الجزء الخامس عشر محاولات
1834 Words
يوميات الكورونا
الجزء الخامس عشر
في الحزء السابق الكل بيطالب هدير ان تعطي ادم فرصه تفهم منه وتقرب وجلست هي مع نبيل حدها ومع هادي والنتيجه الي طلعت بها ان الكل موافق على ارتباطها بتدم لكن القرار ايضا في ايدها .
دليله وديما قاعدوا مع ادم وقالوا ليه على مفاتيح يقرب بيها من هدير واهمها الاغاني الرومانسيه وفعلا كانت ليله الامس علي اغنيه لسه في امل لشرين .
في شقه هاله وعمر
عمر بيرتب الشنطه خلاص جاله قرار انه لازم يرجع يستلم في مرسي مطروح .
هاله كانت زعلانه لان مفيش وقت يوم واحد استمتعت بوجوده معاهم ،تكلمت هاله وهي حزينه وعينها علي ايد عمر وهو بيوضع لبسه داخل الشنطه .
هاله :هترجع تسافر تاني ،والقلق تاني ،يا عمر انا بموت وانت بعيد .
عمر ساب الشنطه الي بيوضبها ومسك ايديها وباسها :حبيبت قلبي ،انا زي الجندي في المعركه ماينفعش اهرب من خدمتي ،ولولا هما راعوا حاله إلي البيت كان فيها عمرهم ما كانوا ادوني اجازه. انا مكنتش نزلت ،علشان قلقت علي البيت كله وانا دكتور و وجودي في البيت غلط انا لازم ارجع مكاني علي فكره الكل لازم يحارب الوباء ده مش الدكاتره بس .
هاله :ازاي هننزل نعالجهم .
عمر :لا يا ام العرويف نسمع الكلام ،نبقي في البيت زي ما التحذيرات بتقول ،نخلي مسافه بين كل شخص والتاني ،نغسل ايدينا غير كمان ناخد فيتامينات نزود المناعه .
هاله :اه طبعا مندوب وزاره الصحه معانا .
عمر قام وضحك :انتوا حلال فيكوا عمو نبيل ،اومر جيش وتتنفذ ،ده كلام المظبوط .
هاله :بقي كده يعني انت في صف بابا .
عمر :طبعا ،تعرفي انا كل يوم اعجابي بيزيد بالراجل ده ،يا ريت لما اكبر ابقي زيه .
هاله :بس انا بحب عمر كده .
عمر ساب الشنطه .،وضحك :بالطريقه ديه هأخر سفري ،ونتفاهم علي بحب عمر كده ،الي هو ازاي واخدها في حضنه ونسيبهم عيب .
في شقه مهند
ادم بيفكر في كلام اميره انه فعلاً مزعلش علي انه سابها وقعد يحاسب نفسه ويستغفر على التجاوز في الكلام معاها هي اه كانت السبب بس هو لام نفسه انه هو تمادى معاها وافتكر كلام هادي انها مش شبهنا علشان كده تحس انه كان كلام انذار له وقدر ياخد قرار البعد لكن هيتجنن علي رفض هدير ،وبيكلم نفسه :طيب يا هدير ده انا هغرقك رومانسيه ،هصبحك وامسيكي باغنيه تلهب المشاعر انت رومانسيه وانا ملك الرومانسيه .
الباب خبط وكانت دليله
دليله :صباح الخير يا ادومه .
ادم :ايوه وقلت بلاش ادومه ديه .
دليله :واحده بدلع اخوها هي حره .
ادم:عايزه ايه ؟
دليله :هو انا بس جيت اقولك حلوه اغنيه امبارح الي الكل سمعها ،واستمر ، هتجيب نتيجه وغمزته وخرجت من الاوضه .
ادم بضحك مس عارف حاسس اني شايف الدنيا حلوه اوي وكأنها بالالوان والله يا دودو ان عندي صبر يكفي جبال بس هقدر اني اقنعك يا رب خلي قلبها يلين وتوافق .
انا في حاله طوارئ حتى اوصل لقلبك وبيكلم نفسه مش عارف اختار اغنيه ايه با دودو انت بتحبي ايه
شافها وراح مشغلها بصوت عالي تاني
حبيته بيني وبين نفسي، وما قلتلوش عـ اللي فـ نفسي
ما أعرفش إيه بيحصل لي لما بشوف عينيه
ما بقتش عارفة أقوله إيه، ما أعرفش ليه خبيت عليه
بضعف أوي وأنا جنبه وبسلم عليه
كل حب الدنيا ديا في قلبي ليك
دا أنت أغلى الناس عليا روحي فيك
كل حب الدنيا ديا في قلبي ليك
دا أنت أغلى الناس عليا روحي فيك
دا أنت لو قدام عينيا أشتاق إليك
على بالي ولا أنت داري باللي جرالي
والليالي سنين طويلة سيبتهالي
بضعف أوي وأنا جنبه وبسلم عليه
الكلام لو كان يعبر عـ الحنان
كنت قلت إني بحبك من زمان
الكلام لو كان يعبر عـ الحنان
كنت قلت إني بحبك من زمان
ادم بيكلم نفسه ما انا قلت اهو قدام الكل وبيعلى صوته مفيش بني وبين نفسي كل الكلام للكل وفتح الشباك وصرخ ومع صوت شرين وبصوت عالي كنت قلت اني بحباااك من زمااان .
الحب يمنح الشخص قوه تهد حبال ومشاعر الحب تمنح المحب قوى عظيمه ويجعله قادر علي فعل الكثير بيلغي ال*قل والتفكير المتزن حتى يصل لقلب محبوبه
هنا نجد ان ادم الغى عقله و كل همه ان هدير تشعر به .
في شقه ماجد
وفي الجهه الاخري داخل اوضه هدير بتسمع الاغنيه وبتضحك على صوته العالى الي بيسمعه ليها
هدير م**وفه من الي ادم بيعمله وفي نفس الوقت سعيده من اسلوبه معاها علشان توافق وانه جريئ لم يهمه احد هيقول ايه المهم انه يوصل ليها حبه ابتسامتها لم تفارق وجهها وبتكلم نفسها ولو خليه كده شويه يتعلم الادب .
ميار دخلت ليها .
ميار : ببتسامه على حاله الحب الي بنتها فيها هو في كده اليومين دول ،الواد هيموت ،وافقي وارحمينا من اغانيه ده واقف بيغني في الشباك زي الاهبل .
هدير :يا سلام يا ماما ،يعني اوافق بس علشان الاغاني وهو مش اهبل با ماما .
ميار : مش اهبل هو مجنون مجنون هدير زي مجنون ليلي اتكلم جد وافقي علي ادم علشان ابن عمك ،وهيحافظ عليكي ،والاهم انه بيحبك وانت بتحبيه .
هدير بأنزعاج :مين قال اني بحبه .
ميار شاورت علي عينها :دول قالوا وقالوا كتير وهو كان مش واخد باله ،لكن ماما واخده بالها ،وكمان ده شاورت على قلبها الي بيدق جامد علشان سامعه دقته ودلوقتي بيرقص علشان بيعمل كل ده علشانك وعيونك الي بتلمع لمجرد اسمه يتقال انا ماما وحسه بيكي وبقولك استمري في التقل ،بس بحدود ،وغمزتها وطلعت .
ادم قرر انه يقتحم الحصون ويطلع عندها عايز يشوفها باي طريقه .
ادم طلع شقه عمه علشان يجس النبض عايز يشوف اي رد فعل منها ورن الجرس
وراحت ميار تفتح الباب .
ادم :ازيك يا طنط
ميار :اهلا يا ادم .
ادم دخل البيت وعينه بتلف تدور علي هدير .
ميار بتبص عليه وراحت لفت وشه بأيدها عليها :ايوه .
ادم بلخبطه :فين هادي ؟وعينه بتلف في ارجاء الشقه
ميار :تحت نزل الجنينة عند جده .
ادم بيتلفت :طيب هنزله ،وهدير عامله ايه النهارده .
ميار ببتسامه خبث وبتلف وشه ناحيتها
ميار :هدير بخير يا حبيبي ،هتلاقي هادي تحت مع السلامه ،زقته وقفلت الباب .
ميار دخلت علي هدير وهي بتضحك :الواد هيموت يشوفك ،بس علي مين لعبته علي الشناكل .
هدير :ده انت طلعتي صعبه يا ماما .
ميار :انا مفيش اصعب مني واسالي ابوكي ،ده انا خليته يلف حوالين نفسه سنه علشان اوافق اكلمه .
هدير قعدت مربعه :قولي يا ماما خليني اتعلم منك .
ميار اخدت مخده وقعدت وربعت وبتفتكر احلى ذكرياتها
والحب بينها وبين ماجد .
ميار :احنا كنا انا وهاله في الجامعه مع بعض وبابكي كان هو الي بيجي ياخدها من الحامعه وبابكي ايه الوسامه والدم الخفيف ،كل البنات هتموت عليه ،وطبعا مفيش اتقل مني ، كنت هموت عليه واي بنت من اصحابنا تجيب سيرته كنت اكون عايزه اموتها كان يجي عندنا الجامعه ويقف مع شلتنا انا وهاله يدخل يكلمني ارد بسيط واستأذن وامشي عمره ما عرف يكلمني كلمتين علي بعض لغايه ما هو انا مش سهله وكنت عايزه اهرب من قدامه علشان ما يحسش بلي انا بحس به اما اشوفه ...جه في اخر سنه و دكتور وزع بروچيكت وقسمنا مجموعات وكنت انا وهاله مع بعض ننزل نشتري الحاجه اروح عندها هي عندي وهو يقرب مني كان محاصرني والحجه انه مع اخته وخايف عليها بيوصلنا اي مشوار موجود طبعا وده قربنا من بعض لكن قعد يلمح ،وانا ولا كأني فاهمه ،ص*رته غباء الدنيا ، يكتب كلمات الاغاني ويدهاني ،اقوله اه اغنيه جديده حلوه ،لغايه قبل حفله التخرج .
لقته جي وقالي بصي لو انت غ*يه بحبك ولو بتستعبطي بحبك اكتر ،انا معايا تليفونكم وعنوانكم وهروح اطلب ايد*كي حفله التخرج لازم تكوني فيها خطبتي وانا كنت ساكته لا عارفه ارد بس بهز دماغي وهنا كانت البدايه .
علشان كده بقولك حلو الاغاني .
هدير :ده بابا طلع رومانسي .
ميار:انا الي خلته رومانسي الراجل دايما عايز يتعب علشان الي بيحبها وكل ما كانت صعبه كل ما الحب ده زاد في قلبه ها فهماني ؟.
هدير :فهمت يا ماما .
ميار :ربنا يسعدك يا روح ماما انا هنزل شويه عند جدو لو عزتي حاجه كلميني .
هدير : انا هدخل انام شويه .
ميار بضحك :طبعا طول الليل سرحانين وبنفكر .
هدير مستمعه بلي ادم بيعمله وكلام مامتها انها تكون صعبه معلق في دماغها وقاعده بتضحك وبتفتكر صوته وهو بيصرخ في الشباك بيعلن حبها للكل .
ادم مع هادي في الجنينه
هادي :كنت فين ؟
ادم :امك فظيعه ،تقريبا زقتني علي السلم .
هادي :وانت ايه الي وداك الشقه ،ما انت عارف اني تحت ،وفكر شويه اه قول كده ونط عليه وخدني كوبري لاختي وحياه امك لبنه لعلمك الادب .
نبيل من وراه :ولد عيب كده لما تض*به اض*به صح ،في حته مداريه علشان انا كده لازم ادافع عنه .
هادي بضحك :صح يا جدو ،هاخده الروف وارميه .
ادم بيزقه :ليه ده كله ؟
نبيل شد كرسي وقعد جنبهم وبيتكلم بكل بساطه وابتسامه علي وشه .
نبيل :علشان يمكن منيمتنيش امبارح من اغانيك ،بس حركه حلوه ،خليها بدري بعد ١١بليل ولا اسمع حس والا هخلي هادي يشوف شغله .
هادي بضحك :فكرتني يا جدو ،كلنا مش عارفين ننام ،علشان البيه يحب ويوصل رساله ،يا سلام احنا مالنا انا نفسي انام انا لا بحب ولا بسهر الليالي ذنبي ايه ها فهمني ؟
نبيل بضحك :بس الاغنيه حلوه ..مش شرين ديه ؟
ادم :ايوه يا جدو.
هادي :يعني علشان شرين نصحي من النوم ؟
ادم :اتنيل بقه ،كويس انها عجبتك يا جدو .
نبيل :واغنيه الصبح حلوه كمان .
ادم : تفتكر هتجيب نتيجه يا جدو ولا لأ ؟
نبيل :خليك زكي مع الاغاني هديا ،البنات بتحب الورد والشيكولاته .
ادم :طيب وانا هوصلها ازاي ؟
نبيل :شاور علي هادي ،اهو الموصلاتي .
هادي :برق وخبط كف بكف .
هادي :انت يا جدو عايز مني اركب اريل ؟
نبيل :اريل عيب يا ولد الكلام ده ..وغمز عايز استفيد منك وانك تبدأ شغل جديد شركه شحن وبدربك يا اهبل جوه البيت .
هادي بضحك: اه بحسب كله تدريب ماشي يا جدو .
ميار واقفه مع سناء ولاحظ ادم ان هدير لوحدها فوق .
ادم :انا طالع انام شويه .
نبيل بمكر :تعبان يا روح جدو ؟
ادم :لا يا جدو عايز انام عادي .
نبيل :طيب تطلع من غير ما تعدي علي اي شقه وغمزه له ...ولو عديت من بره فاهم ؟
ادم بيمسح علي شعره :جدو هو انا مكشوف اوي ؟
نبيل :لا يا حبيبي ،بس انت تربيتي وعارف دماغك ،بس والله اي تجاوز هموتك .
ادم باس دماغه :في عنيه ...هطمن بس ماهو ينفعش اغاني بس وغمزه لازم بعدها المواجهات .
نبيل :اطلع وانا هشوف من الكاميرات ،واه كاميرات من غير صوت بس متخفش برحتك في الكلام .
ادم :فظيع يا ناس ايه الجد ده مفيش زيه .
ادم طلع وهادي يكلم جده
هادي :وبعدين فيهم ؟
نبيل :سيب الوقت يحل الي بينهم ..وانت يا حبيب جدو مافيش حاجه .
هادي بضحك :تخيل يا جدو عمري ما حد شغل تفكيري .
نبيل :معقول مفيش بنت شغلت جزء من تفكيرك .
هادي :ولا اي حاجه انا مقتنع اني اول ما احس واعرف اكيد اني حبت هعترف للدنيا كلها .
نبيل :ربنا يسعدك يا هادي .
اقتباس من الجزء القادم
محمد:بس هو غلطان كان الاول وثق انها هتوافق وبعدين يتقدم .
ديما :صح المفروض كان قالها لوحدها .
محمد بمكر :يعني رأيك كده ،يقولها لوحدها وبعدين يتقدم .
ديما :اه حد يتقدم وهو مش واثق ان الطرف التاني هيوافق ولا لأ.
محمد :كويس انك قولت ليه .
ديما بتعجب :علي ايه ؟
- Writer
