QUEEN MERCURY
Magkasama kami ni Stallionne ngayon pero kanina ko pa napapansin na parang wala siya sa sarili niya. Nakita ko rin na namamaga ang mga mata niya at sigurado ako na kagagaling lang niya sa pag-iyak? Gusto ko man siyang tanungin pero hindi ko magawa dahil gusto ko na sa kanya mismo manggaling. Kilala ko si Stallionne, hindi siya malihim at open siya sa kung ano man ang problema niya. Pero sa araw na ito, alam kong may tinatago siya. May iniinda siya, pero hindi niya pa kayang sabihin sa akin.
Nanlaki naman ang mga mata ko nang makitang tumulo bigla ang luha niya. Dahil sa sitwasyon namin ngayon, naglakas loob na akong magtanong. May karapatan na siguro akong magtanong dahil bumigay na siya sa harapan ko. Dahil sa bench kami ng parke nakaupo, umusog siya nang mas palapit sa ak
