يوميات الكورونا

الجزء واحد والعشرون انتظار النتيجه

يوميات الكورونا

الجزء الواحد والعشرون

في الجزء السابق وجدنا ان فريال بنت اخو نبيل وصلت ومعاها اولادها حسام وحازم وبعد السلامات نبيل قال ان عمر اصيب بالكورونا وانهم يجب اخذ حذرهم وان هدير هتعمل مسحه جديده للاطمئنان .

ويتذكر حسام كيف طلب ان يرتبط بدليله وانها اجلت القرار حتى تتعرف عليه اكثر وقرر نبيل انه لايتم فتح الموضوع ده الا بعد ما دليله تقول قرارها .

ونبدا الاحداث بارسال فعلا الدكتور احمد صديق عمر عربيه من الصحه ولكن اخدت المسحه ومشيت لان هدير ما كنتش سخنه وعملوا للكل مسحه كمان عاشان مخالطين للدكتور عمر بناء علي اومر عمر .

نبيل للدكتور :يعني هدير مش هتروح معاكوا .

الدكتور :لا يا فندم احنا عملنا مسحه للكل وخصوصا الانسه هدير لان كان في اشتباه فيها لكن الاجراءات دلوقتي لومفيش سخونه نسيب المريض في البيت ،علشان نخلي الحجر للحالات المؤكده و كمان تعبانه جامد ،

نبيل :طيب حاله دكتور عمر ايه ؟

الدكتور :هو مش حالتي لكن متقلقش ان شاء الله خير .

انصرف الدكتور والفرحه والتهريج اصبح **ت ومحدش بيتكلم خالص .

نبيل:ايه لا اسكت الله لكم حسا .

مهند:يا بابا الوضع ايه والدكتور قال ايه ؟

نبيل :الحمد لله هنستمر علي الحبسه الزياده انك انت وماجد مش هتخرجوا بس .

ماجد :بس احنا مش تعبانين .

نبيل :بس احتمال حاملين للمرض ، لغايه نتيجه المسحه وبعدين نشوف هنعمل ايه ،فريال انت عايزه ترتاحي قومي ادخلي اوضتك وحسام وحازم عندكوا اوضه مهند وماجد اقعدوا فيها .

فريال :ليه يا عمي ما نقعد في الملحق .

نبيل :انتوا كنت بتقعدوا في الملحق علشان محمود جوزك بيبقي معاكوا فياخد راحته ،

علي العموم الي يريحك .

فريال :خلاص يا عمي هعقد معاكوا تحت ،انا هدخل انام

مهند اخد لبنه وطلع وكذالك ماجد اخد ميار ،نبيل لاحظ نظره هاله ليهم .

نبيل اخد هاله في حضنه وبيتطبطب عليها .

نبيل :هيرجع ان شاء الله بالسلامه .

هاله :انا خايفه عليه يا بابا ...اوي .

نبيل :ربنا مش هيجب لينا حاجه وحشه الحمد لله هو بيكلمنا ويطمنا عليه .

سناء :خليكي تحت معانا يا هاله انت والولاد .

هاله :انا فوق في شقتي يا ماما وهي مش بعيده ،ده فرق كام دور ،علشان محمد ومذكرته .

الشباب قاعدين

حازم حب ي**ر قاعده الحزن والقلق الي الكل حاسس به .

حازم :جت الحزينه تفرح مالقتش ليها مطرح ،انا قلت كده قرمط لازم الدنيا متمشيش معاه كده.

ادم :ليه يا قرمط ههه ليه يا حازم ،لعلمك قاعده البيت هنا فيها فوائد كتير ،جدك عامل لينا تدريبات مخصوصه ليه انا وهادي ،اكيد انت حسام هتشتركوا فيها ،صح يا هادي ويغمز له .؟

هادي :اه تدريبات تحمل فظيعه وبيضحك .

حسام :كويس بس انا حاسس في تريقه .

هادي :ابدا هتدرب وتشوف .

هدير :انا طالعه انام

ادم:هدير دقيقه عايزك .

مشيوا بعيد عن الكل في اتجاه البيت .

هدير :ايوه يا ادم ،اكيد مش وقته ،اي كلام .

ادم :طبعا انا عايز اقولك اني جنبك ومسك ايدها جامد ، علشان لو بعد الشر انت عيانه ،انا تعدي و اروح معاكي .

هدير :سحبت ايدها .،خلاص ياادم بعد الشر عنك .

ادم :وعنك يا روح ادم .

هدير ب**وف ابتسمت ابتسامه خفيفه وطلعت ،وادم كمان طلع .

محمد وديما قاموا يذاكروا .

دليله :قومي يا مي نشوف ناناه نساعدها في الاكل دليله كانت عايزه تخرج مي من الحاله الي هي فيها و كمان تهرب من حصار عين حسام الي متابعها.

مي بزهق وبتعجب : نساعد ناناه ،اما تنادي .

دليله : لا دلوقتي زي كل يوم نقوم يا فالحه .

مي :انا قاعده روحي انت ما عنديش الطاقه بجد يا دولي .

حازم : خليكوا قاعدين ،ولما ناناه تنادي قومي .

هادي :لا قوموا احسن .

حسام :ليه يا هادي كده سيب مي برحتها ولو دليله عايزه تروح تروح هي لناناه

هادي : ما هو الاثنين لازم يقوموا لان احنا هنكمل الي جدو طلبه ،انا هروح اجيب العده .

حسام بيميل علي دليله .:اهربي اهربي الايام بينا وهتروحي مني فين يا جميل .

دليله ميلت عليه وبصوت واطي :انا مش بهرب بس ده مش وقته يا حسام .

حسام رفع ايده :اسف يا دليله بجد اسف بس كان نفسي اطلعك من المود يمكن خاني التعبير انا اسف وربنا يقوم عمو عمر بالسلامه .

دليله بصت علي مى :يا رب يا حسام علشان مي بجد مش تستحمل اي حاجه تحصل لعمو عمر .

حسام :ان شاء الله .

قام حسام وهو زعلان من نفسه كان يريد الخير لكن الاسلوب غلط .

دليله عينها عليه وهو ماشي لكن هي عندها حق كيف تفكر في ارتباط والعائله بها قلق قامت ناحيه شقه جدتها لتساعدها مع باقي الستات .

حازم بنظره قلق علي مي وبيكمل طريقته انه يخرجها من القلق

حازم :اخبار الرسم يا مي عايز اشوف حاجتك.

مي بحزن :اطلع علي الروف المرسم بتاعي انا وماما جدوا ظبطوا لينا .

حازم :طيب ابقي اطلعي معايا .

مي :ان شاء الله يا حازم

هادي حط العده علي التربيزه بنرفزه ومش عاجبه طريقه حازم في الكلام وخصوصا مع مي .

هادي :قومي مع دليله يا مي لناناه ،وانتوا عينه علي حسام وحازم يلا ننصب الخيمه ديه .

حازم :خيمه ايه ديه .

هادي :دي خيمه متعودين نعملها في الجنينة في رمضان وانا وادم الي بننصبها .

حازم :اهو انت قلت انت وادم انا مالي .

هادي :نعم يا خويا ما انت هتقعد فيها ولا مش هتقعد .

حازم :خلاص يا هادي بضحك معاك انت بقيت افوش قوي الصراحه وعصبي .

هادي :بغيظ لا عصبي ولا حاجه بس انت شايف حاله البيت مش عايزه تهريج .

حازم بجديه :غلطان يا هادي الزعل بيمرض الانسان علشان كده لازم حد يخفف الي حصل وانا بقوم بالدور ده علي فكره انا خدت كورس تنميه بشريه وعرفت ان الضحك او حتي الابتسامه بتفرغ طاقه الحزن من الانسان وتقلل الضغط النفسي الي بيكون فيه ،يعني انا بعمل كده للمصلحه مي الحزن و القلق ممكن يمرضها والكبار اكتر .

هادي بنظره مختلفه لحازم نظره شكر .

هادي :معلش يا حازم انا كنت مضغوط وطلعته عليك.

وبيكلم نفسه هو معاه حق بس انا بردو مش طايقه يكلم مي ويجذب انتباها .

حازم :ولا يهمك يلا ننصب الخيمه يا سيدي اومر جدو نبيل تنفذ .

في شقه هاله

بتحاول تكلم عمر لكن مش بيرد القلق بيموتها وخصوصا اما محمد قال لها انه كان بيكح جامد .

واخيرا تليفونه رن ورد .

عمر :ايوه يا هاله .

هاله :اخص عليك يا عمر القلق كان هيموتني عليك .

عمر :معلش كنت بكمل التحاليل واشعه الص*ر ولسه مخلص ،مش عايز قلقً ومتخافيش يا هاله ،طمنيني الولاد اخبارهم ايه .

هاله :احنا كويسين ،المهم انت ونتيجه التحاليل واشعه الص*ر امتى .

عمر؛الحمد لله انا اطمنت التحاليل لسه بعد ثامنيه و اربعون ساعه والاشعه انا شوفتها الحمد لله كويسه .

قولي ليه الدكاتره عملوا ايه ،اما وصلوا ؟

هاله :اخدوا المسحات مننا كلنا وشافوا الحراره انت قلت لينا كلنا ليه .

عمر : علشان نطمن انا كنت مع الكل يا هاله وانت بالذات قلقان عليكي بنسبه كبيره هتكوني اتعديتي خدي بالك يا حبيبتي

هاله :حاضر يا عمر .

عمر : وهدير طمنيني عليها.

هاله :مارحتش معاهم الدكتور قال تقعد في البيت راحه ،بدل مفيش حراره وكلنا في انتظار النتايج .

عمر :الحمد لله بس لازم تخلوا بالكوا وخصوصا عمو نبيل وطنط سناء وان شاء الله النتيجه تطلع سلبيه للكل خلال يومين بتطلع بس التباعد يا هاله الله يخليكي .

هاله :حاضر يا عمر واه فريال رجعت من السفر وقاعده معانا .

عمر :وديه دخلت ازاي .

هاله :لا ماهي كانت في العزل في مرسى علم قعدت اسبوعين وطلعوها .

عمر : كويس حمد لله على سلامتها ،انا هقفل دلوقتي مش عايز قلق يا هاله .

طبعا المكالمه كانت اغلبها كحه من عمر فهاله قفلت معاه بعد ان اطمئنت علشان ما يتعبش اكتر من كده .

في الجنينه كان واقف نبيل بيشرف علي الولاد

ادم و حسام نزلوا معاهم ادم علق زينه رمضان وجاب الفانوس

هادي نصب الخيمه هو وحسام وحازم حضر تربيزه التليفزيون .

نبيل كان حاسس انه قبطان في مركب وانه لازم يحافظ علي البيت ده بكل ركابه وانه واجب عليه انه كمان يخرجهم من اي حاله اكتئاب ممكن تكون عندهم لكن حاسس انه تعبان ومش راضي يصرح بكده لحد .

كان عرقان جدا مش طبيعته خالص انه مش قادر يساعد بيده لكن الي لاحظ ادم .

ادم :جدو ممكن علشان خطري تقعد واحنا اهو بنعمل .

نبيل :جري ايه يا وحش انا كويس .

ادم :جدو حضرتك وشك اصفر قوي .

نبيل :بقولك انا كويس ،وكان هيقع سنده ادم وكل الولاد ولاحظوا انه بيرتعش جامد .

سناء :بتجري ناحيته .

على نزله ماجد الي جري ومسك مامته ماجد :ماما ارجوكي كفايه واحد يبقي تعبان .

نبيل بعد الكل عنه وزعق

نبيل :محدش يقرب مني انا بقول اهو جه ادم وهادي يقربوا

نبيل بصوت حازم :قلت لأ ابعدوا ونبيل دخل اوضته وقبل ما يقفل الباب قال للولاد عقموا كل حته كنت فيها وقفل الباب .

نبيل مسك التليفون وطلب المسئول عن المدافن وقاله يجهز المدفن لانه احتمال يحصله حاجه .

نبيل عارف ان الكورونا لو اصيب بها كبار السن بتبقى صعبه عليهم ونسبه وفاتهم كبيره وهو حاسس انها كورونا ولن ينتظر نتيجه المسحه هيبعد عن الكل لن يكون السبب في ان احد افراد عائلته يصابوا به ويكون هو السبب ،ياه نفس تفكير عمر الي نبيل وفضه لكن اهو بيعمل زيه هو خايف علي الكل خصوصا سناء حبيبه قلبه فهى مريضه قلب وسكر ويخشى عليها وكلم المدافن علشان كل شئ بيد الله لكن حتى ديه بيرتبها وكتب لمهند رساله بالي عمله .

مهند كلم ابوه بعد الرساله ديه .

مهند :ليه كده يا بابا انت كويس بعد الشر عنك .

نبيل :مهند انت الكبير ومش وقت عواطف خالص انا رتبت كل حاجه علشان لو حصلي حاجه ما تتعبش والاعمار بيد الله لكن لازم الانسان يكون ص**ح مع نفسه مهند انت عارف كل حاجه الفلوس وال*قود انا قايلك مكانهم وقسم زي الشرع ما بيقول يا حبيبي وحق خليل الي كان في ورثي كنت شايله علي جنب في وديعه ادي الوديعه ديه لفريال محدش من اخواتك يدخل معاها فاهم وانا كانب كل ده في وصيه .

مهند بيسمع كلام نبيل وبيقول كلمه واحده حاضر يا بابا وبعد الشر عنك .

الكل تحت عند نبيل .

هاله مسكت تليفونها :عمر بابا تعبان يا عمر قولي اعمل ايه .

عمر :طيب انا هبعت دكتور زميلي من الحجر وهقول للناس الي اخدو المسحه ، يسرعوا النتيجه بس ابعدو وخالوا بالكوا من ماما احتمال كبير تكون هي كمان عيانه ،انا السبب انا السبب يا ريت منزلتش .

هاله :ده قدر وربنا معانا .

عمر :هاله سامحيني انا السبب .

هاله :ايه يا عمر الكلام ده ومين قال انك السبب مش يمكن يكون بابا جايبها من بره انت ناسي انه بيخرج .

ده نصيب ربنا قسم بكده نقول الحمد لله وربنا قادر يزيح الغمه .

فريال هتجنن علي عمها فهو والدها الحقيقي الي ربى ولم يبخل عليها بكل عواطف الابوه وكان بيعاملها مثل هاله .

مسكت المصحف وجلست في جانب من الشقه تقرا فيه وتدعوا له .

الحياه توقفت في بيت العائله الكل مترقب نتيجه التحليل للكل وهل هذا هو اليوم التي تتفرق فيه العائله بفقد كبيرها .

اقتباس من الجزء القادم

هادي طالع بنرفزه شقته .

ادم :وانت طالع ومتنرفز ليه .

هادي :من حازم **م ان مي تاخده المرسم علشان توريه الرسومات قال بيطلعها كده من التفكير والحزن .

ادم :وانت ايه يعني الي مضايقك بردوه.؟

هادي :مش مضايق وطلع شقته .

.