الجزء الثامن
2094 Words
يوميات الكورونا
الجزء الثامن
بعد ان جعل نبيل احفاده كلهم واولاده يعملوا في تنظيف المنزل ومع اعتراضهم لكن وافقوا ومين يستطيع ان يرد كلمه للواء نبيل
وهاله تركت عمر في شقتهم ونزلت تساعد الستات وبعد فتره طلعت تطمئن على عمر …وهنا كانت المفاجاءه في شقه هاله وعمر ،عمر بيوضب شنطته .
هاله :عمر انت بتعمل ايه ؟
عمر :انا رايح الحجر الصحي الي في مرسي مطروح .
هاله :يعني ايه رايح الحجر الصحي الي مرسي مطروح ؟
عمر :يعني شغلي طالبني يا هاله ،طبيعي الدكاتره كلها في طورائ يا حبيبتي .
هاله : لا يا عمر انا حسه انك مرتب الموضوع ده علشان تبعد عن البيت .
عمر مش بيرد بيكمل توضيب الشنطه .
هاله بتكمل كلامها :انا خايفه عليك يا عمر ارجوك بلاش الي بتعمله فيا انت لو حصلك حاجه انا هموت وراك .
خدت اللبس ورمته على السرير و مسكت ايده بصلي معقول تكون مش حاسس اني بتقطع من الخوف عليك رد عليا .
عمر : باس ايدها وبص في عينها وبعدين في الكلام الاهبل ده هاله انت فلبى وحاسس بيكي طبعا يا هاله لازم تفهمي ان لكل أجل كتاب ،والله لو قدري اموت النهارده وانا واقف جنبك هموت ،لو ربنا مقدر ده ..وبعدين لو مت هبقي شهيد ،ياه زي الي بيموتوا في الحرب .
هاله بدموع : توضع ايدها على شفايفه ،بعد الشر عنك وترجع ليه وللولاد بكل صحه وخير .
عمر اخدها في حضنه :هاله انت قويه وكويس اننا في البيت مع عمي نبيل وطنط سناء ، خالي بالك من الولاد ،وانا كل يوم هطمنك ومعاكي علي التليفون وباس دماغها وكمل كلامه عايز اشوف ضحكتك قبل ما امشي ،الابتسامه الحلوه النغزات تبان الي جبتني على مالى وشي .
هاله ضحكت فبان النغزات فمسكها عمر بيده وميل وباسهم .
عمر :انت حبيبت عمري الي فات والي جي ربنا ميحرمنيش منك ولا من الضحكه الي بتملى قلبي وحياتي .
هاله رفعت نفسها وباسته وهو اخدها في حضنه ليودعها .
طلعوا من الاوضه ،كانت مي ومحمد موجودين قاموا وقفوا وشافوا الشنطه وفهموا ان بابهم هيمشي علشان خايف عليهم زي ما جدهم قال لهم .
عمر:محمد انت راجل البيت لازم تخلي بالك من ماما واختك في غيابي ،ومذاكرتك اوعي تهمل فيها ،طول عمرك متفوق ،واي كان الظروف ان شاء الله تجيب مجموع .
محمد :ان شاء الله يا بابا
عمر :ميمو قلب بابا ،خلي بالك من نفسك ،ومذاكرتك انا عارفه انك شطوره والجامعه بتعتك رسم في رسم وانت بتحبيه ،التقدير يا حبيبي ،مش هتنازل عن جيد جدا .
مي :يا بابا فنون جميله فيها مذاكره والله مش كلها رسم ،وحاضر التقدير هحاول بس مسموح بجيد علشان الظروف .
عمر :اعملي الي عليكي ،يلا اشفوكم بخير يدوب اسلم علي عمي وطنط وامشي .
مي دخلت في حضنه ومحمد شال عنه الشنطه ونازلين كلهم .
في الجنينه الكل واقف بيسلم علي عمر وبيدعوا له ،نبيل عينه علي بنته الي دموعها نازله وراح ناحيه عمر.
نبيل :انا عايزك تخلي بالك من نفسك ،اعتبر نفسك في الجبهه ورايح تقابل العدو .
عمر :لسه كنت بقول كده لهاله ، عمي الي مطمني علي هاله والولاد انهم تحت رعايتك .
نبيل :كلنا في رعايه الله ،لا اله الا الله .
عمر :محمد رسول الله ،وركب عربيته ومشي .
نبيل اخد هاله في حضنه هي ومي .
محمد :ماشي يا جدو هو انا وقعت من قعر القفه ؟
نبيل :استرجل يا واد ،الستات محتاجه للحنيه والص*ر الحنين ،وانا مفيش احن من ص*ري .
محمد :والله شكلك كنت مقطع السمكه وديلها محمد بيحاول ان يكون متماسك علشان هاله ومي في حاله انهيار فحب يخفف عنهم .
سناء: ياه يا محمد وبتحضنه ،جدك ده قطع الحوت وديله .
نبيل :كده يا سون سون انا غلبان .
سناء :علي يدي ،ههههههههه.
هاله بتمسح دموعها هي ومي وبتضحك :لا يا ماما اذا انت كنت بتحكي ليه عن حبه ليكي من وانتم صغيرين .
سناء :المحاميه بتاعه باباها حضرت .
نبيل بيبوس دماغ هاله احلى محاميه .
نبيل :دايما ناصراني قدام مامتك يا هلول .
مي :عارف يا جدو انت فارس احلامي ونفسي الي يجي يوم واتجوزه يعاملني زي ما انت بتعامل تيته بكل الحب ده .
سناء:هو طبعا مفيش زي جدو بس ربنا يبعت ليكي واحد زيه او نقول نصه .
نبيل :اي حد هيجي هدخله امتحانات واختبارات علشان ياخد اي بنت من العيله انتم غالين قوي فاهمه يا ميمو .
مي :طبعا يا حبيبي .
نبيل قدر يخرج هاله ومي من الحزن لكن كانت عينه على محمد الي كان موجوع فعلا .
محمد :انا رايح اذاكر وجري علشان كان عايز ينفرد بنفسه كان كاتم مشاعره قدام الكل علشان يعبر عن خوفه لوالده ،لكن على مين ذهب محمد عند التكعيبه الي فيها المذاكره وسمح لدموعه ان تنزل لكن نبيل كان وراءه .
نبيل :نزل دموعك يا محمد محدش موجود الي بداري دموعك علشان تبان انك قوي قدمهم مش موجودين وجدو ستر وغطا عليك .
محمد رمي نفسه في حضن جده وفعلا سمح لدموعه بالنزول .
محمد :بابا وصاني اني اكون راجل في غيابه لكن مش قادر يا جدو امسك نفسي اكتر من كده .
نبيل :وانت كنت راجل وطلعت اختك ومامتك من الزعل طلع زعلك يا حبيبى نزل دموعك بس على شرط متنزلش تاني وثق في ربنا ان هيرد عمر لينا سالم غانم .
محمد :انا بحبك قوي يا جدو .
نبيل يطبطب عليه :وانا بحبك قوي يا محمد .
هدير في اوضتها نايمه علي السرير دخلت عليها دليله
دليله :ايه يا بنتي مختفيه من ساعه حمله التنظيف ليه ،؟وجدو كمان سيبك ،انا مستغربه الصراحه رغم انه ساحلنا النهارده معرفش عايز ينظف حته من الجنينه ،شكله هيخلينا نحفر بير .انا عرفت اهرب منه شويه طلعت شقتنا وبصيت لقت حضرتك مش موجوده قلت هربتي زي
هدير بصوت مبحوح :انا تعبانه يا بنتي عندي دور انفلونزا وجسمي م**ر قوي كنت بردانه وبرتعش طلعت بسرعه ودخلت اوضتي .
دليله :قامت وقفت بعيد ...كورونا. .
هدير :هههههه والله الشك هيموتني .
دليله :انت قابلت حد راجع من السفر.
هدير :لا بس روحت فرح ندي وكان في فندق مليان سياح .
ملحوظه الاحداث كانت في اول الكورونا وكان الي بيجي له اكيد اتعرض لحد جي من الخارج علشان كده كانت البلاد بتغلق الطيران لتقليل الاعداد.
دليله :لا لا بعد الشر .
هدير انا بابا لاحظ تعبي وطلع ورايا لاقني تعبانه كلم ماما طلعت وكلمت عمو عمر وعمو عمر كمان كلمني وقلت له الاعراض وعمو عمر قالي خليكي قاعده في الاوضه وابعدي عن الكل وطمني علشان معنديش حراره والكحه فيها بلغم ،بس قالي احتياطي يومين كده في البيت ،وزمان ماما قالت للكل دلوقتي .
دليله : انا معرفش انا كده اعمل ايه قامت وقفت طيب يا حلوه بينا واتس اب بقه ،ولو عيت هيكون زنبي في رقبتك ،صحيح عمو و. طنط سابوني ادخل كده عادي !.
هدير :اكيد في اوضتهم علشان كده محدش وقفك و يعني ما انت شايفه لابس كمامتين وانا على بعد منك بس انت صح المفروض محدش يدخل عندي لغايه اما نتاكد .
دليله ببتسامه:على فكره انا بضحك علشان لو كورونا اكيد خلاص كده احنا العدوه كانت قريبه مننا كلنا .
انا نازله هطمن عليكي بالتليفون .
طبعا الخبر انتشر في العائله ونبيل طالع يطمن على هدير .
دليله خارجه خبطت في جدها
دليله :جدو بلاش انت علشان خطر ،محذرين علي كبار السن .
نبيل:يعني انت خلاص قلتي ان عندها بعد الشر كورونا .
دليله :يا جدو حتي لو انفلونزا عاديه مفيش داعي انك تكون مخالط ليها وبعدين عمو عمر قال كده احتياطي .
هدير من جوه :يا جدوا انا كويسه خد البت ديه وامشوا .
دليله :المفروض نكتب علي اوضتها م***ع من الزياره .
نبيل :محدش يمنعني من زياره احفادي .
ماجد طلع من اوضته بسرعه ومسك باباه
ماجد :يا بابا هي كويسه صدقني .
نبيل :ياد انا شباب اكتر منك .
ماجد :ما انا عارف علشان كده عايز احافظ عليك .
نبيل ضحك عليه وطلع كمامه وجلفز :انا هدخل لهدير كده ،اطمنت .
ماجد بيضحك :يعني هتأمن نفسك ....ماشي يا بابا بس ممكن مسافه كمان احتياطي مسافه امان علشان خطري .
نبيل امن نفسه ودخل لهدير الي لبسه الكماتين اما سمعت جدها .
هدير :يا جدو مفيش فايده دخلت ..يا حبيبي تتعدي .
نبيل :حبيبي الرقيق عامل ايه ؟
هدير :جسمي م**ر بس والكحه صعبه .
نبيل :قلب جدك ، طيب اكيد ده دور انفلونزا عادي خدي الدوا وهعمل ليكي خلطه اعشاب تروقك من ايد جدو حبيبك .
هدير :تسلم ايدك يا جدو ممكن تطلع بقه .
نبيل :هطلع بس هقولك علي حاجه يمكن تبسطك الواد ادم سأل عليكي ،ولما عرف انك تعبانه اتخض اوي ومسك امك اساله و فتح تحقيق معاها ،مش عارف نوع الخضه خوف عليكي ولا منك ،.بس كان عايز يطلع يشوفك قلت في نفسي يبقي كده خوف عليكي ،يلا فوقي كده .
هدير :طيب هو سأل ازاي يا جدو ؟اكيد يطمن زي ما يطمن علي دليله وديما .
نبيل :اقولك الي حصل يا قمر .
فلاش باك
ميار قالت للكل ان في شك ان هدير عندها دور انفلونزا بس ممكن يكون كورونا ونبيل وقف وميار بتكمل كلامها وكلمنا عمر وقال تتحبس في الاوضه .
ادم :يعني هي تعبانه قوي سخنه يا طنط .
ميار :لا الحمد لله،بس الاحتياط واجب .
ادم :طيب لو تعبت جامد هتعرفوا ازاي وهي لوحدها في الاوضه .
ميار :هتكلمني يا ادم ما تقلقنيش اكتر من كده وبعدين انا بلبس كمامه وبدخلها .
طيب خليها تفتح اللاب توب بالكامير وحضرتك راقبيها عن طريقه .
ميار :هشوف يا ادم انا طالعه .
نبيل طالع وقفه ادم .
ادم : اوعى تطلع يا جدو .
نبيل : هطلع يا ادم ابعد عن وشي .
ادم :يا جدو خطر عليك لو كورونا .
نبيل :ابعد يا ادم .
ادم :طيب هطلع انا اطمنك .
نبيل :لو اي حد تعب هطلع واطمن عليه ومحدش يمنعني.
ادم بعد من امام جده وقاله طيب انا ممكن اطلع ليها كمان .
نبيل :لا يا ادم مفيش داعي مش عايزين قلق .
عوده للواقع
نبيل :ده الي حصل اسيبك يا قلبي وشغلي اللاب توب زي ما ادم قال .
هدير ببتسامه :حاضر .
هدير بتتمنى انها تكون شغله تفكير ادم بطريقه تانيه غير انها زي دليله وديما لكن مش عايزه توهم نفسها نامت على السرير ومسكت اللاب توب تظبطه على موبيل مامتها وبتحاول تشغل الكاميرا .
في اوضه ادم رايح جي في الاوضه ،واميره بترن عليه قفل الصوت وقاعد مضايق ،وبيكلم نفسه ،هو انا مضايق وقلقان كده ليه علي هدير ،وبعدين يعني ما جدو طمني و طنط ميار كمان .
اكيد لازم اقلق عليها زيها زي دليله وديما ومي .
مسك تليفونه ولقي اميره .
اميره :ايه ده كله كنت فين ؟
ادم :يعني شايفه اني مقطع الخروج في البيت .
اميره :طيب ليه مردتش عليا .
ادم :مكنتش فاضي ،انت بتعملي ايه ؟
اميره :متجمعين عند سها انا وهي واحمد وداليا ودينا.
ادم :انا مش قلت مفيش خروج .
اميره :هو كده خروج انا في بيت وهنبات مع بعض .
ادم :كمان هتنامي ...ايه الحلاوه ديه .
اميره :انت بتتحكم فيه ليه ؟
ادم :صحيح ليه ،،انت مش عارفه ؟
اميره :ايوه احنا مرتبطين ،وحتي لو مخطوبين ،متفتكرش انك هتتحكم فيه .
ادم :ده كلام جديد .
اميره :جديد قديم انا محبش الخنقه .
ادم :يعني انت عارفه نتيجه كلامك ايه ؟
اميره :ايوه عارفه .
ادم :كويس انك عارفه وبتفضلي خروجاتك وحياتك الفاضيه عليه .
اميره :مش بفضل بس ديه الحياه الي بحبها .
ادم :وانا مش بحبها وبقولك اختاري ؟ومش عايز ردك دلوقتي مع السلامه.
ادم كأنه كان عايز سبب يتخانق مع اميره ديه طريقتها من اول ما عرفوا بعض لكن هادي وضح له انها مش هتتغير وهو حب يحطها في أختبار انها ممكن تتغير علشانه ولا لأ ،ومع كما ضيقته وقلقه على هدير جعله سبب ان يحط اميره في الاختبار بدري ويمكن ردها المستفز بالنسبه ليه انه مش هيتحكم فيها كمان عجل بقراره ،هو راجل وكلمته لازم تتسمع هو مش تحكم بس مصلحتها كده ادم غمض عينه حاول ياخد هدنه من التفكير في اميره والتفكير في مرض هدير .
اصوات كتير في دماغه بتقوله ان اميره مش هتقبل حد يقلل من حريتها من طريقه حياتها .
علشان كده ما ينفعش تدخل حياه شخص وتقول اغير فيه لان التغير صعب لكن ممكن يعمل ما تريد من اجل خاطرك بس هيبقى م**ور في حوار اقناع بين الطرفين بدون المساس بحريه الاخر ،مش امر واقع لكن في حدود مطلوبه من كل طرف والتزام وشروط كل طرف عليه ان يوافق عليها او يرفضها واذا قبلها ما ينفعش غير رأيه لان قبل التنازل عنها في الاول .
نرجع لادم واختباره لاميره ونتيجته الي هنعرفها في بارت قادم .
اقتباس من البارت القادم
نبيل خرج جري وبيبص علي الاسعاف .
نبيل :انت ازاي تتصرف لوحدك ؟مش تقولي ؟
الكل شايف هدير نازله وهي لبسه لبس التعقيم والدكتور طلب ان كل الموجودين مايخرجوش واي حد مخالط للحاله يظهر عليه اي ظاهر يتصل بيهم .
نبيل :دكتور يعني انت متاكده انها ...وعينه اتملت بالدموع .
الدكتور :هنعمل التحليل ونشوف النتيجه ويا رب تطلع سلبيه .
نبيل :يا رب وعينه علي هدير ،حبيبت جدو متخافيش ان شاء الله هتبقي كويسه .
في البلكونه ادم واقف ولاول مره منذ صغره دموعه تنزل ،هو صحيح الكل بيعيط لكن ادم متوقعش كده .
- Writer
