الجزء الرابع عشر. احاسيس
2012 Words
يوميات الكورونا
الجزء الرابع عشر
في الجزءالسابق نبيل لام نفسه انه همش دور اولاده في حياة ولادهم وحاول يصلح ده بانه نبهم انهم يقربوا منهم وفعلا مهند بدأ واقرب من ادم هو ولبنه ايضا ماجد تحدث مع ميار واكتشف ان كان جزء من الغلط ببعده عن اولاده اما نبيل قرر انه هو يقول لاحفاده انهم لازم ابهاتهم وامهاتهم لازم يعرفوا اي خطوه تخص مستقبلهم .
في شقه مهند
ادم قاعد في اوضته بيحاول يجمع كيفيه اقناع هدير بالارتباط به يعمل ايه علشان يقرب هو رغم انه مقطع السمكه وديلها زي ما بيقولوا لكن واقف حائر يعمل ايه علشان يقرب وهي توافق هي مش زي اي بنت وفكر في كلام جده ان كان وجود اميره سبب في رفضها ليه بس هو علاقته مع اميره كانت مختلفه عن باقي البنات الي كان يعرفهم تحررها بزياده جعل كلامه ليها في نجاوز عن اي بنت لكن دايما كان بيرجع ل*قله ويتذكر انه عنده اخوات بنات .
بيحاول يفتكر كان بيقول عليها ايه قدام هدير علشان يصلح الفكره الي واخدها هدير عنه
وهنا موبيله رن مسكه وكانت اميره ادم كان بعت الرساله ينهي به ما بينهم .
اميره :الو ازيك يا ادم .
ادم من غير نفس :اهلا
اميره :ادم اظن انت محتاج توضيح لقفله الموبيل بعد الكلام الي قلته ليه وكمان انا محتاجه توضيح بعد الرساله الي بعتها حضرتك ليه .
ادم :ايوه سمعك ، هو برحتك تقفيلي موبيلك وكده انا فهمت قرارك .،علشان كده بعت الرساله الي تنهي كل حاجه بدل المواجه الي ملهاش لازمه تضايقك وانا كمان اضايق .
اميره :بس احب اننا نستمر اصدقاء .
ادم :الصداقه تتحول لحب ديه تمشي لكن الحب يتحول لصداقه صعبه مش هنضحك على بعض ..
اميره:مش كان لو في حب اصلا ادم انت عمرك ما قلت ليه انا بحبك كلامك كله معجب بيكي انت مهمه في حياتي لكن بحبك انت ما قلتش وانا كمان .
ادم :اومال اسمه ايه الي كان بينا بتفكير هو كان فعلا قال الكلام ده لنفسه ولجده لكن نجد كرامته كرجل طلعت على السطح .
اميره بترد عليه :كان تقارب مش حب ،والدليل اني مش زعلانه لان لو كملنا مع بعض اكيد كنا اطلاقنا ،لو انت زعلان فانا بقولك العلاقه ...الي تتنتهي في الاول بتفاهم احسن ما تنتهي بمشاكل .
ادم :تعرفي اول مره اعرف انك عاقله اوي ،كده ،وتحليلك سليم ، انا مش زعلان لهجر حبيب صح اه مضايق عادي لكن هجر الحبيب اكيد مشاعر تانيه خالص ،شكرا علي التوضيح وربنا معاكي .
قفل ادم التليفون انا مش زعلان عليكي خالص يا اميره انا زعلان علي رفض هدير اهو ده الاحساس الي فعلا يضايق يبقي انا بحبها ،يا ريتك يا اميره تكلميها تفهميها .
نام قادم علي السرير بيحاول يفهم الموقف وبيفكر ازاي يحله .
دخلت دليله وديما عليه الاوضه .
ادم :اهلا ريا وسكينه مع بعض يا ساتر.
دليله :تخيل انت خساره فيك الكلام ،كنا جاين نساعدك ،لكن ...يلا يا ديما علي الاوضه بتعتنا .
ادم قام نط من السرير :انا اقدر بردوه علي زعلكوا .
ديما :يا سلام !!.
ادم :ديما اختي الصغيره اخر العنقود سكر معقود .
ديما :والله !!!
ادم:اه طبعا ،ودليله هانم الصفواني ،ديه مجيه عزيزه . بيشاور لهم انهم يقعدوا .
دليله :مصلحنجي درجه اولي .
ادم :انا اخوكوا الوحيد ...ها هدير عامله ايه ؟
ادم قاعد قي النص ودليله علي يمينه وديما علي يساره .،وبيتم وضع الخطه لتقريب وجهات النظر بيبن ادم وهدير.
عند شقه نبيل
نبيل قاعد في الليفنح ،دخلت عليه هدير ومعها الترمس .
هدير :مرسي يا جدو .
نبيل قام وقف بسرعه :انت ايه الي نزلك بس ،كان اي حد نزلها ،دودو انت لسه تعبانه .
هدير :عايزه اتكلم معاك ،وعارفه لو اتكلمنا فوق ،ماما هتقف تسمع واحتمال بابا كمان .
نبيل قاعدها :طيب ارتاحي وجاب العبايه بتعته غطاها بيها ،كلي اذان صاغيه بس عايز اقولك ان بابا وماما لا يمكن يعملوا كده ابدا .
هدير : معرفش بس ده احساسي بعد موضوع ادم حسه اني تحت ميكروسكوب والكل عينه عليا والكل رافض رفضي لادم يا جدو هو مش من حقي اقبل وارفض
نبيل :طبعا من حقك .
هدير :بس عايزه افهم ايه الي حصل وخلي ادم يتقدم ؟
نبيل بيشاور ان شفايفه مغلقه .
نبيل :مش هف*ن عليه .
هدير بتضحك على شكل جدها وبتفتح عينها بترجي .
هدير :انا دودو حببتك .
نبيل بضحك علي ملامحه
نبيل :بصي الي اعرفه ان حاله انشقلب من ساعه ما رحتي المستشفي .
هدير : اه انا فهمت قول كده زي ما قلت شفقه .
نبيل :طيب ما تسمعي ،مش جايز عنده كلام مختلف .
هدير :ايه المختلف بقه ،واحد بيحب واحد وفجاءه يطلب ايد بنت عمه الي كانت عيانه واحتمال كانت هتموت .
نبيل :بعد الشر ،بصي مش انا جدو حبيبك ،بقولك اسمعي منه واربي الباب ممكن في حاجه انت مش واضحه ليكي .
هدير :والي اسمها اميره .؟
نبيل :اساليه عنها ،ده ارتباط وجواز لازم كله يكون واضح .
هدير :انت شكلك موافق يا جدو زي الكل .
نبيل :موافق او رافض انا مش هضغط عليكي خدي وقتك وقرارك انا وراكي في اي قرار والاهم مني بابا وماما خدي رائيهم يا دودو .
هدير :بس هما مش بيسألوا .
نبيل:حبيبتي من غير سؤال شاركيهم اكيد رائيهم يفيدك وبعدين الكل عايزك توافقي علشان انتوا الاثنين من العائله فرحتهم مزدوجه بس انت حره وبعدين انا لولا عارف حبك ليه عمري ما كنت اضغط عليكي .
هدير بتقوم تقف :حاضر يا جدو ربنا يخليك ليه .
نبيل :طيب يلا اطلعك .
هدير ببتسامه :هو ادم مطلعش في حنيتك ليه .؟
نبيل وهو بيغطي كتفها بالعبايه :اقولك علي سر ،الواد ادم اكتر حد شبهي في احفادي ،واقولك سر اكبر ،انا بتمني انك توافقي وهجوزكوا علي طول في ملحق البيت الي في الجنيه .
هدير ببتسامه :سرك في بير يا احلي جدو .
سناء كانت سامعه نبيل هو و هدير بيتكلموا اديتهم فرصه للكلام زي ما متعوده ولما سمعت هدير هتطلع
سناء :دودو خليكي معانا بلا دوشه ماجد وميار انا هخلي بالك منك .
نبيل :اه يا حبي وانا هعملك كل مشروبات السخن الي اعرفها ومعرفهاش كمان
هدير :ناناه معلش انام في الاوضه بتعتي احسن وعلشان ماما وبابا ميزعلوش .
سناء :يزعلوا انك عندنا ده انا جدتك وهخاف عليكي .
هدير :وانا اخاف علي تعبك يا تيته .
نبيل :سيبيها برحتها يا سناء ،يلا علشان متتعبيش .
نبيل طلع هدير شقتهم ونزل عند سناء الي قاعده في الليفنج حاطه شال ومسكه كوب نسكافيه وقدامها كوب اخر .
نبيل باس دماغها .
نبيل :التاني ليه يا حبيبتي .؟
سناء :ايوه وتعالى عايزه اقررك .
نبيل قعد ومسك كوبايه النسكافيه وبيضحك
نبيل :ايوه يلا ابتدي الاسئله كلي اذان صاغيه .
سناء:الاول عملت ايه مع ولادك لسه حد فيهم مضايق ؟
نبيل :لا شرحت ليهم وجه نظري وانا وهما هنشتغل اننا نخلي علاقتهم بولادهم تاخد شكل تاني ويبقوا اصحاب ،ويقولوا ليهم كل حاجه بس واحده واحده .
سناء ببتسامه : طيب الحمد لله واخبار هدير مع ادم ايه انت قلت لي انها بتحبه .
نبيل :ايوه طبعا بتحبه بس هي واخده الموضوع على كرمتها علشان الواد ادم كان يعرف بنت اسمها اميره و هو من غير مقدمات قال انه يرتبط بيها ده سمته شفقه وهي عايزاه يحبها وانا قلت لها تاخد وقتها وتسمعه .
سناء :تعرف يا بلبل نفسي الاثنين دول يتجوزوا اوي ،واشوف فرحتهم .
نبيل :روح بلبل انا بقولك انه هيحصل هياخد وقت بس هيحصل ان شاء الله .
في شقه مهند
ادم قاعد في اوضته وقاعد علي الكمبيوتر وجنبه دليله وديما طلعت تذاكر .
دليله بص اي اغاني لشرين نزلها هدير بتعشق شرين وعمرو كمان ومتنساش تامر .
ادم :سهله انزلها بس ممكن تعجبني اي اغنيه .
دليله :رتب افكارك ازاي البدايه معها وانا هبقى عامل زن معاك ،خلاص يا باشا .
ادم :خلاص يا دولي .
خرجت دليله من عند ادم وابتدا يسمع اغاني وينزلها .
طلعت هدير ، لقت هادي قاعد بيتف*ج على التليفزيون .
هادي :حبيبتي البيت كان ضلمه من غيرك ايه الي نزلك ده بابا لو عرف هيبهدل الدنيا .
هدير :بابا دخل عليه و جايب ترمس اعشاب كان جده عامله وكنت بنزله وبابا نام هو وماما وانا الحمد لله حسيت اني كويسه ..
هادي :غلط .
هدير :خلاص يا هادي كنت عند جده قعدت معاها شويه وطلعت وانا قدامك كويسه الحمد لله .
هادي :طيب اقعدي عايز اكلمك في موضوع ادم .
هدير قعدت قدام هادي وعينها عليه ومتوقعه الكلام الي الكل بيقولوا ليها .
هدير :ايوه .
هادي :دودو انت اختى الصغيره وانا معلش عايز افهم انت رفضتي ادم ليه في حد في حياتك غيره ؟
هدير :لا مفيش حد خالص .
هادي :معتبره ادم زيي يعني حاسه انه اخوكي علشان كده اترفض ..؟
هدير ب**وف :لا .
هادي :طيب رفضتي ادم ليه وعايز اسمع سبب منطقي واعتبري ان سرك في بير .
هدير :ادم علاقته كتير .
هادي :يعني ايه علاقته كتير هيلعب بيكي انت من دمه هيلعب بيكي مستحيل فهميني .
هدير :يعني ايه فجاءه عايز يرتبط به وكان مع واحده تانيه عارفها الي اسمها اميره ده من كام يوم كان بيقول شعر فيها .
هادي :قولي كده اميره ،لو قلت لك انه مش حب ده كان انبهار اعجاب لكن مش حب هتقولي ايه ؟
هدير : هو في فرق ؟
هادي :بصي يا دودو انا شاب وهقولك تفكير الولد احنا اول حاجه تجذبنا للبنت شكلها ممكن نعجب به وننبهر نحاول نقرب نبدا نحتك بالشخصيه هنا بقه تتحول المشاعر لحب او تقف عند نقطه الاعجاب ،وطبعا الكلام ده بياخد وقت ويختلف من شاب للتاني ومن بنت للتانيه .
هدير :يعني انتوا كده بتلعبوا بمشاعر البنت ؟
هادي :مفيش بنت هيتلعب بيها غير بمزجها وادم على فكره دايما حاطت حدود في تعامله مع اي بنت علشان عنده اخوات بنات وانا كده كمان عمرنا ما نغضب ربنا واول ما نحس ان الاعجاب وقف بتبقى صداقه لان بتبقى العلاقه صداقه في الاول مع اعجاب بس من غير مصارحه .
هدير :بس اميره غير يا هادي انا متاكده .
هادي ضيق عينه لهدير ويستفسر
هادي :ايه الثقه ديه ؟
هدير :علشان مره سمعته يا هادي وانا كنت عندهم سمعته .
هادي :يبقى كده انت محتاجه منه هو توضيح ،بس الي هقدر اقولك عليه ادي لادم فرصه عمري ما هكون مطمن عليكي مع حد قده .
هدير :يا هادي الامان نقطه خلاف كل واحد عايز الامان من منظوره هو .
هادي :ايوه يا فيلسوفه والامان من وجه نظرك ايه .
هدير قاعده بشموخ وتكبر
هدير :اسمع يا ابني لعلك تستفيد
هادي بضحك :ايوه معاكي الميكرفون
هدير :اكتر حاجه اي بنت بدور عليها في علاقتها في شريك حياتها الامان ،لان الامان بتفوق علي الحب في الاهميه عند الست عارف الست امتى تحس بالامان في العلاقه اما الطرف التاني بيقبل عيوبها قبل محاسنها فتعرف انه متمسك بيها وعينه مش هتروح لغيرها .
هادي :ماهو لو بيحبها مش هيروح لغيرها !
هدير :لا مع العيشه وان العيوب تظهر الحب يتركن واما العيوب يركز عليها هيبص بره،وهنا الست تفقد الامان فالعلاقه تبوظ.
هادي :حلو الكلام ده انت اصغر مني بس فعلا جايبه كلام كل حقيقه .
بس بقولك ادم هيحسسك بالامان ده خدي كلمه مني يا دودو .
هدير :هحط كلامك في عين الاعتبار ماشي يا سيدي هدخل انام .
هادي :انا سهران لو عايزه حاجه قولي ليه .
هدير :حبيبي ربنا بخليك ليه .
دخلت هدير اوضتها ونايمه علو السرير بتفكر في كلام الكل جدها وهادي وبتحاول تفكر سمعت صوت اغنيه جايه من دور عمها وبالاخص اوضه ادم لانها هي الي تحتها اغنيه شرين في امل قامت من على سريرها وفتحت الشباك وبعدت علشان تسمع الاغنيه
لسه في الأيام أمل مستنيينه
طول ما في الأيام في ناس عايشين عشانها
لسه للأحلام بقية مكملينها
طول ما في احساس قلوبنا مصدقينه
هدير بتكلم نفسها يا ترى فعلا في امل
سمعتها وحست ان ادم بعتلها مسدج غمضت عينها ونامت .
وادم كان مشغلها ليه وبيرتب افكاره.
ادم قاعد في اوضته اختار الاغنيه و علي امل ان هدير تفهم الرساله وانه عنده امل فيها انها تحس به .
افتكر كلام دليله وهي بتقوله اهتم بالتفاصيل دور على الي يفرحها واعمله لان اي بنت بتحس بقيمتها من اهتمام حبيبها بيها الاهتمام وانه يدور على الي بيفرحها مشاعر الحب اكيد هتتضاعف مليون مره واكيد هتوافق على انها ترتبط بيك .
ادم لنفسه ربنا يهد*كي يا هدير وربنا يقرب البعيد ايه تعب القلب ده ده انت طلعتي صعبه اوي وانا فاكر اني هخطبك على طول بسهوله ومفيش معوقات كنت اهبل اوي .
اقتباس من الجزء القادم
هادي :وانت ايه الي وداك الشقه ،ما انت عارف اني تحت ،وفكر شويه اه قول كده ونط عليه وخدني كوبري لاختي وحياه امك .
نبيل من وراه :ولد عيب كده لما تض*به اض*به صح ،في حته مداريه .
- Writer
