البارت الثالث
2357 Words
يوميات الكورونا
البارت الثالث
توقفنا عندما رجع نبيل بذاكرته الي سنين عدت عندما كان ينظر الي ادم فهو يحمل من ملامحه وطباعه الكثير ،وايضا اعجاب البنات به مع اختلاف ان نبيل قلبه كان بيعشق واحده لكن ادم علاقته كتير .
وتذكر يوم عودته في اول يوم من الكليه الحربيه وانه رجع على احلى خبر سمعه في حياته وهو اتفاق والدته منيره وصفيه ان اليوم هو يوم قراءه الفاتحه هو سناء .
احلى يوم في حياته بدايه ارتباطه بحبيبه قلبه وسناء ايضا لما علمت كأن هذا هو يوم ولادتها نعم هي تحبه وتشعر إنه يحبها لكن هو لم يعترف لها حتى الان .
جاء الليل وذهب نبيل مع والدته منيره و والده واخيه خليل الي بيت محبوبته وتم قراءه الفاتحه ولاول مره يجلس نبيل مع سناء وهو يستطيع ان يقول كل ما في قلبه كانوا يجلسون في التراس الذي يطل على شارع هادي في احدي احياء مصر القديمه .
نبيل عينه على سناء وهي في قمه خجلها .
نبيل :مب**ك .
سناء :الله يبارك فيك وعينها لم ترفعها من والارض .
نبيل :ممكن ترفعي عينك خليني امتع نفسي بيهم اخيرا مسموح اني ادقق فيهم من غير قلق وتوتر،رفعت سناء عينها العسلي له ،واكمل نبيل كلامه لو قلت لك اني مستني اللحظه ديه من قد ايه مش هتصدقي .
سناء :من امتى؟
نبيل :من اول يوم نزلتي تلعبي فيه بالضفاير ،عارفه انا مستني اليوم ليه ؟
سناء :ليه ؟
نبيل :علشان اقولك ان بحبك وان قلبي نبضه ليكي انت انت حبيبت عمري كله الي فات والي جي .
سناء نزلت بعينها وتلونت خدودها باللون الاحمر .
نبيل :ممكن اعرف نزلتي عينك ليه دول كاسات الحياه ليه عارفه اما العائله كانت تتجمع وعيننا نرفعها وتتلاقى كان نفسي الزمن يقف لكن انت على طول تبعديهم عني اوعي تبعدي عني عينك ووونفسي اسمعها منك يا سناء انا حاسس بيها بس نفسي اسمع منك انك عندك نفس مشاعري .
سناء مش عارفه ترد هي بتحب نبيل بل تعشقه لكن حياءها مانعها ان صوتها حتى يطلع .
ابتسم نبيل عندما شاهد ازدياد حمره وجها واكمل كلامه طيب ممكن حتى تهزي راسك اطمن انك قلبك انا موجود فيه زي ما قلبي انت موجوده وسكنه فيه وانت الي كل دقه بتطلع منه بتنادي باسمك سناء سناء .
هنا سناء حركت دماغها بقبول كلامه ،ورفعت عينها له .
نبيل :ااه يا قلبي وجه يمسك ايدها سحبتها .
سناء :نبيل ممكن علشان ربنا يبارك لينا ويتمم لينا على خير مفيش لمس غير بعد كتب الكتاب .
نبيل :بضحكه كبيره يعني اول ما تتكلمي تقولي المحظورات ماشي يا قلبي بس اعملي حسابك انا هجيب جواب الجواز من الكليه وفي اقرب وقت هكتب الكتاب ،وساعتها ملكيش حجه ولا تقدري تبعدي وتقولي م***ع اللمس .
سناء :بضحكه كلها **وف بس اصلا مفيش جواز غير بعد التخرج .
نبيل :انا بقول كتب الكتاب علشان الصراحه مش هقدر امنع نفسي كتير من قربك .
عوده للواقع
نبيل ببتسامه على وجه لتذكره هذه الذكري ،التي تمثل اجمل ذكرياته مع سناء وامنيه في قلبه ان يرتبط الاحفاد ببعضهم وان بنات عائلته لا يتزوجوا غير ابناء عائلته .
كما هو تزوج من عائلته .
لكن يجب ان يكونوا بيحبوا بعض والارتباط يكون بالقلب مثله .
في المطبخ تجتمع ستات وبنات العائله في عمل الطعام لافراد العائله وفرصه ان تتعلم البنات الطبخ وبدات سناء بتعليم المحشي مع اعتراض الكل ولكن باسلوبها الناعم و في نفس الوقت الحازم الكل يعمل .
علي ترابيزه المطبخ تجلس البنات يقومون بالحشو كما علمتهم جددتهم .
جاءت سناء من خلفهم
سناء :شاطرين يا بنات .
دليله :لو اعرف الي اخترع المحشي هولع فيه.
مي :لو عرفتيه قولي ليه عليه انا هشويه .
سناء :تعبتوا من الوقت الصغير ده مش انتوا الكلمه بتعتكوا ناناه بقت **وله مش بتعمل محشي ليه .؟
هدير:قطع ل**ن الي يجيب سرته في البيت تاني .
سناء :لا يا حبايبي انتوا تؤمروا وانا هعمل بس ناناه كبرت ومحتاجه مساعده وانا عندي احلي بنات في الكون ممكن يساعدوني وبالمره يتعلموا .
هاله :ربنا يخليكي يا ماما انا بعمل عندي صح يا مي ؟
مي :اه بتعملي يا ماما بس بتاع ناناه حكايه تانيه .
لبنه :وانا بعمله بس بتاع حضرتك غير ..عارفه مهند كل ما اعمله يقولي اه تسلم ايدك بس انزلي لماما خدي الطريقه.
سناء ميلت وباست خد لبنه .
سناء :حبيبت قلبي ده بيدلع عليكي انت اكلك زي الفل ،واحلى مني .
لبنه بعين كلها حب لحماتها التي لم تشعر انها حمي في يوم من الايام .
لبنه :ربنا يخليكي لينا يارب .
ميار :انا مش بعرف اعمله وقامت باست خد سناء انا باكله هنا من ايد ست الكل .
سناء :انتوا بناتي زي هاله وحبايب ولادي وامهات احفادي مكانتكم عندي كبيره .
(هنا نري علاقه الحمى بزوجات ابناءها كلها حب واحترام نجد انهم رغم وجودهم في بيت واحد لكن في خصوصيه لكل بيت سناء لا تدخل في حياتهم وجودها استشاري وامان وايضا نرى لبنه وميار بيحبوها ويحترموها هما بيتعاملوا معاها كأنها امهم وهذه المشاعر قللت حجم المشاكل الموجوده البيت .
في الجنينه
نبيل استخدم سلطته على احفاده وجعلهم ينظفوا الجنينه وزرعوا مناطق جديده وغيروا اماكن الجلوس ،وبعد الجنينه نزلوا الجراچ وقاموا بتنظيفه و اخراج الچنوط القديمه و رتبوا دولاب الورشه الي مليئه بالعدد وطلب نبيل منهم ان يصنفوا كل نوع على حدي وانواع الزيوت والتشحيم ومن ينظر لهم كأنهم عمال في ورشه ميكانيكا من الشحم الي في ايدهم و وجوهم .
هادي وادم نايمن علي النجيله بعد خروجهم من الجراچ .
ادم :جدو هيطلع شغل الجيش هيفتكر انه كان لوا جيش واحنا الكتيبه الي تحت ايديه ،انا لبسي باظ كله شحم .
هادي :شكلها كده جدو تحس انه بينتقم مننا كأن بينا تار بقولك المهم نهرب منه ازاي ؟
ادم :قوم بسرعه نطلع شققنا.
هادي :قام شاف جده موجود بجانبهم طيب بسرعه يا ادم قبل ما نلبس في شغل تاني ،
هادي وادم قاموا جري ونبيل كان قاصد انه يسيبهم يهربوا منه ،الجد والحنيه لسه موجوده،هو بس يريد ان يعلمهم الرجوله والاعتماد على نفس مش كل حاجه بالفلوس ممكن ان يعملوها فممكن ان يمروا بأزمه ماليه وما يقدر احد فيهم ان يجيب عمال فممكن ان يعتمد على نفسه ويعمل بيده .
معظم شباب اليومين دول نتيجه الترفيه و اللين في الحياه لا يستطيعوا العمل بيعتمدوا على العماله وهما واقفين لكن بطريقه نبيل جعلهم يتعلموا اشياء جديده .
رجع مهند وماجد من الشغل واقفين علي باب الفيلا وقفوا العربيات ،عم عطيه مثبتهم علي باب اومر نبيل .
مهند :بابا بصوت عالي جدا ،حرام كده موقفنا ليه .
جه نبيل وهو حاطت ايديه في جيبه .
نبيل:تجاوبوا علي الاسئله .
الاثنين افندم يا بابا بنرفزه .
مهند :بس بسرعه يا سياده اللواء .
نبيل : من غير نرفزه هتكبروا عليا ؟
مهند :ابدا يا بابا افندم
نبيل : انا شايف جاين من غير الجلافز والكمامه فين .
مهند بيهرش في شعره :قلعتها وانا قاعد في المكتب ونسيت البسهم .
ماجد :انا قلعتهم في العربيه .
نبيل :ادخل انت يا ماجد استني ،وشاور لعم عطيه كان واقف ببخاخه ورش ماجد كحول .
نبيل :انت استنى لسه عينه على مهند مدام حضرتك مستغني عن عمرك خاف علي عيالك ومراتك علي امك ومش هقولك انا بلاش انا .
مهند :يا بابا نسيت ،اكيد مش هضركم يعني .
نبيل :رد عليا ،قابلت حد بعد ما قلعت الكمامع والجلفز ؟
مهند :ايوه بس محدش دخل سلم عليا وكله كان علي الباب .
نبيل :عايزك تكون حريص اكتر من كده ،فاهم ؟
مهند :حاضر .
نبيل :عم عطيه ،عقمه .
الاحتياطات والتعقيم من نبيل ليست زياده بل هو المفروض.
في الجنينه تجلس هاله عند القعده الخارجيه والشباب لسه منظمنها
هاله بتكمل عمر جوزها في التليفون
هاله :يا عمر ايه القلق الي انت بتقوله ده كله والنبي خالي بالك علي نفسك .
عمر :متخافيش ربنا يسترها وانا واخد حذري .
هاله :ربنا معاك بس انا خايفه عليك اوي انا بشوف الاخبار وان الدكاتره في خطر بخاف عليك اكتر .
عمر :حبيبتي متخافيش قل لن يصيبنا إلا ما كتبه الله لنا أجمدي كده يا بسكوته هقفل واكلمك تاني بينادوا عليا .
هاله :طيب يا حبيبي .
نبيل من ورها :متخافيش عليه اوي كده .
هاله :يا بابا ديه شغلته في وسط الكورونا .
نبيل :وربنا هيسترها عليه ،علشان خاطرك وخاطر ولاده .
هاله :يا رب يا بابا .
نبيل :انت واجب تقويه مش تخليه قلقان عليكي انت كمان وباس دماغها متخافيش يا حبيبتي ربنا هيرده سالم .
في شقه الدور الاول شقه مهند ولبنه
مهند طالع من حمام الاوضه ولابس بورنس ولبنه بتقلب في الموبيل .
مهند :حييبي انا ميت من الجوع وضبي الاكل .
لبنه :عمو قرر ان الاكل تحت عنده ،وطنط سحلتنا احنا والبنات في الاكل .
مهند :حبيبتي يا سناء .
لبنه :وانا مش حبيبتك ؟
مهند ميل عليها وباس خدها ،:طبعا يا حبيبي ،ناكل بس وهدلعك احسن دلع.
لبنه :معرفش ليه مش مصدقاك .
مهند:عيب عليكي طيب …واتجه ناحيه الباب واغلقه بالمفتاح ولف ونظر لها.
مهند :يظهر اني وحش قوي سايب حبيبي من غير دلع بقالي كتير .
لبنه سابت الموبيل وبتضحك .
لبنه :مهند بلاش جنان حد من الولاد يخبط .
مهند :هما تحت مع جدهم وحتى لو هنا مليش فيه وبيقرب وسحبها ناحيته ندلع وبعدين ناكل .
لبنه :والله مجنون .
مهند :طيب هتشوفي الجنان الاصلي بس اوعي صوتك يعلى وغمزها و…..
في الدور الثاني شقه ماجد وميار
هادي اشتكى جده لوالده
ماجد :وفيها ايه لما بابا يخليك راجل يعني ؟.
هادي :يا بابا بقولك بيعملنا زي عساكر الجيش .
ماجد :ده الطبيعي بتاع بابا قولي ايه الجديد؟.
هادي :يا بابا ده خلنا ننضف الجراچ.
ماجد : بزهق يعني انت عايز ايه ؟
هادي :كلمه يرحمنا .
ماجد : اكلمه علشان يرحمكوا اه يا ابني كان رحمني انا وعمك ،اسكت والنبي جدك بدل حط حاجه في دماغه مش هيغيرها .
هادي :ايه العائله ديه .
ماجد :مالها العائله يا روح امك ؟
ميار :مالها امه ،ديه غلبانه وامك طلعت عينها النهارده .
ماجد :انا اقدر ،يا جميل .
ميار :بحسب .
ماجد :ديه انت حبيبت ماما واصلا صاحبه هاله ،يعني مش غريبه.
ميار :والله انا بحبها بس بتيجي عليا اوي .
ماجد : معتبره انك زي هاله .،مش بتعمل كده مع هاله .؟
ميار :الصراحه اكتر .
ماجد :طيب يلا ننزل انا ميت من الجوع .
هادي بيبص على ماجد وميار وهما نازلين وبيكلم نفسه
اخد ميار الموزه بتعته ونزل ونسي ابنه اه من الراجل ده وبيضحك .
سناء والبنات حطوا الاكل على السفره ونبيل زود كراسي ترابيزات علشان تقضي اولاده واحفاده وزي ايام رمضان لما الكل بيتجمع الكل في البيت محدش ناقص الحمد لله الحظر بدأ والكل في بيته لكن بيت اللواء نبيل مختلف يكفي انهم مع بعض وممكن لمت العائله تهون عليهم الازمه .
نبيل ظبط اغاني ورده الي بيعشقها وموصلها في انحاء الشقه .
سناء وهي بتنقل اخر طبق لمحت نبيل وعينه عليها فهما الاثنين ورده ليها ذكريات كثيره معاهم ضحكت ووجها احمر كأنها فتاه في العشرين من عمرها ،ضحك نبيل من **وف سناء رغم السنين والاولاد والاحفاد لسه بت**ف منه .
نزل مهند وفي ايده لبنه وابتسامه تعلوا وجوهم وتلاهم ادم ،وماجد وميار وهادي
البنات ومعاهم هاله ومحمد اصلا كانوا عند شقه نبيل .
هاله تنظر لكل زوجين تتمنى وجود عمر بجانبها لكن عمله يمنعه طول فتره زواجهم تشعر انها ناقصه من غيره معظم المناسبات من غيره نتيجه عمله لكن عمرها ما حسسته انها زعلانه بالع** تدعوا له وتطمئنه عليهم ،وهنا واجب الزوجه تتحمل دول كلل مادم زوجها في العمل .
نبيل قاعد احلي قاعده ولاده واحفاده كلهم حواليه وبص علي سناء زوجته حب عمره ودعا لها بطوله العمر وانهم ما ينقص منهم حد في هذه الايام المتعبه.
جلس الجميع يشيدوا بالاكل والتجمع لا يخلوا من الهزار من البنات والولاد
هادي :اكيد صباع المحشي المعوج من عمايل ايد هدير .
هدير :ليه يعني كان مكتوب عليه اسمي ممكن اي حد فينا .
ميار :انت بتتريق علي اختك اما نشوف البنت الي هتتجوزها .
هادي ؛هههههه ما هو انا مش هتجوز غير اما اجبها لناناه سناء تختبرها .
سناء :ربنا يديني طوله العمر واشوف فرحكم .
هاله :ربنا يد*كي طوله العمر وتجوزي ولادهم كمان .
نبيل :حبيبتي انت البيت مش بيت من غيرك ربنا يجعل يومي قبل يومك .
سناء :اوعى تقول كده ربنا يجعل يومي انا قبل يومك .
ماجد :اييييه بعد الشر عنكم انتم الاثنين خلي الواحد ياكل بنفس والنبي بلاش الدرما ديه .
ادم :هو بس سوال صغير هو ليه لازم نقلب القعده نكد ونذكر الموت ما كنا بنضحك ومبسوطين .
نبيل :لان الموت هي الحقيقه في الكون .
ادم : احنا عارفين يا حبيبي بس لازم نعيش الدنيا صح ليه النكد فيها .
نبيل :دوام الحال من المحال لان الدنيا ممكن تقلب في ثانيه لازم نفتكر كده ،. خلاص يا حبيبي .
ادم :هو ممكن اغير الاغنيه .
نبيل :بعد الاكل موافق .
بعد الاكل البنات والستات شالوا الاكل وادم راح ناحيه السوند سيستم وشغل اغنيه سقف رامي
(الدنيا طعمها سُكري
زى الملبن الطري
الدنيا طعمها سُكري
زى الملبن الطري
والعُمر قلم رصاص بيخلص كل مايتبرى
حظك بوّز زغزغه، تلقى المشاكل اتلغوا
لو حظك بوّز زغزغه، تلقى المشاكل اتلغوا
ياما ناس بدأت من تحت الصفر اتدلعوا )
هادي جه من ورا ادم وزغزغه وبيضحك وبيرقص .بيقول حظك بوز زغرغه
مهند :اغنيه دمها خفيف
نبيل:فيها تفائل كويس علشان الظروف ديه البنات طلعه بتسقف ولو الظروف هتسخف سقف سقف اوعى توقف بينطوا في الهوا والضحك مالي المكان .
بعد ما الاغنيه خلصت هادي شغل اغنيه علشان تبقي تقولي لأ
(أنا شفتك مرة ف حته في يوم وطلبتي لاتيه
ف هروحلك نفس الحتة لحد ما اقابلك فيه
ومش همشي أنا قبل ما آخد رقمك فا مات**فنيش
وإن قولتلي لا يلعن ابو شكلك بكره يقابلك حد يقولك
لا تلق طعامتك تيجي ف كرامتك تبقى
ويجيلك سالمونيلا
وتصحي فشله وتجري ورايا ميلحقونيش )
سناء :يا لهوي بيقولها يلعن ابو شكلك ديه اغنيه ولا شتيمه .
نبيل :ايه الذوق الزباله ده وبعدين ما تقول لا هي حره اقفلها يا هادي.
هادي قفل الاغنيه بيضحك ديه اغنيه كوميدي يا جدو .
نبيل :لا ديه اغنيه بتقول للولد انت رميه ومعندكش كرامه والبنات تقول لأ برحتها والولد بمشي بكرامته ديه الرجوله .
هدير :صح يا جدو احنا احرار.
ادم :بس في بنات بتقول لا تقل يا جدو وبيغمز جده من خبرتي مع البنات .
نبيل :في لا بتبقى قاطعه و واضحه وفي لا بتقول حاول وانا ممكن اد*ك فرصه .
هادي قفل الاغانيه وسقف :ايوه يا جدو يا مدرسه طيب نعرف منين .؟
نبيل :مفيش اصدق من لغه العيون وبيبص على سناء صح يا نوؤه ؟
سناء بوجه احمر :صح يا بلبل .
الاحفاد تصفيق وتصفير من حب الجد والجده .
نبيل :المهم الاحساس يا ولاد انت حاسس منها ومن نظرتها ايه مش كلام ا****ن ساعات ا****ن بيكدب العين دايما صادقه وافتكر كلام جدكوا
كانت سهره حلوه والكل قعد عائله مترابطه حتى ديما ومحمد قعدوا معاهم واجلوا المذاكره .
- Writer
