الجزء العشرون دعم العائله
2042 Words
يوميات الكورونا
الجزءالعشرون
في الجزء السابق مستمر ادم في محاوله اقناع هدير بحبه وهو فعلا شغال جامد اغاني ورقص ومكالمات تليفون كلها كلمات تنبض بالحب و محمد وديما وهنا نجد محمد اتفق معاها على التأجيل في الكلام عن موضوعهم حتى انتهاء الامتحانات .
وكان الخبر المفزع عندما جاء الاتصال من الدكتور احمد صديق عمر ان عمر اصيب بالكورونا وعلى هاله ان تخبر الكل وتاخد احتياطاتها وتعيد التحليل لهدير واخبرت هاله والدها نبيل وكأن الدنيا لا تريد فرح في العائله نبيل قال لهاله ان تتركهم سعداء ويخبر الكل بعد مجئ مهند وماجد .
في الوقت ان الشباب كلهم في الجنينة وصلت عمتهم الحبيبه فريال من السفر
فريال بنت اخو نبيل ونزلت علي بيت عمها زي ما هي متعوده كل سنه في الاجازه ومعاها ولادها الاتنين حسام مهندس طيران شغال بره وحازم اخر سنه هندسه عماره ودراسته بره مصر في السعوديه .
من هي فريال ؟
فريال هي فريال خليل الصفواني ابنه خليل اخو نبيل الذي توفي هو وزوجته وترك فريال في رعايه عمها نبيل وتربت مع اولاده وكانت هي اختهم الثانيه مع هاله هي بالفعل اخت مهند في الرضاعه وتزوجت من محمود صديق مهند وهو مهندس يعمل في السعوديه وكانت اول زغروطه فرح في بيت نبيل كانت لفريال وهي طبعا عاشت مع زوجها هناك لكن كانت كل اجازه تنزل عند عمها هي واولادها.
راح ادم وقف وعم عطيه مش عارف يدخلهم ولا لأ
ادم :ايه يا عم عطيه ما تدخل عمتو وولدها .
عم عطيه :اصل مافيش اومر .
ادم : اومر علي عمتو فريال يطهروا ويدخلوا هات ادوات التعقيم وتعالي ورايا .
ادم فتح الباب بنفسه لفريال وحسام وحازم وعلي وجهه ابتسامه حب وترحيب .
ادم :حمد لله علي السلامه يا عمتو ،ازيك يا حسام منور يا حازم ،ادم عمل اجراءات الدخول وطهرهم وسناء جاءت مسرعه بعد ان علمت بوصلها فهى ابنتها المحببه لها تربيتها وكانت مفتقدها واخدت حسام وحازم بالاحضان مع اعتراضهم علشان خايفين من الكورونا لكن سناء رفضت هذا الكلام والكل سلم عليهم باشتياق وترحاب وجلسوا يتكلموا وبيهزروا ،حتي هدير نزلت زي ما ادم قالها لترحب بعمتها .
فريال كانت شخصيه محبوبه للكل ونزلت لبنه وميار يسلموا عليها فهم يعرفوا معزتها عند اخوتها مهند وماجد وخصوصا مهند لانه اخوها في الرضاعه وبعد السلامات .
فريال :الله فين عمو وفين هاله بره ؟
سناء :عمك نبيل فوق عند هاله كلمته طلع عندها اكيد حاجه باظت ،وانت عارفه هاله بتغرق في شبر مياه.
فريال:واكيد الرجاله في الشغل .
لبنه :ايوه مهند وماجد وعمر .
فريال :احنا الكل بيشتغل من المنزل محدش بينزل work at home.
ميار :هو كده احسن امان ليهم يا ريت يعملوها في مصر .
لبنه :الاعمال المكتبيه ممكن تتعمل من البيت لكن الموقع للبناء ازاي من البيت اكيد الكل هينزل .
فريال :فعلا ده مينفعش من البيت وتلف تبص علي البنات .
فريال :احلي بنات في الدنيا ازيك يا دولي وانت يا ميمو وحبيبتي يا دودو بقتي احسن ماما سناء قالت ليه على ازمه مرضك .
هدير :انا احسن يا عمتو الحمد لله .
فريال:والعكروته الصغننه ديمو ثانويه عامه يا ناس مش كنتي بتقولي كده في الصيف الي فات .
ديما :اه يا عمتو ادعي خلينا نخلص من السنه ديه لحسن تحسي انها منحسه قوي .
فريال :تعدي وتفتكريها انت ومحمد اخر الاحفاد الي في الثانويه وبعد كده نرتاح من الصغط ده .
محمد :اه يا رب نرتاح وبنتيجه حلوه .
فريال :ان شاء الله .
سناء :انت جيتي لوحدك انت والولاد وسبتي محمود .
فريال بضحك يا روح ما بعدك روح سبته ونزلت واخدت ولادي ههههههه الكل بيضحك على كلام فريال .
علي نزلت نبيل وهاله بعد ما هاله هديت نبيل اخدها نبيل ونزلوا يسلموا علي فريال .
شاف فريال وولدها وانهم قاعدوا.،قال في نفسه يا نهار اسود يا عيني هاربانين من الكورونا هناك جاين ياخدوها هنا .
هاله :بابا دول قاعدوا وشكلهم باقلهم فتره .
نبيل :خلاص مش عايز ولا كلمه الي حصل حصل هيتحبسوا معانا وربنا يستر .
نبيل :حمد لله علي السلامه ،حبيبت عمها .
فريال قامت جري علي عمها فهو الي مربيها و بعد موت والدها ولدتها قامت سناء برضعتها مع مهند ،وكان مسئول عنها حتى تزوجت وسافرت .
نبيل :من غير احضان ولا بوس انت وحشاني ،بس ما ينفعش .
فريال :يعني جت عليك يا عمي ما انا بوستهم كلهم .
هاله :كلهم وهنا عيون هاله برقت من الخضه .
فريال:وحشاني يا هلول وراحت اخدتها في حضنها .
هاله :وانت يا فيري وهاله مصدومه وخايفه لكن مش عارفه تتكلم .
حسام لحازم :امك بقت فيري .
نبيل :ازيكوا يا ولاد .
حسام :فل الفل يا جدو وراحو الاثنين باسوا جدهم هما حاسين بحنان الجد لان فعلا بيحبهم مثل احفاده .
نبيل :وانت يا حازم ؟
حازم :هو قالك فل انا فولين .
نبيل :انتوا ازاي نزلتوا ده الطيران واقف من اسبوعين .
فريال :مفيش يا عمو هما قفلوا الدنيا في السعوديه وقال الي عايز ينزل بلده ينزل ،محمود قالي انزلي انت والولاد وهو هيستني مرديش يرجع معانا في قلق خايف ينزل ينهو عقده وحسام شركه الطيران اعطت كل العاملين اجازه ،والواد حازم الجامعه قفلت .
وبعدين احنا وصلنا هنا من اكتر من اسبوعين دخلين علي الثالث وكنا في الحجر في مرسي علم ومردتش اقول لطنط سناء وانا بكلمها كل يوم علشان اعملها مفاجاءه .
نبيل قاعد بيسمع والكل بيضحك دخل مهند وعم عطيه عقمه كالعاده وسلم علي فريال ،و وعلي حسام وحازم ،وبعديه دخل ماجد واتعقم هو كمان وسلم عليهم
حسام من اول ما دخل عينه على دليله واقف ساند جنب دليله الي بتحاول تتهرب منه ومن نظراته فهو اخبارها انه يريد ان يتقدم لها ليتزوجها لكن هي كانت مش عارفه تاخد قرار لانه بالرغم انه قريب لهم لكنه بينزل شهر في السنه وهو غير كافي لتاخد قرار بالاهميه ديه واتفقوا انه الاجازه القادمه هتقول ردها ليه.
فلاش باك
جاءت اجازه الصيف وكالعاده فريال نزلت مع ولادها وجوزها عند عمها نبيل في الملحق ،والطبيعي ان الاحفاد كانوا بيخرجوا كلهم مع بعض وينظموا سفريات وخروج مع بعض .
وهما في الساحل الولاد كلهم نزلوا البحر الا دليله وحسام الي انتهز الفرصه ليخبر دليله بمشاعره .
حسام : ليه ما نزلتيش البحر ؟
دليله :لا مليش نفس و تعبانه شويه .
حسام بحب :الف سلامه ان شالله انا .
دليله :الله يخليك يا زوق .
حسام :دليله ممكن اسلك سؤال ؟
دليله :اتفضل
حسام :في حد في حياتك ؟يعني مرتبطه بحد ؟
دليله :لا طبعا ليه ؟
حسام بيعدل نفسه بيبص في عينها الي هي ارتبكت من عيون حسام .
حسام :علشان ان معجب بيكي يا دليله ومن زمان بس انا كنت لسه في الكليه وقلت اما اتخرج واشتغل اتقدم ليكي .
دليله في حاله **وف جامد ومش عارفه ترد اول مره تكون في الموقف ده.
حسام :ممكن اسمع ردك من غير **وف انا ما صدقت ان الشله كلهم في البحر لاني مش بشوفك لوحدك .
دليله ب**وف :حسام انت شخص محترم وكفايه ان ابن عمتي بس الصراحه انا عمري ما شوفتك غير زي اخويا.
حسام:بس انا عمري ما شفتك اخت ولا ما كنتيش ملاحظه اهتمامي مختلف عن باقي بنات العائله .
دليله :كنت فاكره اهتمام علشان انا اقرب واحده في السن ليك .
حسام :اللهم ما طولك ياروح كان اهتمام بحبيبه يا دولي .
دليله :طيب المفروض اقول ايه ؟
حسام :قولي اه لا في امل هفكر اي حاجه .
دليله :طيب ممكن تديني فرصه افكر اشوف ممكن تتنقل لزوم تانيه عندي .
حسام :طبعا ممكن بس ممكن اسالك في امل ؟
دليله :اه .
حسام :الحمد لله.
دليله :بس ممكن اتعرف عليك بطريقتي.
حسام :هو انت مش عارفني ؟
دليله:حسام انت بتيجي شهر في السنه مش كافي اتعرف عليك .
حسام :خلاص نتعرف ونتكلم في التليفون بس في الاخر انت بنت خالي ولازم الكل يعرف اني هكلمك او علي الاقل نقول يدونا فرصه .
دليله :طبعا كنت هقول كده .
حسام :على فكره ماما عارفه ومن زمان .
دليله :طيب قول لبابا وماما وطبعا جدو.
حسام :اكيد .
رجع الكل علي الشاليه والكل قاعد فريال بدات الكلام .
فريال :كنت عايزه اتكلم في موضوع مهم .
نبيل :ايوه يا حبيبتي .
فريال :انا عاوزه اخد دليله لحسام .
مهند :تاخديها ازاي .
فريال :يتجوزوا .
مهند :جواز خبط لزق.
فريال :لا طبعاتنا بقول نديهم فرصه يقربوا من بعض و يتكلموا لو ربنا جمعهم يبقى نتمم الجواز.
مهند :يتكلموا مفيش مانع .
نبيل:استنى يا مهند فريال طبعا كويس اننا عارفين بس معرف*نا مش حمله ضغط على البنت لو هي توافق احنا نوافق ترفض احنا لسه عائله و الموضوع ده محدش يفتحه للسنه الي جايه ،وهو وهي يحاولوا يقربوا من بعض .
فريال :خلاص يا عمي انا موافقه .
مهند ولبنه: واحنا كمان .
فريال قالت لحسام على القرار وهو كان بيكلم دليله كل فتره في التليفون علشان يقربوا من بعض لكن محدش فتح مع دليله كلام مباشر من العائله حتى البنات كانت دايما تقفل الكلام وحتى المكلمات بينهم كانت رسميه جدا لان طبيعه دليله جامده مش رومانسيه زي هدير ،وحسام اخر مكالمه قال لها انها يجب ان تاخد قرارها علشان اما ينزل ،و دليله من ساعتها بتتجنب الرد عليه .
عوده للواقع
دليله طبعا حسه بنظراته وبقربه منها وبتحاول تتهرب منه وخصوصا انها لم تاخد القرار لسه رغم المكلمات والتقرب مش عارفه تاخد القرار والكل يعلم لكن تركوا لها اتخاذ القرار وحازم بيهرج مع الكل ،وهو شخصيه مرحه عنده كريزما تشد وكل البنات بيضحكوا معاها وده مضايق ادم ومحمد لكن الغريبه ان هادي كمان مضايق هادي لا يعلم سبب ضيقه من حازم لانه حاسس انه بيجذب الانظار ولا لانه بهزر مع البنات اخواته وهو الكبير وهو حاسس انه يحميهم ولا في سبب اخر داخله لا يريد الاعتراف به ودائما يبعد هذه الفكره عن تفكيره لكن شكلها وضحت لكن وضحت في وقت لا يستطيع ان يتكلم ففضل ال**ت مع ملاحظه والحفاظ على محبوبته حتى يجي الوقت المناسب للكلام .
نبيل :بما ان كلنا موجودين انا عندي خبر .
سناء :في ايه يا نبيل ؟
نبيل :عمر جوز هاله محجوز في الحجر هو اتاكد من المسحه انه جاله الفيرس والكل محبوس بامر الدكاتره مفيش شغل مفيش خروج واي حد هيظهر عليه الاعراض يقول .
مي دموعها مغرقه وشها ولا تتكلم ومحمد وضع ايده علي دماغه من الخبر الاثنين كانوا عندهم يقين انه هيحصل. كده وعمر كمان كلمهم الاثنين بان يتماسكوا لو حصل انه اتعدي .
فريال قامت وقفت من الخضه
فريال :انا هاخد ولادي وهمشي .
نبيل بيشاور بايده ودماغه :مش سلمتي وبوستي وانت بوستوا انت كمان خلاص مخالطين وتتحبسوا معانا اقعدي اقعدي .
فريال قعدت :يعني انا هاربنا من هناك اجي اتحبس هنا .
حسام :ايه الحظ ده د احنا لسه طالعين من مراقبه وعزل هنتحبس ونتراقب تاني .
نبيل بيبص علي هدير :دودو حبيبتي قومي البسي حاجه تقيله هيجوا ياخدوكي ،ويعيدوا المسحه والتحاليل .
هدير بهدوء :حاضر يا جدوا عن اذنكوا .
ادم نط :ليه يا جدو كده هدير زي الفل ومسك ايديها صح انت كويسه ،صح ردي عليا ؟
هدير بطبطب علي ايد ادم ،ان شاء الله ادعي لي.
ادم :انا هاجي معاكي .
نبيل :اقعد. يا ادم مش عايز دوشه كلنا اتحبسنا ومحدش هيخرج ،هما هياخدوها ويرجعوها .
مي كانت في دنيا غير الدنيا ومحمد ايضا ما كانوا خايفين منه حصل وابوهم في العزل وعنده كورونا .
مي بتعيط :بابا يا ماما واترمت في حضن هاله والله قلبي كان حاسس .
محمد دمعه هربت منه ومسحها علي طول بس الي لحظتها ديما تذكر كلام والده بيرن في ودنه انا سايب ورايا راجل امك واختك في عينك مهما حصل لازم تبقى جامد .
محمد بهدوء :بس يا مي هيخف ان شاء الله .
هاله ؛هو قال لما يخلص هيكلمنا بس بقه ،مش عايزه تبشير وحش .
مي :بتمسح دموعها حاضر اهو اهو .
محمد :ماما يعني كلمك لسه بيكح .
هاله :هو كلمك وكان تعبان وانت ما قلتش ليه يا محمد .
محمد .هو قالي انه برد عادي وانه هيروح يطمن عند الدكتور وقالي ماقولش علشان معملش قلق .
هاله مسكت كتفه جامد وبتبص في عينه .
هاله :هو هيبقى كويس ان شاء الله يا محمد .،
لفت لمي واخدتها في حضنها وتشد في الحضن .
هاله :بابا هيكون كويس اوعى تعيطي فاهمه يا مي .
مي :حاضر حاضر .
فريال كانت في حاله صدمه من ما هي فيه هل ربنا ارسلها لتكون مع عائلتها وتمرض في وسطهم حتى لا تمرض في الغربه ولا ربنا ارسلها لتكون داعم ليهم .
هي لا تعلم لكن تفكيرها الان ان تكون الداعم وان اصيبت فهذه ارده ربنا في المكان الي ممكن ان تصاب بالمرض .
اقتباس من الجزء القادم
حازم :جت الحزينه تفرح مالقتش ليها مطرح ،انا قلت كده قرمط لازم الدنيا متمشيش معاه كده.
ادم :ليه يا قرمط ههه ليه يا حازم ،لعلمك قاعده البيت هنا فيها فوائد كتير ،جدك عامل لينا تدريبات مخصوصه ليه انا وهادي ،اكيد انت حسام هتشتركوا فيها ،صح يا هادي .؟
هادي :اه تدريبات تحمل فظيعه .
حسام :كويس .
- Writer
