YARA
Hatinggabi na ng matapos ang reception ng kasal namin at nakauwi kami dito sa bahay nina Leo. Laking pasasalamat ko na lang din at off day ko ng dalawang araw na magkasunod bago ang duty ko sa PGH.
Balak ko sana na mag-file ng isang linggo pa na bakasyon. Hindi ko nga lang sigurado kung papayagan ako dahil bago pa lang ako sa trabaho.
Masakit at pagod ang binti na agad akong umupo sa sofa sa loob ng kwarto ni Leo ng makapasok kami. Nakatayo kasi ako sa maghapong duty at panay lakad sabayan pa ng mahabang reception ng kasalanan.
Epekto na rin siguro ito ng ginawa namin ni Leo bago ang kasal dahil kahit nakalipas na ang ilang oras ay hirap pa rin akong makabawi ng lakas. Kung hindi lang ito nakaalalay sa akin ay baka may mga pagkakataon na bumagsak ako sa sahig dahil sa pangiginig
