الجزء الثالث تصحيح الغلط
2070 Words
يوميات الكورونا
الجزء الثالث عشر
توقفنا الحزء السابق علي ان هدير رفضت طلب قادم للزواج مما جعله في حيره عن سبب موافقتها والجد نبيل نصحه انه يجب يوضح علاقته ايه كانت باميره .
وايضا على لوم نبيل لنفسه انه من غير ما يقصد همش دور ابناءه مع اولادهم و واجهه نفسه وساعدته سناء وقرر انه يصلح هذا الغلط .
وعمر طلب من محمد انه يعلم عنه كل شيئ مش اخر من يعلم وهنا نجد علاقه سويه اب وابنه ومحمد يحكي مشاعره لباباه عادي وانه قريب منه رغم عدم تواجده لفتره كبيره .
نبيل قالها لمهند قرب من اولادك ونجد في نفس الوقت عمر قريب من ابنه والجد في الحالتين موجودين يبقى التهميش غلطه مين عدم ممارسه الاب لدوره مكتف بالصرف فقط دون المتابعه ومع متابعه نبيل اصبح الاهم عند الاحفاد ان يخبروا جدهم وليس والدهم هل ترجع العلاقه عاديه ولا في مواجه من نوع جديد .
في شقه ماجد
في اوضه هدير بعد ان تركتها البنات كانت تتذكر عين ادم وهو يقول لها وللكل انه يريد ان يتزوجها نعم هي عين ادم ولكن مختلفه تشع منها وميض بفرحه وحب نظره ليست عاديه هي تحفظ عيون وادم وكل ملامحه ،ادم كان مختلف لكن لماذا الان ليه التوقيت ده بتهز دماغها ديه شفقه معقول بيحبني !!
انا بس كرامتي اهم حاجه انا مش قاعده مستنيه البيه يحن عليه لازم اطلع عينه علشان اوافق .
ماجد وميار في غرفتهم ماجد مستغرب من طلب ادم هو سعيد به جدا ادم ابن اخوه وهو يطمئن على هدير معه لكن احساسه ان ابنته كبرت وانها ستبعد عنه وانه مثل الاطرش في الزفه ضايقه كان يجب ان يلاحظ هذه العلاقه ،واذا كان هو في الشغل ماذا عن ميار الا تعلم عن قصه الحب بين بنتها وادم وهل فعلا بينهم حاجه اساله كتير كانت هتجننه .
ماجد لف وشه ناحيه منار الي سرحانه هي كمان .
ماجد بدأ يسأل ميار وكأنها متهمه .
ماجد :يعني انت مش عارفه حاجه ؟
ميار بضيقه :خالص بنتك بير اسرار علي فكره ،مفيش حد يعرف حاجه عنها غير عمو نبيل .
ماجد :ليه بابا وانت فين انت امها ازاي ما تكونيش انت بير اسرارها .
ميار :هدير مش من النوع الي تحكي معايا طول عمرها مكتفيه بالبنات وعمو نبيل حاولت كذا مره لكن فشلت قلت مش مشكله بدل عمو موجود اكيد هيرشدها لاي حاجه صح .
ماجد :انت ريحتي نفسك .
ميار:انت تلموني علي ايه طيب حضرتك فين ؟
ماجد :في الشغل يا ميار مطمن انك في البيت .
ميار :اطمن يا ماجد وبعدين مفيش قصه حب ولا اي حاجه بدليل انها رفضته يعني لو بتحبه ما كنتش رفضت .
ماجد :طيب هي مش موافقه ...ليه ..حسه انه زي هادي مثلا .
ميار :همممم بص قلب الام بيقولي انها بتحبه عينها كان فيها كده.
ماجد :طيب يا قلب الام بدل كده رفضته ليه ومش انت قلتي مفيش قصه حب ؟
ميار :بترفع حاجبها ...مش عارفه ..ايوه مفيش قصه حب مفيش كلام بينهم لكن انا حسه انها بتحبه مش زي هادي نظرتها مختلفه .
ماجد :طيب ما تقعدي معاها شوفي بتفكر في ايه ؟
ميار :حاضر هقعد واحاول اطلع الي في قلبها .
ماجد : تخيلي كنت مبسوط اوي لما طلبها ...دودو رقيقه جدا واخاف تتجوز واحد يبهدلها ..لكن ادم ابن عمها وهياخد باله عليها .
ميار :مش شرط علي فكره ...ممكن واحد بره يحبها وياخد باله منها زيك يا حبيبي ما انت مش من عائلتي .
ماجد : معاكي حق ، بس انت يا جميل من ساعه ما لمحتك مع هاله وانا بجيبها من الجامعه قلت ديه نصي التاني الي هتكملني .
ميار :ميلت وباست خده بقالك كتير ما فكرتنيش بالحب الي كان .
ماجد :الحب مش كان حبك ده موجود مع دقايق الساعه يا روح قلبي ،انا عارف اني مقصر بس انت عذراني صح ؟
ميار :طبعا بس الست بتكون محتاجه باور كده من كلمتين كل شويه .
ماجد :عنيه يا قمر ،ها صحيح هدير اخدت ادويتها ؟
ميار :اه قبل ما اجي اقعد معاك اديتها الادويه .
ماجد :تتغذي كويس ...هي جالها دور وحش واخاف فعلا يجي ليها الكورنا من قلت المناعه ،ومتخرجش من اوضتها لاي ظرف ،عمر قالي اسبوع راحه .
ميار :حاضر .
في شقه نبيل وسناء
نبيل واقف في المطبخ بيعمل حاجه جت سناء وقفت وراه .
سناء :بتعمل ايه يا حبيبي ؟
نبيل :مشروب سخن بس ايه بيزود المناعه ،كنا بنشربه زمان ،طبعا هو مش بيمنع لكن بيزود المناعه كان في شيخ قبيله قالي عليه من سيناء علشان احافظ على صحه الكتيبه كانت الكتيبه جانب قبيلته كان اي حد يروح عنده لازم يشربه واي حد يتعب كانت وصفات شيخ القبيله واعشابه علاجنا وكنا بنفوق ايه بسرعه من اي دور ..
سناء : طيب الوصفه ايه يا باشا ،منك نتعلم .
نبيل : بصي يا ستي معلقه جنزبيل علي معلقه نعناع علي على معلقه كمون عود خشابي من الق*فه ونغلبهم ونحليه بالعسل لو تحبي وممكن نعصر عليهم ليمونه لو في وجع في الحلق .
سناء :انا اعرف جنزبيل بالق*فه لكن نعناع وكمون جديده .
نبيل بيصب في ترمس للحاجات السخنه .
سناء :طالع لهدير بالوصفه ؟
نبيل :ايوه هطلع اديها واطمن عليها وانت املي لكل عائله ترمس علشان الكل يزود المناعه واه ما نطلعيش انت كلمي اي حد من الولاد ياخدهم .
سناء :طيب و شوف كده هدير رفضت ادم ليه ؟
نبيل :هي حره ..وبعدين لازم يزحف ويتمني الوصول ليها ديه حفيده اللوا نبيل الصفواني .
سناء :طيب ما هو حفيد كمان اللواء نبيل الصفواني .
نبيل :ايوه بس البنات اهم عندي وانت عارفه .
سناء :عارفه ...بنات الصفواني يتعززوا .
نبيل :لازم يحس بقيمتها قال طلعت في دماغه على طول يقول جواز الواد ده اهبل وعمل مشكله لنفسه مع ابوه واحرج نفسه قدام العائله كلها اما هدير رفضت ما فكرش ثانيه .
سناء :ما هو فكر وقرر بس نفذ غلط .
نبيل :خليه يتعلم الصح اما اشوف ابوه هيعمل في ايه .،وبعدين بنات العائله كل واحده فيها حاجه منك لازم احميهم.
نبيل باس دماغها ،علشان كلهم برقه حبيبت قلبي .
سناء :ربنا يخليك لينا .
في شقه مهند ،ادم داخل
مهند كان قاعد في انتظاره حاسس ان في نار طلعه من دماغه بس فاكر كلام ابوه عاقب ايوه بس قرب منه .
مهند :اهلا يا بيه ، تخطب كده من غير ما تقولي ؟
ادم بنرفزه :يعني شوفتها وافقت يا بابا ،والنبي سيبني .
مهند :اسيبك ازاي ..وهنا ابتديت نبره صوته تهدى بيحاول يلاقى نقطه يقرب فيها من ابنه وكمل كلامه بص يا ادم طبعا انا معنديش مانع علي هدير ويا ريت توافق ،بس مكنش ينفع تعمل كده غير لما تقولي ..والاهم تكون متفق مع البنت ،بدل ما تحط نفسك في موقف وحش ،دلوقتي مش هتعرف تتعامل معاها قدمنا .
ادم :بابا انا ورها لغايه ما اقنعها .
مهند :نفسك طويل ؟
ادم :ايوه يا بابا وأصبر واعمل اي حاجه بس توافق .
مهند : بس هي لسه تعبانه لازم تلاحظ كده .
ادم :طبعا بس لازم تشوف محارب بيجري ورها .
مهند : طيب و كرمتك .
ادم :جدو مره في قاعده قال في لأ بمعني ايوه لغه العيون اصدق وانا بقول عينها بتقول ايوه بس محتاجه وقت .
مهند :وانت عندك وقت ؟
ادم بيضحك :يعني في الحظر والحبس ده مفيش اكتر من الوقت ولازم استغله وان شاء الله توافق .
مهند :طيب
ادم :بس اوعي تزعل مني انت او ماما علشان ربنا يبارك وانا اسف يا بابا اني اتعديت وجودك مش هعمل خطوه بعد كده من غير الرجوع ليك .
مهند :لا انا مخلف راجل بس احب موجود في حياتك مش اذن يا ادم معرفه فاهم انا ممكن اعرف النتيجه واكون في الرسمي نفسي اروح اخطب لابني واكون ابو العريس .
ادم: باس باباه ان شاء الله .
مهند بغمزه :روح لماما اعتذر منها مش انا لوحدي الي تتاسف ليه مامتك كمان ليها حق عليك .
ادم :ست لبنه حبيبت قلبي كمان زعلانه وانا اقول البت مش موافقه ليه اتاري رضا الام والاب وقف الموضوع انا رايح ليها خلى الامور تمشي .
ادم وقف قدام باب الاوضه يخبط.
لبنه :ادخل .
ادم طل من الباب بدماغه
ادم :حبيبت قلبي الي زعلانه مني .
لبنه اديته ظهرها و مش بتتكلم .
ادم :قرب وحط ايده على كتفها وباس دماغها ده انا وحش اوي اني زعلت موزتي الكبيره ،لبنه ..لبنه
لبنه مش بترد هي زعلانه قلبها وجعها من ابنها .
ادم :ماما ماما انا اسف والله ما كان قصدي ازعلك انت وبابا اسف اني بعت عن الاصول والله ما هتكرر مش هقدر على زعلك يا ست الكل .
هنا لبنه لفت لابنها قلب الام ضعيف ويصفى بسرعه .
لبنه :يعني بتعترف انك غلطان .
ادم :طبعا والغلط من ساسي لراسي .
لبنه :وماما هتكون اول واحده تعرف ادومه ابنها هيعمل ايه ؟
ادم :طبعا يا حبيبت قلبي وباس ايدها ربنا يخليكي ليه يا حبيبتي .
لبنه :طيب قلب ادم حبيب ماما وبتشاور علي قلبه دق امتي واعلن حبه لهدير .
هنا ادم نام وحط راسه على رجل مامته الي بتلعب في شعره.
ادم :لو قلت لك واحنا صغيرين وبعدين جه تراب غطى الحب ده وخلاه مداري ومش شايفه تفهميني؟
لبنه :يعني ايه من زمان طيب اشرح كده .
ادم :ماما انا كنت تقريبا في اعدادي وكنت بحبها هدير مختلفه مش زي دليله وديما ولا حتى مي عي في مكان تاني ليها مكانه حتى روحت قلت لها اني اما اكبر هتجوزك بس هى كانت صغيره وانا قلت انه لعب عيال ودخلت الجامعه دوختني حياه الجامعه بنات و ولاد وارتباط وحب شدني الجو ده بعيد عن الحب ده وبقيت اجرب اخرج وارتبط بس ولا واحده حبتها ولا واحده قلت لها اني بحبك كنت بقول معجب شاغله تفكيري كلمه الحب عمري ما قلتها .
لبنه :طيب ايه الي رجعك تاني ؟
ادم :هدير نفسها بعينها الي بتلوم ومش بتصرح مرضها الي وجع قلبى هي قدامي على طول عمرها ما بعدت بعدها صاحني يا ماما .
لبنه :ربنا يا حبيبي ينولك الي في بالك بس هي رفضتك .
ادم :ايوه بس انا هغير رائيها بس اصبري عليا .
قام باس خدها وكمل كلامه .
ادم :انا داخل انام وانت مش مطلوب منك غير الدعا ب**افه يا ماما .
لبنه ببتسامه : هدعي يا حبيبي انها توافق .
في شقه ماجد
نبيل واقف قدام شقه ماجد بيخبط الباب
ماجد فتح الباب وكان نبيل
ماجد :اهلا يا بابا منور اتفضل ادخل .
نبيل :دودو عامله ايه .
ماجد :الحمد لله كفايه انها في البيت ده يطمني عليها .
نبيل لاحظ انه بيتف*ج علي الاخبار .
نبيل :هاه الاعداد كام النهارده ؟
ماجد :زادو يا بابا ١٤٥.
نبيل :استغفر الله العظيم ،ليه كده ؟
ماجد :تخيل يا بابا كنت بسمع دلوقتي دكتور ،بيقول ممكن ان في ناس جتلهم الكورونا وخفوا منها وهما مش عارفين انها كورونا .
نبيل :حامل المرض يعني ؟
ماجد :لا يا بابا في المانيا جابوا مائه وعملوا ليهم تحليل دم لقوا 20٪منهم عندهم اجسام مضاده للكورونا .
نبيل :وده معناه ايه ؟
ماجد :معناه انه جالهم وجسمهم دافع عن نفسه وخفوا ؟
نبيل :من غير دوا ؟
ماجد :ممكن وفي منهم قالوا انه كان عندهم دور برد بس مناعتهم جامده .
نبيل :اداله الترمس السخن .،خد شرب. دودو ،هيزود مناعتها .
ماجد :سياده اللوا بنفسه ،عملها .
نبيل :انا ربنا مطول في عمري علشان باخد بالي منكم .
ماجد باس ايد باباه :ربنا يخليك لينا .
نبيل وقف:وسيبها اوعي تضغط عليها في موضوع ادم .
ماجد :بابا انت اكيد عارف حاجه ايه بقه هاه؟
نبيل :خلي بنتك تعمل الي هي عايزاه فاهم ؟
ماجد :حاضر يا بابا بس عايز افهم هي مش عايزاه ليه ؟.
نبيل :هي فين ؟
ماجد :نايمه .
نبيل :لما تصحي اديها الترمس وقول لها جدو عملها ليكي مخصوص …واسالها وبعدين انت ابوها لازم تقرب منها مش عايز يوم تلومني اني بلغي وجودك .
ماجد :انت تلغي وجودي برحتك يا حج انا موافق ،وبيضحك .
نبيل بملامح جد :لا غلط يا ماجد انا مش هعيش العمر كله لازم تكون موجود في حيات ولادك قرب منهم لازم تسمعهم علشان اما اكون في علم الغيب تبقى قريب والولاد ما يتوهش انا عامل مساعد .
ماجد :بعد الشر عنك يا بابا ايه الكلام ده .
نبيل :حبيبي ديه الحقيقه المؤكده في الحياه وانا مش عايز اندم على قربي من احفادي انه خلاكم انتم بعاد عنهم انتم اولي انتم الباقين .
ماجد :يا بابا .
نبيل :قاطعه اسمعني زي انا ما كنت موجود في حياتكم لازم انتوا كمان تكونوا موجودين ديه سلسله مربوطه في بعضها فاهم يا حبيبي ،كملها انت واخواتك وبعدهم ولادكم وانا عامل مساعد .
ماجد باس ايد باباه :حاضر يا احن جد واعقل اب في الدنيا.
نبيل خرج وماجد راجع كلامه مع ابوه ومراته وعرف نتيجه واحده انه مقصر مع ولاده ولازم يلحق نفسه .
اقتباس من الجزء القادم
العلاقه ...الي تتنتهي في الاول بتفاهم احسن ما تنتهي بمشاكل .
ادم :تعرفي اول مره اعرف انك عاقله اوي ،كده ،وتحليلك سليم ، انا مش زعلان لهجر حبيب صح اه مضايق عادي لكن هجر الحبيب اكيد مشاعر تانيه خالص ،شكرا علي التوضيح وربنا معاكي .
- Writer
