادر الطبي علي مستوى العالم بيموت كتير قفلت التليفزيون ونزلت الجنينة حتى لا تبين مشاعرها وخوفها امام ابناءها .
علي الفجر قاعده هاله مسكه المصحف بتقرا فيه كما تعودت منذ الصغر انها تقراء القران ليطمئن قلبها . وجدت باباها ومامتها متوجهين عليها بعد ما ناموا شويه .
نبيل بحنيه بيبوس دماغ هاله .
نبيل :ايه الي مصحيكي يا حبيبتي ؟
هاله : قلقانه ومش عندي نوم
نبيل :قلقانه على عمر ؟
هاله :انا خايفه علي عمر قوي .
سناء : مسكت ايدها وضغطته عليه متخافيش يا هاله ربنا معاه ومع كل الدكاتره وبعدين ما انت في ايدك كلام ربنا ولسه خايفه ؟.
نبيل :انتوا عارفين الحاجه الوحيده الي مفرحاني من موضوع الكورونا ايه ؟
سناء:هو في حاجه تفرح فيه اصلا يا بلبل !!.
نبيل :لا فيه، بصي لنص الكوباية المملوء لو شوفتي الكل بيص علي الدكاتره والعلماء دلوقتي ازاي ،وشايفنهم هما المنقذين ،والقدوه ،و نسيوا الق*ف بتاع اليومين دول .
هاله :يعني ايه يا بابا .
نبيل :الولاد بتوع اليومين دول كان بيقولوا نذاكر ونتعب ليه ما في ناس معاهم فلوس ومشهورين من غير تعليم ولابسين اخر موديلات وبيغيروا عربياتهم وفي الي عنده اكتر من عربيه فيقول اتعب ليه ، كده هيحسوا بأهميت العلم والعلماء .
سناء :تفتكر يا نبيل ان دماغ ولاد اليومين دول فيها علم.
هاله :علي فكره هدف الولاد الفلوس ده مش غلط ،المهم منين وازاي الوسيله .
نبيل :صح هما لقوا ان المش متعلمين والذوق السيئ بيجيب فلوس لازم يفكروا كده لانها فلوس من غير تعب من غير وجع دماغ .
سناء :فعلا من غير مجهود بقوا معاهم فلوس لازم دماغهم تفكر في كده .
نبيل :علشان كده الكورنا ديه جعلت الكل متساوي بس خلت العلم المرتبه الاولي ،الكل قاعد في البيت منتظر حل من العلماء علشان تر جع الحياه مره تانيه .
هاله : يا ريت الحياه ترجع يا خوفي يا بابا ان الي جي يكون اسوء .
نبيل :تفائلي وارمي حمولك على الله احنا كل حمولنا على الله مش بيدنا حاجه نحاول والى ربنا عايزه هيتم .
سناء :قومي يا هاله اطمني علي جوزك شوفيه هيرجع البيت امتي ده احنا نمنا وصحنا اهو وهو يا حبت عيني لسه مجاش .
هاله :مش بيرد عليا يا ماما انا سيبه له رساله يطمني عليه و يقولي اخباره .
نبيل :قومي صلي الفجر يا حبيبتي ونامي شويه علشان لما يرجع تبقي فايقه له يلا يا حبيبتي .
هاله :حاضر يا بابا .
قامت هاله طلعت شقتها .
سناء :شايف بنتك حنينه ازاي هتموت علي جوزها .
نبيل بغمزه :طالعه لامها ،فاكره لما كنتي تستني لما ارجع من النبطشيات والقلق .؟
فلاش باك
نبيل راجع من الكتيبه متأخر ووجد سناء قاعده ولفه نفسها بالبطانيه مستغرقه في النوم بالوضع ده فهو كان يوم بارد من ايام الشتاء القارس .
نبيل حمد الله علو الزوجه الحنينه والي بتخاف عليه .
نبيل :اصحي يا نؤه اصحي يا حبيبي وبيبوس دماغها .
سناء :حمد لله على السلامه .
نبيل :انت ايه الي خلاكي تنامي في الصقعه هنا ؟
سناء بتمسح وشها :قلقت عليك قلت استناك .
نبيل : جوه في الدفا لكن هنا برد يا حبيبي وبعدين تنامي وانا اصحيكي وانت عارفه اني مليش مواعيد .
يقعد نبيل جانب سناء ويحوطها.
سناء بتنام قي حضنه :انت فاكر اني بعرف انام وانا بعيد عن حضنك الايام الي انت نبطشيه مش بعرف انام تقريبا بيغمى عليا مش نوم باخد مهند في حضني واشم فيه ريحتك وانام .
نبيل ويقومها ويلف عليها البطانيه .
نبيل :في الحاله ديه يلا علشان اعوضك عن قله نومك وعلى فكره قله نومي انا كمان راحتى مش بلاقيها غير جنبك يا حبيبت القلب .
عوده للواقع
سناء بضحكه لذكريات الماضي وبترد على نبيل .
سناء :طبعا فاكره ديه كانت ايام .
نبيل قام :طيب قومي معايا افكرك بالايام ديه ،قبل الشغل بتاع النهارده بيشدها قومي .
سناء بضحك :قايمه اهو ،عيب عليك ده انت جد دلوقتي ،وانت كل شويه ت**فني قدام الولاد .
نبيل :ا**فك ايه خليهم يتعلموا الحب الصح وحبيبتي انت كمان كنتي بدلعيني قدمهم صح وموضوع جد ديه مسميات المهم القلب .وخلينا ندلع شويه .
سناء بتبوس ايده الي محوطها .
سناء :انت مفيش حد غيرك لازم يتهني ويدلع .
نبيل :طيب يا قطتي الدلع ده رده هيكون جوه هههههه
في صباح يوم جديد على عائله الصفواني
في شقه مهند ولبنه
لبنه :قوم يا مهند علشان الشغل يا حبيبي .
مهند :قايم هقوم اخد شاور واصلي واعملي فطار .
لبنه :انزل افطر عند طنط سناء علشان عايزه انام .
مهند وبيرفع حاجبه :همممم انزل عند حماتك واقولها مراتي منزلاني من غير فطار ،اسيب اللواء نبيل والحجه سناء يتفهموا معاكي انا مليش فيه انا عندي اب وام يجيبوا حقي .
لبنه قامت نط من علي السرير ،وتمسح عينها من اثار النوم
لبنه :خلاص يا بيبي احلي فطار لاحلي مهند بس ابعدني عن سياده اللوا وحرمه ،اه دول ناس جامدين قوي عليا ،وخرجت تعمل الفطار.
مهند :ستات تخاف ،ربنا يخليك ليه يا سياده اللوا ويا سناء يا حبيبتي .
في شقه ماجد
نقاش بين هادي وماجد هادي صاحي بدري علشان يحاول يقنع والده انه يكلم جده انه يسمح بالخروج.
رد ماجد كان قاطع
ماجد :انت ظبط مع جدك ،انا مليش دخل ،وبعدين تخرج وتعيا ،خليك في البيت احسن .
هادي :يعني انت بتخرج ليه يا بابا .؟
ماجد :علشان الشغل الي بيجيب الاكل يا بيه وبعدين شكلنا هنقعد احنا كمان وهنشتغل من البيت .
لولا الشغل كده كنت خلتني في البيت ، يا بيه انا نازل يا ميار ،انا تعبت منكم .
ميار :ترجع بالسلام وتغير اتجاه عينها لابنها يعنى بابا يعملك ايه وانت عارف جدك مش ممكن يغير رأيه ،وعلى فكره ده الصح .
هادي بنرفزه :صح صح انا زهقت من البيت يوم واحد وحاسس انه سنه .
ميار :ادخل نام شويه يا هادي ولا شوف الجامعه في محاضرات اون لاين .
هادي مشي من قدام مامته وهو بيقول كلام مش مفهوم بس واضح انه كله غضب .
ميار بضحك على ابنها : يا سلام يا عمى على احلى قرار .
عند باب الجنينه واقف عمر بالعربيه بتاعته بيرش علي نفسه كحول .
عمر لنفسه ولا حتى التعقيم كده نافع انا لازم كنت قعدت في المستشفى احسن انا ايه الي رجعني بس ، راجع ومعايا فيرس ممكن يعدي الكل .
بيرد على نفسه ..بس انا كويس معقم كويس ومراعي الاحتياطات كلها .
طيب هتنام جنب هاله ما انت عارف انك ممكن تكون اتعديت بس مش باين عليك .
عمر خد القرار و داس على كلا** العربيه .
عم عطيه بيفتح الباب لعربيه الدكتور عمر
عمر :عم عطيه اطلع عند شقتي وهاتلي هدوم واكياس فاضيه وزجاج خل و كحول و كلور وقول لهاله اني هعقد في الملحق .
طلع عم عطيه لهاله واخبرها بطلبات زوجها الدكتور عمر
هاله دخلت الشقه وجهزت الحاجه واعطت عم عطيه الحاجه .
عم عطيه نزل بالحاجه معاه هاله .
هاله :ايه كل الحاجات الي انت طلبتها يا عمر كل ده هتعمل به ايه ؟.
عمر :انا هعقد في الملحق الي في الجنينه ،وانا هعمل كل حاجه لنفسي وابعدوا عني احسن اكون حامل للمرض .
هاله : بعيون كلها خوف بعد الشر يا عمر ليه كده ؟.
عمر :النهارده ظهر الحاله علي ممرضه ومسعف ،يعني الي بيتعامل مع المرضي ،انا جيت اريح واشفوكم من بعيد لبعيد وانا بلوم نفسي اني رجعت من المستشفى .
هاله بدموع :يا رب ينجيك يا عمر متوجعش قلبي عليك يا حبيبي وتلوم نفسك يا عمر ليه؟
عمر اخد الحاجه ودخل الملحق و وقف قدام هاله .من بعيد
عمر :على عيني يا حبيبي ان اسيب عليكي الحمل في الايام ديه على عيني يا لولوه اني ما اخدكيش في حضني .
هاله بتمسح دموعه ولقت عمر بيقفل الباب عليه.
نبيل طالع يخبط علي شقق اولاده
عند شقه مهند
نبيل وهو بيض*ب الجرس بأستمرار :اصحوا يا ولاد .
لبنه فتحت :ازيك يا عمو احنا صاحين من بدري من ساعه مهند ما نزل الشغل .
نبيل : ازيك يا لبنه طيب كويس بس فين الولاد ؟
لبنه :ادم نايم الصبح تقريبا بيلعب بلاي ستشين ودليله نايمه كمان ،ديما صاحيه بتذاكر .
نبيل :با سلام مش في جامعه ومذاكره .
لبنه :في يا عمي .
نبيل :هو مش ادم عنده دروس اون لاين ؟
لبنه :هو كان بيحضر العاديه لما بحضر الاون لاين با عمي .
نبيل :ما شاء الله وانت سيباه ما يحضرش وابوه فين مهند باشا فين ،مش بيراقب ابنه معاكي ليه ؟
لبنه :في شغله يا عمي وبيرجع متاخر زي ما حضرتك عارف .
نبيل :هممم ودليله ؟
لبنه :هي قالت اصحيها علي ١٢عندها محاضره .
نبيل : طيب خلي ادم بيه عليه لبنه عندك كوبايه مايه ساقعه يا ابنتي؟
لبنه :مفيش يا عمو بس ممكن احطلك تلج .
نبيل :ماشي يا ابنتي .
دخلت لبنه وجابت مياه كوبايه مياه ساقعه .
لبنه. :حضرتك مش هتشرب .
نبيل لم يرد علي لبنه
اخدها ودخل في اتجاه اوضه ادم .
فتح نور الاوضه .
نبيل :اصحي يا ادم بحزم وصوت جامد .
ادم :وبعدين بقه يا ماما وبصوت عالي انا قلت محدش يدخل عليا انا هصحي لوحدي .
نبيل :انا جدو يا ولد ،قوم .
ادم :بعدين يا جدو وبيغطي نفسه .
نبيل :بعدين طيب يا حبيبي ومسك كوبايه المياه بتلج دلقها عليه .
ادم قام ناطت :ده كلام يا جدو؟ بيشيل الثلج وبيمسح وجهه.
نبيل :ده اول الكلام صوتك العالي ده مش عايز اسمعه كلم امك بأحترام علشان انت متعرفش الوش التاني بتاع جدك .
ادم بيمسح وشه :بكلمها كويس هي اشتكت ؟.
نبيل :هشوف الموضوع ده بس طريقتك في الرد عليا وانا بصحيك بتقول ع** ده وكمان صوتك العالي بيوصل تحت وبسمع ردك على امك ازاي عالي واسلوبك الزفت في الكلام معاها وبعدين لبنه ما اشتكتش لانها ام بتسامح ،وانت لازم تاخد بالك فاهم .
نص ساعه تاخد شاور وتفطر وتنزل عقبال ما اطلع للفالح التاني ،وانا مش بكرر كلامي ،وانت عارف .
خرج نبيل وادم قاعد علي السرير ،وبيكلم نفسه .
ادم :قال بيقولوا اعز من الولد ولد الولد ،يجيوا يشفوا الجدود دلوقتي ،بياكلوا احفادهم .
لبنه واقفه عند باب اوضه ادم وبتضحك عليه و مبسوطه من الدش الي خده من جده .
ادم :انت ام انت سايبه عليا سياده اللواء مش تحمي ابنك من انياب الاسد .
لبنه :ومين يقدر علي جدك وبعدين ده انا فرحانه عرف يصحيك وشكله يربيك من اول وجديد اصلي دلعتك .
ادم :قام وقف ورايح في اتجاه الحمام حضري الفطار يا لبنه بدل ما الحج نبيل يطلع يطخني بالنار عيارين ويدفني في الجنينة عادي .
عقبال ما اخد شاور .
لبنه بضحك :ولد قليل الادب لبنه حاف كده .
ادم : ايوه يا لبنه وسيبني في الي انا فيه .
لبنه بضحك ههههههه :تفطر ايه ؟
ادم :حاجه تقوت البدن علشان شغل جدو .
لبنه ماشيه بتضحك على ابنها .
نبيل قال لي لبنه انها تصحي دليله كمان .
لبنه دخلت تصحي دليله .
لبنه :قومي يا دولي جدو عايزك .
دليله بتفتح عينها :ايه ده الدور على البنات ولا ايه .
لبنه :هو دخل صحى ادم وكلمني ان اصحيكي ..وانت عارفه البنات خط احمر وجدك مين الي يعمل حاجه فيكوا البنات عنده في مكانه تانيه يلا قومي .
دليله :هقوم حاضر .
نبيل طلع عند بيت ماجد بس لقى هادي وهدير بيفطروا قالهم انه عايزهم تحت .
طلع عند هاله لقى مي ومحمد صاحين بس القلق واضح عليهم .
نبيل :مالكم في ايه ؟
محمد :بابا وصل وعايز يقعد في الملحق لوحده بعت عم عطيه ياخد حاجات ليه وماما نزلت له .
مي بدموع :يعني بابا يتعذب كده علشان دكتور؟
نبيل :بابا بطل في مكانه لكل زمن ابطاله احنا زمان كان ابطال ابطال الحرب والجيش لكن الزمن ده زمن العلم والعلماء وعلى راسهم الدكاتره في الايام ديه وانتوا لازم تفتخروا به .
مي :انا مش عايزه بطل انا عايزه بابا يا جدو واترمت في حضنه .
نبيل :ويطبطب عليها مي انت دايما عاقله ادعي دايما انه يبعد عنه اي ازى وانا طول عمري بحترم ابوكي ودلوقتي علي في نظري اكتر وسعيد ان جوز بنتي بالاخلاق ديه ،اهدوا كده وحاولوا تنزلوا عندي شويه اكيد عمر مش يحب انكوا تنكدوا على نفسكوا تفائلوا بالخير يلا اهدي وتعالي ورايا .
اقتباس من البارت القادم
عمر من ورا الباب :هاله عايزك شجاعه دايما وقوي الولاد خصوصا مي مش عايز تحس اني بعيد ومحمد تبعيه اوعي يا هاله يحسوا باي اختلاف انا معاكوا وكويس الحمد لله بس انا كده بعمل لصالحكوا .
هل عمر اتعدي فعلا واغلق علي نفسه رد فعل البيت واهل البيت هنعرف البارت القادم
- Writer
